Hibru 10:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Kidie avwanre riẹn ohwo rọ tare nẹ, Ihriẹriọ ọ mẹ, mẹvwẹ re hwa osa. Ọfa, Ọrovwohwo che guẹdjọ rẹ ihwo rọye.

Hibru 10:30 ပူးပေါင်းရင်းမြစ်များ

Une rẹ Ejiro 135:14

Kidie Ọrovwohwo vwẹ ase kẹ ihwo rọye, ọ me re ehrọre kẹ idibo rọye.

Une rẹ Ejiro 50:4

O che se odjuvwu nẹ obenu rhe kugbe akpọ na, rere ọ vwo mrasan brorhiẹ rẹ ihwo rọye;

Une rẹ Ejiro 94:1

E Ọrovwohwo, wọwẹ Ọghẹnẹ rọ reihri, wọwẹ Ọghẹnẹ rọ reihri na, la phia!

Une rẹ Ejiro 96:13

vwẹ obaro re Ọrovwohwo, kidie ọ cha rhe, kidie ọ cha rhe ri guẹdjọ re akpọ na. O che guẹdjọ rẹ akpọ na vwe ọvwata, ihwo na ejobi vẹ uyota rọye.

Une rẹ Ejiro 98:9

vwe obaro rẹ Ọrovwohwo kidie ọ cha che sun akpọ na. O che brorhiẹn rẹ akpọ na vwẹ ọvwata, ihwo na ke rha abavo.

Aizaya 59:17

Ọ da gba ọvwata mu ohọre kerẹ emekpo-udu, erhu rẹ esivwo ro vwo tughẹ uyovwi, o ku iwun rẹ ihri-eriọ phihọ kerẹ amwa, ọ da vwẹ ophu phopho oma kerẹ okpa.

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Aizaya 63:4

Kidie ẹdẹ re irhi ẹriọ ọ hẹ udu mẹ, ikpe mẹ rẹ ẹtan hirhe o te nure,

Izikiẹl 18:30

Fiki rẹ ọtiọye na ke me cha vwẹ o wẹ gu ẹdjọ, E uwevwi rẹ Izrẹl, ohwo ọvuọvo kirobo rẹ idjerhe rọye epha, eriyin Ọrovwohwo Ọghẹnẹ tare. Kurhẹriẹ rere wo siobọ nẹ ogbigbiru wẹn ejobi, ọ dia ọtiọye-e orukuruku wẹn de rhi si ughwu hwe we.

Izikiẹl 34:17

Vwọ kẹ wẹ, uchuru mẹ, e nẹ Ọrovwohwo Ọghẹnẹ tare: Nighe, me cha vwẹ ogodẹ vẹ ogodẹ vwo guẹdjọ, egbo vẹ ẹkpro.

Livitikọs 19:18

Wa reihri-i eyẹ we phi ota rẹ emọ rẹ ihwo rẹ owwan phihọ evu-un, ẹkẹvuọvo ovwan guọnọ erivẹ rẹ ovwan kere omaobọ rẹ ovwan. Mẹvwẹ Ọrovwohwo na.

Nahum 1:2

Ọrovwohwo Ọghẹnẹ rọ rioma rọ reihri, Ọrovwohwo na reihri o ki ji mu ophu; Ọrovwohwo reihri vwẹ obọ rẹ ihwo ri mu kpahọ o ji mu ophu kpahe ivwighrẹ rọye.

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.

Ọbe ri Pọl si rhe Ihwo ri Rom 13:4

Kidie ayen hẹ ọrhuẹre akpọ rẹ Ọghẹnẹ vwo mu. Ẹkẹvuọvo wo de ruchọ, gba djẹ gan, kidie ọ dianẹ ọ de yọnrọn ọlọkọ na ghevweghe-e; ọrhuẹrẹ akpọ rẹ Ọghẹnẹ o ruẹ, ọye re ria ihri rẹ umwemwu ejobi vwẹ obọ rẹ ohwo ro ruchọ.

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

1 Samuẹl 25:26

Asakiephana, ọrovwovwe, kirobo rẹ Ọrovwohwo herọ na, kirobo rẹ erhi wẹn herọ na, wọ mrẹre nẹ Ọrovwohwo si we nẹ abe rẹ ọbara, ru wọ rha vwẹ obọ wẹn reihri na, gbe je ivwighrẹ wẹn kugbe otu re guọnọ ọrovwovwe umwemwu ruẹ dia kerẹ Nabal.

1 Samuẹl 26:10

Devid da ra, Kirobo rẹ Ọrovwohwo herọ na, Ọrovwohwo ọvo ri che phio hwe; eyẹ ẹdẹ rẹ ughwu rọye cha; eyẹ o che kpo ofovwi ọ me ghwọrọ