Hibru 10:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kọye, ri Kristi vwọ rhe akpọ na, ọ da ta, Iye kugbe egagọ wọ guọnọre-e, ẹkẹvuọvo ugboma vwọ rhuẹrẹ kẹ vwẹ;

Hibru 10:5 ပူးပေါင်းရင်းမြစ်များ

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Aizaya 1:11

Die izobo obuebu rẹ ovwan na fi ke vwe? ọtiọye Ọrovwohwo tare, Izobo re egbo ra torhẹre bunọ kẹ vwẹ kugbe ivwri re eranvwe ra ghẹre, Oma rẹ ọbara re erhuẹn vwerha ovwẹ-ẹ eyẹ erẹ omogodẹ eyẹ ọrẹ ẹkpro dede.

Aizaya 40:16

Irhe ri Lẹbanọn gbi te vwo mu erhanre-e, eyẹ eranvwe rọye che te vwo ze izobo-o.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Jerimaya 31:22

Mavọ wo sioma uko krite, E ọmọtẹ rẹ o mudiagaa na? Kidie Ọrovwohwo ma emu ọkpokpọ vwẹ akpọ na, aye esivwo kẹ ọshare.

Jerimaya 6:20

Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Matiu 11:3

Ọ da ta kẹ nẹ, Wẹ ọ ro cha na, gbinẹ ohwo ọfa?

Iyẹnrẹ Esiri ri Luk 1:35

Amakashe na da ta kẹ, Erhi Ọfuanfon na che bru we rhe, ogangan rẹ Ọro Mekpenu na ko che rhurhu uwe; ọtiọye ọmọ ru wo che vwiẹ na ke se ọfuanfon, ọmọ rẹ Ọghẹnẹ.

Iyẹnrẹ Esiri ri Luk 7:19

Jọn de se idibo rọye ivẹ, o de ji ayen bru Ọrovwohwo, tanẹ, Wẹ hẹ ohwo rọ cha na gbinẹ avwanre ji phiẹrohọ ohwo ọfa?

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Galesha 4:4

Ẹkẹvuọvo, rẹ ọke na rhe vwọ gbare, Ọghẹnẹ de ji ọmọ rọye na rhe, rẹ aye vwiẹri, re vwiẹri vwẹ otọ rẹ urhi na,

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Hibru 1:6

Ọfa, ọke ro vwo vwiẹ ọmọkpako rọye phihọ akpọ na nu, Ọ da ta, E jẹn emakashe rẹ Ọghẹnẹ ejobi ga.

Hibru 10:10

Vwẹ oma rẹ ọhọre yena a wan ru avwanre fon fiki rẹ iye ri Jesu Krisri vwẹ ugboma rọye gọ ẹsiẹvo kẹ ihwo ejobi.

Hibru 10:7

Etiyin me da ta, Nighe, me rhere rhi ru ọhọre wẹn, E Ọghẹnẹ, kirobo re siro kpahe ovwẹ vwẹ evun rẹ ọbe na.

Hibru 10:8

Kirobo re siri na, iye ra gọre kugbe izobo ẹtorhẹ fiki rẹ umwemwu wọ guọnọre-e eyẹ oma rẹ ayen vwerha owẹ-ẹ (ra gọ nene urhi),

Hibru 2:14

Kirobo rẹ emọ na herọ vwẹ oma vẹ obara na, eriyin okpuyovwi rọye ji vwo oma ọvo na, rere vwẹ oma rẹ ughwu ọ vwọ guọghọ ohwo ro vwo ogangan rẹ ughwu na, kọye hẹ, idẹbono na.

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

Hibru 8:3

Kidie ọye hẹ iruo ri korherẹn korherẹn rode rere ọ vwọ gọ iye ọ me rha kẹ okẹ; kọye o ji vwo fo rere orherẹn nana ji vwo vwo obọ rọ vwọ gọ iye.

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

2 Jon 1:7

Kidie otu re phiẹn ihwo buebu ro evun rẹ akpọ na re, otu re sian nẹ Jesu Kristi rhere vwẹ ugboma-a; ohwo ọtiọye na hẹ ọphiẹn ohwo kugbe Kristi rẹ ofian na.