Hibru 13:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kidie eranvwe rẹ hweri rẹ orherẹn rode na reyọ ọbara rọye vwo kpo ẹshẹ na rhe vwọ gọ iye rẹ umwemwu na a torhẹ ayen vwẹ otafe rẹ erhọn na.

Hibru 13:11 ပူးပေါင်းရင်းမြစ်များ

Ẹyano 29:14

Ẹkẹvuọvo uvwo rẹ erhuẹn na, vẹ ohọrọ rọye, vẹ isọn rọye, kọye wọ vwẹ erhanre torhẹ vwẹ otafe rẹ erhọn na; ọye izobo rẹ umwemwu.

Izikiẹl 43:21

Ku wọ je reyọ erhuẹn rẹ izobo rẹ umwemu na, ka torhẹ vwẹ asan re dje phihọ kẹ vwẹ evun rẹ uwevwi rẹ ẹga na, vwẹ uphephẹ rẹ otọ ọfuanfọn na.

Livitikọs 16:27

Erhuẹn ọshare re vwo ze izobo fiki rẹ izobo rẹ umwemwu na ọ vẹ ẹvwe rẹ izobo rẹ imwemwu na, ra vwẹ ọbara rẹ rayen rọ evun rẹ asan ẹshẹ na rẹ a vwọ gọ ẹgua na nu na, ke muo ro otafe nẹ evun rẹ erhọn na; a Me vwẹ erhanre torhẹ ophiẹn rayen vẹ uvwo rayen kugbe isọn rayen ejobi.

Livitikọs 6:11

Kẹsiẹye orherẹn na ki ku iwun rọye nẹ oma, o mi ku iwun efa phihọ, ọ Me ghwa iwurhie na nẹ erhọn rọ hẹ otafe kpo asan rọ fonro.

Livitikọs 6:30

Ẹkẹvuọvo e jẹn ohwo re eranvwe re vwo ze izobo rẹ umwemwu ra reyọ ọbara rọye rọ evun rẹ utughẹ ra da vwa oma na-a, a vwọ gọ ẹgua vwẹ asan ọfuanfon na, a vwẹ erhanre torhẹ.

Livitikọs 9:11

Uvwo rẹ eranvwe na kugbe ophiẹn rọye ọ da torhẹ ayen vwẹ obo otafe rẹ erhọn na.

Livitikọs 9:9

Emọ rẹ Erọn ki mu ọbara rọye vwọ kẹ, O de duvwu urhiabọ rọye phihọ ọbara na vwo te ighoro rẹ agbada na, kẹsiẹye o ki ku ọbara na ku otọ rẹ awọ rẹ agbada na;

Ukeri 19:3

Ku wọ reyọ vwọ kẹ Eleaza rẹ orherẹn, ka reyọ kpo otafe rẹ erhọn na e mi hwe vwẹ obaro rọye.

Ukeri 19:7

Etiyin orherẹn na kọ fọnrhọn emwa rọye ọ me rha vwẹ ame họ oma rọye, tavwe rọ ke rhoma rhe evun rẹ erhọn na; ọrheren na kọ dia vwi ijẹfuọn bẹsiẹ rhi te ovwọnvwọn.