Hibru 11:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie o re rhẹro rẹ orere ro jẹ uchivwo evwo, ohwo rọ bọnrọ kugbe ọ rọ fanrọ kẹ Ọghẹnẹ.

Hibru 11:10 ပူးပေါင်းရင်းမြစ်များ

Aizaya 14:32

Kidie ohwo ọvo kpahe kẹ iyinkọn rẹ irere na? Ọrovwohwo re vwe obọ rọye fan Zayọn ihwo rọye re mu kpahe kẹ evun rọye e da djẹrhọ.

Iyẹnrẹ Esiri ri Jọn 14:2

Vwẹ uwevwi rẹ Ọsẹ mẹ ivun buebu herọ; ọ dia ọtiọye-e, me a rha ta kẹ ovwan nẹ me ra rhuẹrẹ asan kẹ ovwan?

2 Kọrẹnt 5:1

Kidie avwanre riẹnre nẹ ọ da dianẹ a guọghọ utughẹ rẹ akpọ nana rẹ avwanre dia na, yẹ avwanre vwo uwevwi ọvo ro nẹ obọ rẹ Ọghẹnẹ rhe, ọ dia uwevwi ra vwẹ obọ bọ-ọn, ọ re rara vwẹ obo odjuvwu.

Filipae 3:20

Ẹkẹvuọvo avwanre kẹ emotọ rẹ odjuvwu, kẹ etiyin avwanre da hẹrhẹ Osivwi, Ọrovwohwo Jesu Kristi,

Hibru 11:16

Ẹkẹvuọvo kirobo rọ epha na, ayen guọnọ ọrho ro me yovwi, kọye hẹ, orere rẹ obo odjivwu. Vwẹ ọtiọye na Ọghẹnẹ gbe vuoma re de se Ọghẹnẹ rẹ aye-en, kidie ọ rhuẹrẹ orere phihọ kẹ ayen nure.

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

Hibru 12:28

Vwẹ ọtiọye na e gbe jẹn avwanre kpẹvwẹ rẹ avwanre vwo vwo uvie ro je kpogho, kẹ avwanre ga omamọ rẹ egagọ ro fo ẹreyọ kẹ Ọghẹnẹ, vẹ etete kugbe udidi; kidie Ọghẹnẹ rẹ avwanre na hẹ erhanre rọ ghwọrọ.

Hibru 13:14

Kidie avwanre vwo orere ri bẹdẹ na vwo obonẹ-ẹ, yẹ ẹkẹvuọvo avwanre guọnọ orere rọ cha na.

Hibru 3:4

(Kidie uwevwi kuwevwi ohwo re bọn, ẹkẹvuọvo ọbọn ebabọn rẹ emu ejobi ọye hẹ Ọghẹnẹ.)

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;