Hibru 11:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ẹkẹvuọvo kirobo rọ epha na, ayen guọnọ ọrho ro me yovwi, kọye hẹ, orere rẹ obo odjivwu. Vwẹ ọtiọye na Ọghẹnẹ gbe vuoma re de se Ọghẹnẹ rẹ aye-en, kidie ọ rhuẹrẹ orere phihọ kẹ ayen nure.

Hibru 11:16 ပူးပေါင်းရင်းမြစ်များ

Jẹnẹsis 26:24

Ọrovwohwo da vwẹ oma phia kẹ vwẹ ason yena ọ da ta, Mẹvwẹ Ọghẹnẹ rẹ Ebraham rẹ ọsẹ wẹn, wọ djoshọ-ọ, kidie Me vẹ owẹ herọ ki mi bruphihọ kẹ wẹ uvwiẹ wẹn ko bu phihọ fiki rẹ odibo mẹ Ebraham.

Jẹnẹsis 28:13

O vwo ni, Ọrovwohwo de mudia obenu rọye ọ da ta, Mẹvwẹ Ọrovwohwo na, Ọghẹnẹ rẹ Ebraham na rẹ ọsẹ wẹn kugbe Ọghẹnẹ rẹ Aizik, otọ ru wo shevwerhẹ phihọ na Me vwọ kẹ wẹ kugbe uvwiẹ wẹn ejobi,

Ẹyano 3:15

Ọghẹnẹ da ta kẹ Mosis rhe, Ta ọnana kẹ ihwo rẹ Izrẹl, Ọrovwohwo na, Ọghẹnẹ rẹ esẹ rẹ ovwan, Ọghẹnẹ rẹ Ẹbraham, Ọghẹnẹ rẹ Aizik, Ọghẹnẹ rẹ Jekọp, ọyen ju vwe bru ovwan rhe: ọnana odẹ mẹ bẹdẹ, enẹ a vwọ karophiyọ ovwẹ vwẹ evun rẹ uvwiẹ na ejobi.

Ẹyano 3:6

Ọ da ta, “Mẹvwẹ Ọghẹnẹ rẹ ọsẹ wẹn, Ọghẹnẹ rẹ Ebraham, Ọghẹnẹ rẹ Aizik vẹ Ọghẹnẹ rẹ Jekọp.’’ Etiyin Mosis de si opharo rọye nu, fikiridie oshọ ro vwo ni Ọghẹnẹ muro.

Ẹyano 4:5

Ọnana kọye ayen vwo segbuyota nẹ Ọrovwohwo Ọghẹnẹ rẹ esẹ rayen, Ọghẹnẹ rẹ Ebraham, Ọghẹnẹ rẹ Aizik, kugbe Ọghẹnẹ rẹ Jekọp, vwẹ oma phia kẹ wẹ.

Jerimaya 31:1

Vwẹ ọke yena, eriyin Ọrovwohwo tare, ke me cha dia Ọghẹnẹ rẹ uvwiẹ rẹ Izrẹl ejobi, ayen ke cha dia ihwo mẹ.

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Iyẹnrẹ Esiri ri Mak 12:26

Vwọ kpahe irivwi ri che vrenushi ovwan ji se vwẹ ẹbe ri Mosis, asan re shi kpahe Aghwa na, obo rẹ Ọghẹnẹ ta kẹ Mẹvwẹ ọghẹnẹ rẹ Ebraham, kugbe Ọghẹnẹ rẹ Aizik kugbe Ọghẹnẹ ri Jekọp?

Iyẹnrẹ Esiri ri Mak 8:38

Kidie ohwo kohwo rọ vo oma mẹ kugbe oma rẹ ota mẹ vwẹ evun rẹ orua ri gbe igberadja na kugbe iruimwemwu nana, Ọmọ rẹ ohwo je vo oma rọye rhe, vwẹ ọke rọ da cha vwẹ evun rẹ urinrin rẹ Ọsẹ rọye vẹ emakashe efuanfon na.

Iyẹnrẹ Esiri ri Luk 12:32

Wa djẹ oshọ-ọ, imigegede mẹ, kidie evun esiri rẹ Ọsẹ na rọ vwọ vwẹ uvie na kẹ ovwan.

Iyẹnrẹ Esiri ri Luk 20:37

Ẹkẹvuọvo nẹ irivwi vrẹn, mrẹmrẹ Mosis vwe rọ phia, vwẹ asan re seri vwẹ oma rẹ aghwa na, asan ro de se Ọrovwohwo Ọghẹnẹ rẹ Ẹbraham Ọghẹnẹ rẹ Aizik Ọghẹnẹ ri Jekọp.

Iyẹnrẹ Esiri ri Jọn 14:2

Vwẹ uwevwi rẹ Ọsẹ mẹ ivun buebu herọ; ọ dia ọtiọye-e, me a rha ta kẹ ovwan nẹ me ra rhuẹrẹ asan kẹ ovwan?

Iruo rẹ Iyinkọn na 7:32

Mẹvwẹ hẹ Ọghẹnẹ rẹ esẹ wẹn, Ọghẹnẹ rẹ Ebraham kugbe Ọghẹnẹ rẹ Aizik, kugbe ọ ri Jekọp Mosis kọ phariẹ o rhe yivwi no-o.

Filipae 3:20

Ẹkẹvuọvo avwanre kẹ emotọ rẹ odjuvwu, kẹ etiyin avwanre da hẹrhẹ Osivwi, Ọrovwohwo Jesu Kristi,

2 Timoti 4:18

Ọrovwohwo ko se sivwi uvwe nẹ emu obrabra ejobi, ko ji sivwi uvwe ra ro uvie rọye vwẹ obo odjuvwu. Ọye a vwẹ urinrin kẹ bẹdẹ bẹdẹ Isẹ.

Hibru 10:34

Kidie ovwan re ehrọre re otu re mu phihọ uwodi, re vwo gborho ekuakua wẹn oma da vwerhe owẹ, kidie okpuyovwi wẹn riẹnre nẹ wo vwo ekuakua ri yoma nọ eyena re je tọn nọ.

Hibru 11:10

Kidie o re rhẹro rẹ orere ro jẹ uchivwo evwo, ohwo rọ bọnrọ kugbe ọ rọ fanrọ kẹ Ọghẹnẹ.

Hibru 11:14

Kidie ihwo re ta ọnana djere phia phẹphẹ nẹ ayen guọnọ ẹdia rẹ obọ rayen.

Hibru 11:40

rẹ Ọghẹnẹ vwọ ka mrẹ obo ri me yovwi kẹ avwanre na, nẹ ọ rha dia avwanre-e e gbi se ru ayen gba-a.

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

Hibru 13:14

Kidie avwanre vwo orere ri bẹdẹ na vwo obonẹ-ẹ, yẹ ẹkẹvuọvo avwanre guọnọ orere rọ cha na.

Hibru 2:11

Kidie te ọye ro ru ihwo fon kugbe otu re ru fon na ejobi asan ọvo ayen nurhe. Kọye sorọ rẹ oma vwo jẹvuọ ro de se avwanre imoni,

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;