Hibru 13:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² E jẹn erhorha ẹghọ chọrọ ovwan ẹro-o, kidie ọtiọye na evo vwọ vwẹ emakashe roro erhorha ghẹre.

Hibru 13:2 ပူးပေါင်းရင်းမြစ်များ

Jẹnẹsis 18:1

Ọrovwohwo da vwẹ oma phia kẹ vwẹ oma rẹ ọhahe ri Mamre, ro vwo tidia anurhoro rẹ utughẹ rọye vwẹ oghẹruvo na.

Jẹnẹsis 19:1

Emakashe ivẹ na de rhi te Sodọm vwẹ ovwọnvwọn, yi Lọt tidia ughere ri Sodọm, Ri Lọt vwọ mrẹ ayen, o de vrẹn ra vwa ayen, o de diguẹ bọvwọ opharo rhu otọ,

Ivie rẹ Ivẹ 4:8

Ẹdẹ ọvo Ilaesha de kpo Shunẹm, asan rẹ ọdafe rẹ aye ọvo dia aye na kọ ta kẹ nẹ ọ re ememu. Kọke kọke rọ vwọ wan idjerhe yena vrẹn kọ vwẹriẹ asan na re emu.

ỌBE RẸ JOB 31:19

ọ da dianẹ me mrẹ ohwo rẹ ẹbẹba hwe, eyẹ ovwiogbere rọ mrẹ amua vwo phopho-o;

ỌBE RẸ JOB 31:32

(ọyoyan na ji wo phihọ ọsuere-e, mi rhiẹ ẹchẹ mẹ phihọ kẹ ọ rẹ oyan bẹn);

Aizaya 58:7

Ọ dianẹ wa vẹ ihwo rẹ owẹvwe hwe gba ghare emu wẹ-ẹn, ra reyọ ivwiogbere ri vwo uwevwi-i vwo kpo uwevwi wẹ-ẹn; ọke wọ da mrẹ ohwo rọ ba phihọ, wo mi rhuo, ne wo gbi si oma wẹn nẹ kẹ omobọ wẹ-ẹn?

Livitikọs 19:34

Ọrhorha rọ kua bru we rhe kọ dia kerẹ ọmotọ vwẹ obaro wẹn, wọ Me guọnọ kirobo wọ guọnọ oma wẹn; kidie ovwan je dia erhorha vwẹ otọ rẹ Ijipt. Mẹvwẹ Ọrovwohwo rẹ Ọghẹnẹ wẹn .

Matiu 25:35

Kidie owẹvwe hwe vwe wọ da kẹ vwẹ emu re; urhuru rẹ ame hwe vwe wọ da kẹ vwẹ ame da; me vwọ hẹ ọrhorha wo de se vwe te uwevwi;

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

Matiu 25:43

ọrhorha mi ruẹ we se vwe te uwevwi-i, me banphihọ wa vwẹ amwa rhuo vwe-e; me mwa ọga, e mu vwe vwọ hẹ uwodi we te asan mie epha-a.

Iruo rẹ Iyinkọn na 16:15

Ọke ra vwọ vwẹ ame kẹ kugbe evwrumwevwi rọye nu, ọ da rẹ avwanre nẹ, ọ da dianẹ ovwan reyọ ovwẹ phihọ ohwo ro se Ọrovwohwo gbuyota, ovwan gba rhe dia uwevwi mẹ o de sivwi avwanre rẹyo. Ota roye da ro avwanre.

Ọbe ri Pọl si rhe Ihwo ri Rom 12:13

Toro arhọghọ fiki rẹ ọkarovwẹ rẹ irherẹn na, yono obo re ru ẹse.

Ọbe ri Pọl si rhe Ihwo ri Rom 16:23

Gaeọs, ri mi won phihọ uwevwi rọye na, rẹ ishoshi na ejobi ji won na, yere ovwan.

1 Timoti 3:2

Osun na rhe vwo ekan vwẹ oma-a, ẹsiẹvo goi ọ rọvwọ, fuefu, ro vwo iroro, ohwo vẹ udidi, ro ru ẹse, rọ goma rẹ uyono,

1 Timoti 5:10

ọ me rha dia aye re se oseri esiri kpahe, ro vwiẹ emọ rọ da ghẹre ayen, rọ ghọ erhorha, rọ hworhẹ awọ rẹ ihwo efuanfon na, rọ dia oehuko kẹ otu rẹ akpọ hẹn, rọ vwẹ oma rọye ru iruo esiri vwẹ idjerhe kidjerhe.

Taitọs 1:8

ẹkẹvuọvo o ru ẹse, ivun rẹ erhuvwu vwerhọ, o se sun oma rọye rọ dia ohwo rẹ ọsoso, fuanfon, dẹndẹn;

1 Pita 4:9

Ovwan ghọ erhorha we guẹ-ẹ.

3 Jọn 1:5

Ọ rọ ghare, mi nyo usi rẹ emu esiri ru wo ru kẹ imoni na, marho kẹ erhorha na,