Hibru 11:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Vwẹ esegbuyota avwanre vwọ riẹn nẹ ota rẹ unu Ọghẹnẹ vwọ ma akpọ, vwẹ ọtiọye na obo ra mrẹ na, emu re ji rhie ẹro mrẹ dẹvo-o eye a vwọ ma ayen.

Hibru 11:3 ပူးပေါင်းရင်းမြစ်များ

Jẹnẹsis 1:1

Nẹ otọ rhe Ọghẹnẹ vwọ ma odjuvwu vẹ akpọ.

Une rẹ Ejiro 33:6

Vwẹ ota rẹ Ọrovwohwo na ọye odjuvwu na vwọ mama, obo re vọnrọ ejobi kẹ ẹnwẹ rẹ unu rọye.

Une rẹ Ejiro 33:9

Kidie ọ tanu, ọ da ghwa dia ọtiọye, o ji urhi nu, o de mudia kokoroko.

Aizaya 40:26

Kpare ẹro wẹn kpenu re wọ mrẹ, ono ma enana? Ọye ohwo rọ reyọ ayen rhe gbidiki, ro mu odẹ kẹ ayen ejobi, vwẹ orhuarho rẹ ẹgba rọye, kidie ọ ganre vẹ egba ọvuọvo rọye se ghwru-u

Jerimaya 10:11

Enẹ wọ ta kẹ ayen eghẹnẹ re ma idjuvwu kugbe akpọ na-a cha ghwọrọ nẹ akpọ kugbe otọi rẹ obo odjuvwu na.

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

Iyẹnrẹ Esiri ri Jọn 1:3

oma rọye a wan mama imu na ejobi, ọ gbe dia ọye-e emu ọvuọvo ra mare na a gbe mama-a.

Iruo rẹ Iyinkọn na 14:15

Ihwo na, die ovwan vwo ruẹ ọnana? Avwanre je hẹ ihwo rhe kerẹ ovwan, re ghwẹ iyẹnre esiri rhe ovwan rere ovwan yan jẹ emu diodi nana vwo bru Ọghẹnẹ ọkpokpọ na rhe, ohwo rọ ma odjuvwu kugbe akpọ kugbe abadi kugbe obo re hẹro ejobi.

Iruo rẹ Iyinkọn na 17:24

Ọghẹnẹ rọ mama akpọ na kugbe kemu kemu rọ herọ, rọ vwọ dia Ọrovwohwo ro vwo odjuvwu vẹ akpọ na, ọ sa dia evun rẹ ẹshẹ rẹ ohwo vwẹ obọ ru-u,

Ọbe ri Pọl si rhe Ihwo ri Rom 4:17

kirobo re siro, Me vwẹ owẹ ru ọsẹ rẹ ẹghorho buebu–vwẹ obaro rẹ Ọghẹnẹ ru wo segbuyota, rọ vwẹ arhọ kẹ orivwi ro ma emu ra mama jovwo-o phihọ akpọ na.

1 Kọrẹnt 2:7

Ẹkẹvuọvo avwanre yono obo re sinu, aghwanre rẹ Ọghẹnẹ rọ djahere, rẹ Ọghẹnẹ ji iji kpahe rhabae vwọ kẹ urinrin rẹ avwanre.

1 Timoti 4:5

kidie ota rẹ Ọghẹnẹ vẹ ẹrhovwo rọye ru ro fon nure.

Hibru 1:2

vwẹ asakiephana unu rẹ Ọmọ rọye kọye ọ wan ta ota kẹ avwanre, ọye o ve phihọ nẹ ọ reuku ri kemu kemu ejobi re hẹ akpọ na; oma rọye ọ wan mama akpọ na.

Hibru 6:5

Re davwẹ avwerhe rẹ erhuvwu rẹ ota rẹ Ọghẹnẹ kugbe ogangan rẹ oge rọ cha na.

2 Pita 3:5

Ayen vwẹ ẹro koko siẹn uyota nana, nẹ vwẹ ota rẹ Ọghẹnẹ ọye odjuvwu na vwọ herọ nẹ awanre rhe, ọye otọ na vwọ va nẹ evun rẹ ame rhe vwẹ oma rẹ ame,

Ẹvwọphia 4:11

Wọwẹ hẹ ohwo ro fori, Ọrovwavwanre kugbe Ọghẹnẹ, rọ reyọ urinrin kugbe ọghọ kugbe ogangan, kidie wọwẹ re mama emu ejobi, ọhọre wẹn ayen vwọ herọ kọye a vwọ mama ayen.