Hibru 11:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Vwẹ esegbuyota ọye Ebẹl vwo ze omamọ rẹ izobo kẹ Ọghẹnẹ vwọ nọ Ken, kọye e vwo se oseri kẹ nẹ ovwata o ruẹ, fiki rẹ iseri yena Ọghẹnẹ vwọ reyọ izọbo rọye; ọ de ghwu, vwi fiki rẹ ẹsegbuyota na kọye ọ je vwọ ta ota.

Hibru 11:4 ပူးပေါင်းရင်းမြစ်များ

Jẹnẹsis 4:10

Ọrovwohwo da ta, Die kọye wo ruru na? Urhuru rẹ ọbara rẹ oniọvo wẹn kperi nẹ otọ bru vwe rhe.

Jẹnẹsis 4:15

Ọrovwohwo da ta kẹ nẹ, Ọ dia eriyi-in, ọ da dianẹ ohwo hwe Ken, ka re ihri akueghwrẹ vwẹ obọ rọye Ọrovwohwo da ka oka vwọi Ken, rere ohwo rọ mrẹrẹ vwo je hwe.

Jẹnẹsis 4:25

Adam da rhoma riẹn aye rọye, o de vwiẹ ọmọshare o de se odẹ rọye Sẹt, kidie ọ tare nẹ, Ọghẹnẹ kẹ vwẹ ohwo ọfa vwẹ ẹdia rẹ Ebẹl ri Ken hweri.

Jẹnẹsis 4:8

Ken da ta kẹ Ebẹl rẹ oniọvo rọye nẹ, Gbe jẹ avwanre kpo obo aghwa. Rẹ ayen vwọ obo aghwa re, Ken da vwọ so oniọvo rọye Ebẹl o de hwe ghwu.

1 Ivie 18:38

Etiyin erhanre rẹ Ọrovwohwo de shotọ, ọ da torhẹ izobo na, vẹ irhe na, vẹ ibieragha na, vẹ iwurhie na, ọ da rare ame rọ hẹ ukpotọ na kpae.

ỌBE RẸ JOB 8:10

Ayen gbi rhe yono uwe, rẹ ayen da ta kẹ wẹ, re ayen da ta eta nẹ erianriẹn rayen rhe?

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Isẹ 21:27

Izobo rẹ ohwo umwemwu ẹgua ọ dia, komavo ọ dia ọ da dianẹ ọ vwẹ ọnko ze.

Livitikọs 9:24

Kọye erhanre da la phia e da torhẹ izobo rẹ ẹtorhẹ na kugbe ivwri re hẹ enu rẹ agbada na, rẹ ihwo na ejobi vwọ mrẹ Ọnana re ayen de kperi gangan ayen de she bọvwọ opharo rhuotọ.

Matiu 23:35

Rere osa rẹ evwata rẹ ovwan hweri vwẹ akpọ na vwọ dia uyovwi rẹ ovwan, nẹ ọbara rẹ Ebẹl rẹ ọvwata, re te ọbara ri Zakaraya rẹ ọmọ ri Barakaya rẹ ovwan hweri vwẹ enu rẹ agbada.

Iyẹnrẹ Esiri ri Luk 11:51

nẹ ọbara rẹ Ebẹl re te ọbara ri Zakaraya, ro ghwuru vwẹ uvwre rẹ agbada vẹ ẹshẹ. Uyota me ta kẹ wẹ, ka nọ ekpẹn rọye vwẹ obọ rẹ uvwiẹ nana.

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.

Hibru 11:2

Fiki rọye Ọghẹnẹ vwọ jẹ ihwo efuanfon rẹ awanre na reyọ.

Hibru 12:1

Fiki rẹ eriyin na, re avwanre vwọ mrẹ nẹ iseri buebu riariẹ avwanre phihọ na, e gbe jẹn avwanre won oghwa koghwa, kugbe umwemwu rọ gba avwanre na phihọ otọ, e gbe jẹn avwanre vwẹ erhiori djẹ onẹ rọ hẹ obaro na,

Hibru 12:24

kugbe Jesu o vwrohọre rẹ ọphọ ọkpokpọ na, kugbe ọbara ra fẹre rọ ta ota esiri nọ ọbara rẹ Ebẹl.

Hibru 5:1

Kohwo kohwo re vwo mu orherẹn uherevie rẹ ihwo rọye a da sanọ, ka vwọ phia kẹ Ọghẹnẹ, re ọ vwọ kẹ okẹ re ọ vwọ gọ iye kẹ ihwo ri ru umwemwu.

Hibru 9:22

Uyota, kirobo rẹ urhi epha kemu kemu ra fẹrẹ ọbara ku ejobi yọ fonro, kpẹsiẹ re sun ọbara te otọ-ọ yẹ evwoghovwo rẹ umwemwu herọ-ọ.

2 Pita 2:8

(fiki rẹ obo rẹ ọvwata yena mrẹre ro nyori rọ vwọ hẹ ohri rẹ ayen na, ophu de muo vwẹ erhi rẹ ọvwata rọye kẹdẹ kẹdẹ vwi fiki rẹ ozighi rẹ uruemu rayen),

Ọbe ri Jud 1:11

Ekan kẹ ayen! Kidie idjerhe ri Ken ayen nene na, ubiupho rẹ erere re nẹrhẹ ayen nene oruchọ ri Bẹlam, ọ da nẹrhẹ ayen ghwu phihọ omẹriọ ri Kora.