Hibru 11:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Vwẹ oma rẹ ohwo ọvo na, ro ji ghwẹ na, kọye a wan vwiẹ uvwiẹ ro buru kerẹ isio rẹ obenu na, kerẹ ehavwo rẹ oma rẹ abadi re je se kere.

Hibru 11:12 ပူးပေါင်းရင်းမြစ်များ

Jẹnẹsis 15:5

Ọ da reyọ rhe otafe ọ da ta, Gbe ni enu na, ru wo keri isio na, su wo se kere ayen. Etiyin ọ da ta kẹ, Ọtiọye uvwiẹ wẹn cha dia.

Jẹnẹsis 22:17

Ki mi bruphihọ kẹ wẹ, ki mi ru uvwiẹ wẹn buphihọ kiri isio rẹ obo odjuvwu kiri ibiekpẹn re orhoma rẹ urhie. Uvwiẹ wẹn ke cha vwẹ anurhoro rẹ ivwighrẹ rayen riuku,

Jẹnẹsis 26:4

Ki mi ru uvwiẹ wẹn bu kiri isio ri obenu, ke Me vwẹ etọ nana ejobi na vwọ kẹ uvwiẹ wẹn; vwẹ oma rẹ uvwiẹ wẹn ọye ẹgborho rẹ akpọ na ejobi de vwo ebruphihọ kẹ oma rayen:

Jẹnẹsis 32:12

Ẹkẹvuọvo wọ tare nẹ, Mi ru we yovwi, ki mi ru uvwiẹ wẹn kiri ehavwo rẹ urhie, re je se kere fikiridie o bunọ.

2 Samuẹl 17:11

Ẹkẹvuọvo iroro re me jẹre kọ na, jẹn Izrẹl ejobi wo koko kẹ wẹ nẹ Dan re te Bẹẹrsheba, kerẹ ehavwo rọ hẹ oma rẹ urhie vwẹ ebuo; ekpuyovwi wẹn ji kpo ofovwi na rhe.

1 Ivie 4:20

Juda vẹ Izrẹl epha buebu kerẹ ibiekpẹn re hẹ oma rẹ urhie; ayen ria ayen, ayen je da, oma ghwa vwerhe ayen.

1 Ikun rẹ Ivie 27:23

Devid kere ihwo ri te ikpe uje-e, fikiridie Ọrovwohwo veri nẹ ọye ru Izrẹl bu kerẹ isio re hẹ obenu.

Nehemaya 9:23

Wọwẹ ri ru uvwiẹ rayen bu phihọ kerẹ isio re obo odjuvwu, wọ da vwẹ ayen rhe otọ ru wọ ta kẹ esẹ rayen ne ayen ruọ rere ayen vwo.

Ẹyano 32:13

Karohọ Ebraham, Aizik vẹ Izrẹl, idibo wẹn, ihwo re wọ vwẹ oma wẹn duvwu iyori kẹ, wọ da ta kẹ ayen, Mi ru uvwiẹ wẹn bu kerẹ isio rẹ obenu na, otọ nana ejobi ri mi ve kẹ wẹ na ke Me vwọ kẹ ikru wẹn, kẹ ayen riuku rọye bẹdẹ.

Aizaya 10:22

Owene ihwo wẹn Izrẹl mi bun kerẹ ehavwo re urhie, umuku rayen ọvo ri che rhivwi. E bru ẹdẹ rẹ ẹghwọrọ nure, rọ mwavwa hwẹ vẹ ọvwata.

Aizaya 48:19

uvwiẹ wẹn ka dia kerẹ ibiekpẹn rẹ otọ orua wẹn kọ họhọ ibieka rọye, a gbe sa nyavwe odẹ rayen kufia-a eyẹ vwọ ghwọrọ ayen nẹ obaro mẹ-ẹ.

Jerimaya 33:22

Kirobo re se keri otuofovwi rẹ obo odjuvwu na-a ra je sa vwavwẹ ubu rẹ abadi na-a na, ọtiọye mi che ru uvwiẹ ri Devid odibo mẹ buẹ phihọ, kugbe irherẹn ri Livae ri gbe odibo kẹ vwẹ na.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Habakọk 1:9

Fiki rẹ ozighi ayen vwọ rhe; uguegue rẹ ayen ka obaro kẹ ayen. Ayen mu ighuvwu ka obaro kẹ ayen.

Ọbe ri Pọl si rhe Ihwo ri Rom 9:27

Aizaya de ghwoghwo kpahe Izrẹl. Owenẹ emọ rẹ Izrẹl bu kerẹ ibiekpẹn rẹ abadi, umuku rẹ ayen re cha rhọ;

Urhi Rivẹ 1:10

Ọrovwohwo, Ọghẹnẹ rẹ ovwan ru ovwan bu phihọ, nighe, nonẹ na, ovwan buru kerẹ isio re obenu,

Urhi Rivẹ 28:62

Owenẹ ovwan vwo bu kerẹ isio rẹ obenu na, emerha tutuno krẹ ri che chekọ kẹ ovwan, fikiridie ovwan kerhọn rẹ urhuru rẹ Ọrovwohwo rẹ Ọghẹnẹ rẹ ovwan na-a.

Joshua 11:4

Ayen da yan phia, vẹ unuofovwi rayen ejobi, urogho rode na, buebu kerẹ ehavwo rọ oma rẹ urhie, vẹ iyesi buebu kugbe idjighere rẹ ofovwi.

Ẹvwọphia 20:8

kọ cha rhe rhe phiẹn ẹgborho na re hẹ igogo ẹne rẹ akpọ na, kọye hẹ, Gọg kugbe Magọg, ka ghwẹ ayen koko kpo ofovwi; unu rayen kọ họhọ ehavwo rẹ abadi na.

Iguẹdjọ 7:12

Ihwo ri Midian kugbe ihwo rẹ Amalẹk kugbe ihwo rẹ obaro ọnre ejobi da tẹrẹ usun nene iyara na kerẹ ebaka kidie ayen pha buebu; iyesi rẹ ayen e se kere-e, otu rẹ ayen da dia buebu kerẹ ehavwo rẹ orhoma rẹ urhie.

1 Samuẹl 12:5

Ọ da ta kẹ ayen, Ọrovwohwo oseri mẹ, ohwo rọye rọ vwẹ evwri te je hẹ oseri nonẹ na, nẹ ovwan mrẹ oruchọ vwẹ obọ mẹ-ẹ. Ayen da ta, ọye Oseri.