Hibru 13:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Wa rua uvwerhi rẹ emu esiri eruo-o kugbe rere wo ghare obo ri rhe we kẹ ihwo, kidie okẹ ọtiọye na ri je Ọghẹnẹ.

Hibru 13:16 ပူးပေါင်းရင်းမြစ်များ

Une rẹ Ejiro 37:3

Vwẹ ẹro so Ọrovwohwo, ru wo ru ọ re esiri ko wọ dia otọ na, oma ko fu we.

Une rẹ Ejiro 51:19

Kẹsiẹye izobo re ọsoso ke vwẹrhe owẹ oma, izobo ẹtorhẹ kugbe ekru rẹ izobo ẹtorhẹ; Tavwe a ke vwẹ irhuẹn gọ wẹ vwẹ enu rẹ ẹshẹ wẹn.

Iyẹnrẹ Esiri ri Luk 18:22

Ọke ri Jesu vwo nyo, ọ da ta kẹ, Emu ọvo je kanre owẹ. Shẹ obo wo vwori ejobi re wọ ghare ayen kẹ ivwiogbere, ku wo vwo efe vwẹ obo odjuvwu; re wọ rhe, ri nene uvwe.

Iruo rẹ Iyinkọn na 10:38

Obo rẹ Ọghẹnẹ vwọ vwẹ evwri ghworo Jesu ri Nazarẹt vwẹ Erhi Ọfuanfon kugbe ogangan obo ro yanrhe yankpo ro ruẹ emu esiri jo sivwi ihwo ejobi rẹ idẹbono shenyẹ, kidie Ọghẹnẹ vẹ ọye herọ.

Iruo rẹ Iyinkọn na 9:36

Ọke yena odibo ọvo da herọ vwẹ obi Jọpa re se Tabita, otọ rọye Dọkas eyẹ Uzo, O ru ẹse mamọ, oki rhe vwo uruemu esiri.

Ọbe ri Pọl si rhe Ihwo ri Rom 12:13

Toro arhọghọ fiki rẹ ọkarovwẹ rẹ irherẹn na, yono obo re ru ẹse.

Galesha 6:10

Vwẹ ọtiọye na rẹ avwanre mrẹ obọ na, e jẹn avwanre ru emu esiri kẹ ihwo ejobi, marho, kẹ ayen otu re hẹ evwruwevwi rẹ esegbuyota na.

Galesha 6:6

Ihwo re yono ota na mi ji rhie evu kẹ oyono na, vwọ ghare vwẹ emu rẹ erhuvwu ejobi.

Ẹfesọs 4:28

E jẹn ohwo ro cho uji jẹ uji vwo, ẹkẹvuọvo e jẹ ọ vwẹ obọ rọye wian, ọ vwẹ abọ rọye ru iruo ro vwo ọghọ, rere ọ mrẹ vwọ kẹ ayen otu rẹ akpọ bẹn.

Filipae 4:14

Dede na yẹ ovwan ruru gangan rẹ ovwan vwọ karohọ ovwẹ vwẹ evun rẹ ukpokpogho mẹ.

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

1 Tẹsalonaika 5:15

We jẹn ohwo vwẹ umwemwu hwa osa rẹ umwemwu-u, ẹkẹvuọvo guọnọ emu esiri ru kẹ ohwohwo kugbe ihwo ejobi.

2 Tẹsalonaika 3:13

Imoni, we jẹ oma rẹ uruemu esiri rho ovwa-an.

1 Timoti 6:18

Jẹn ayen ru emu esiri jẹn ayen fe efe rẹ uruemu esiri, jẹn ayen ru ẹse,

Filimọn 1:6

rere uruemu esiri rẹ esegbuyota wẹn na vwọ phia kẹ ihwo ejobi mrẹ kugbe erianriẹn ri kemu kemu esiri ejobi ru wo vwori vwẹ oma ri Kristi.

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

3 Jọn 1:11

Ọ rọ ghare, wọ vwẹ ẹro kere ohwo umwemwu-u ẹkẹvuọvo vwẹ ẹro kere ohwo esiri. Ohwo ro ru emu esiri yẹ ọye ọ rẹ Ọghẹnẹ; ohwo ro ruẹ umwemwu yọ je mrẹ Ọghẹnẹ-ẹ.