Hibru 12:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọ ghwọ rere ovwan vwo se chirako. Ọghẹnẹ ruẹ ovwan kerẹ emọ; ki didi ọmọ ọsẹ rọye jẹ ghwọ kuo?

Hibru 12:7 ပူးပေါင်းရင်းမြစ်များ

2 Samuẹl 7:14

Ke Me dia ọsẹ rọye kọ rha dia ọmọ mẹ, o de ru umwemwu, ke Me vwẹ uphiephia rẹ ohwo rẹ akpọ vwọ fa.

1 Ivie 1:6

Ọsẹ rọye ji ruo bra dẹvo-o ro da nọ nẹ, Die wo vwo ruẹ enẹ vẹ enẹ? Je vwẹ ohwo vẹ erhuvwu gangan; e vwiẹrẹ kpahe Absalọm.

Isẹ 13:24

Ohwo rọ vwẹ ophiaphiẹ fa ọmọ rọye-e yo mu ọmọ na mwumwerhe ẹkẹvuọvo ohwo rọ guọnerọ nabọ ruo gangan.

Isẹ 19:18

Nabọ si ọmọ wẹn orhọn rẹ iphiẹrohọ vwọ herọ na; wọ vwẹ udu kpahe ẹghwọrọ rọye-e.

Isẹ 22:15

Ughenghẹn vọn evun rẹ udu rẹ omotete, ẹkẹvuọvo uphiaphie kọye sa djẹ nẹ evun rọye.

Isẹ 29:15

Ophiaphia vẹ ẹghwọkuo vwẹ aghwanre kẹ ohwo, ẹkẹvuọvo ọmọ re ku aro fia kẹ cha nẹrhẹ oma vo oni rọye.

Isẹ 29:17

Nabọ yono ọmọ wẹn gangan, oma ko fu we; kọ cha vwẹ omavwerhovwẹ ke udu wẹn.

Iruo rẹ Iyinkọn na 14:22

Ayen da ta ejọghwa phihọ udu rẹ idibo na, o de bru ayen uche rere ayen mudia gan vwẹ esegbuyota na, tanẹ, ukpokpogho buebu a cha wanvrẹn nu tavwe rẹ avwanre ke sa ro uvie rẹ Ọghẹnẹ na.

1 Kọrẹnt 11:32

Ẹkẹvuọvo Ọrovwohwo da vwẹ avwanre guẹdjọ, ka fa avwanre rere e vwo jẹ avwanre ebruhwe kugbe akpọ na.

Urhi Rivẹ 8:5

Wọ Me riẹn vwẹ udu wẹn nẹ, obo rẹ ohwo fa ọmọ rọye eriyin Ọrovwohwo Ọghẹnẹ wẹn na je cha fa wẹ rhe.

1 Samuẹl 2:29

Die sorọ wọ vwẹ ẹro rẹ urhuru vwo nẹ izobo mẹ kugbe ẹkpẹvwẹ mẹ ri mi ji urhi phihọ, ru wo de mu ọghọ kẹ emọ wẹn nọ vwẹ ru wọ reyọ asan rọ ma vwerhe vwẹ izobo rẹ ihwo mẹ Izrẹl vwọ ghẹrẹ oma tubie tubie?

1 Samuẹl 2:34

Emu nana rọ cha phia kẹ emọ wẹn ivẹ na, Hofni kugbe Finihas, kọ cha dia oka kẹ wẹ: ayen ivẹ na che ghwu ukpẹdọke.

1 Samuẹl 3:13

Ke me ta kẹ ni mi che hwe uwevwi rọye bẹdẹ, fiki rẹ orukuruku rọ riẹnre jovwo, fikiridie emọ rọye na ra phọphọ Ọghẹnẹ, yọ sa ghwọ ku aye-en.