Hibru 11:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ ri furhie ogidi-erhanre, re vabọ rẹ ọlọkọ, ri nẹ ọvwiẹre ra ro ọgba, re dia egba vwẹ ofovwi, re vẹn unuofovwi rẹ erhorha.

Hibru 11:34 ပူးပေါင်းရင်းမြစ်များ

1 Ivie 19:1

Ehab da vuẹ Jezibẹl obo rẹ Ilaija ruru ejobi, obo rọ vwẹ ọlọkọ hwe emraro na ejobi;

1 Ivie 19:3

Etiyin oshọ de muo, o de vrẹn ọ da djẹ kpo Beer-sheba, ri Juda, fiki rẹ arhọ rọye, ọ da yan jẹ odibo rọye vwo vwẹ etiyin.

Ivie rẹ Ivẹ 6:1

Asakiephana emọ rẹ emraro na da ta kẹ Ilaesha, Nighe, asan rẹ avwanre dia wọ da vwẹ ẹro te avwanre na havwe nọ kẹ avwanre.

Ivie rẹ Ivẹ 6:32

Ilaesha tidia vwẹ evun rẹ uwevwi rọye, ekpako na vẹ ayen gbe tidia. Asakiephana ovie na de ji oshare ọvo nẹ aro rọye yanran ẹkẹvuọvo tavwe rẹ ikọn na ki rhi te asan rẹ ọ ephan, Ilaesha da ta kẹ ekpako na nẹ, Ovwan mrẹ obọ rẹ ozighẹ nana ji ikọn rhe nẹ ọ reyọ uyovwi mẹ rhe? Nighe, ọke rẹ ikọn na da rhe, we bi ẹchẹ na gbe, rere ovwan tua ẹchẹ na vwra gangan. Ọ dia ichiyi rẹ ọrovworo nene cha vwẹ obuko na?

ỌBE RẸ JOB 42:10

Ọrovwohwo da rhoma reyọ ughwẹ rẹ Job vwọ kẹ, oke ro vwọ nẹ ẹrhovwo kẹ igbeyan rọye nu; Ọrovwohwo da rhoma vwọ kẹ Job ọhwọhwọ ivẹ nọ uche ro vwori jovwo.

ỌBE RẸ JOB 5:20

Vwẹ ọke rẹ owẹvwe de fi o se sivwi uwe nẹ ughwu. O sivwi uwe nẹ ogangan rẹ ọlọkọ.

Une rẹ Ejiro 124:7

Avwanre rhan vabọ kerẹ ọphran rọ vabọ nẹ ugodo rẹ ọkpaufi, ufi na vwrẹri, avwanre da vabọ!

Une rẹ Ejiro 144:10

rọ vwẹ obọẹkparọ vwọ kẹ ivie, ro sivwi Devid odibo wẹn.

Une rẹ Ejiro 6:8

Bi nu vwe oma ovwan obotu ri ruẹ umwemwu; kidie Ọrovwohwo nyo umri rẹ oviẹ mẹ.

Une rẹ Ejiro 66:12

Wẹ re nẹrhẹ ayen gua vwẹ enu rẹ uyovwi rẹ avwanre; avwanre wan erhanre vrẹn je wan ame vrẹn; dede na wọ da je vwẹ avwanre rhi vwo te asan ophephẹ.

Ẹyano 18:4

odẹ rẹ ọrivẹ, Ẹliẹza (fikiridie ọ tare, Ọghẹnẹ rẹ esẹ mẹ ọye ọchuko mẹ, o de sivwe nẹ ọlọkọ ri Fero).

Aizaya 43:2

Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

Jerimaya 26:24

Ẹkẹvuọvo Ahaikam ọmọ ri Shafan da nabọ vwẹ obọ rhurhu Jerimaya gangan ọtiọye na ọ gbe rhọvwe vwọ kẹ ayen hwe-e.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

1 Pita 4:12

Imoni, we jẹ ọdavwini rẹ odjadja rẹ erhanre ro bru ovwan rhe rhe davwe ovwan ni na gbe ovwan unu-u, kerẹsiẹ ra mrẹ nẹ emu ọkpokpọ re phia kẹ ovwan.

Iguẹdjọ 15:8

Ọ da ra họnre guọghọ ayen hwe buebu; ọ da yanran ra dia evun rẹ unu vwẹ oragha rẹ Etam.

1 Samuẹl 18:11

Sọl de phi ubiri na, kidie o rori nẹ, Mi ghwe duvwu Devid mu igbẹhẹ. Ẹkẹvuọvo Devid de fovwi oma kẹ asiava.

1 Samuẹl 19:10

Sọl da guọnọ ro vwẹ ubiri duvwu Devid mu igbẹhẹ; ẹkẹvuọvo o de reghe Sọl, Etiyin ọ da vwẹ ubiri na duvwu igbẹhẹ. Devid da djẹ vabọ.

1 Samuẹl 20:1

Etiyin Devid da djẹ nẹ Naiot vwi Remah, ọ da rhe rhe ta kẹ Jonatan, Die mi ruru? Didi abe me rere? Didi umwemwu mi ru ọsẹ wẹn, rọ vwọ guọnọ ovwẹ hwe?