Hibru 10:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Vwẹ oma rẹ ọhọre yena a wan ru avwanre fon fiki rẹ iye ri Jesu Krisri vwẹ ugboma rọye gọ ẹsiẹvo kẹ ihwo ejobi.

Hibru 10:10 ပူးပေါင်းရင်းမြစ်များ

Zekaraya 13:1

Vwẹ ẹdẹ yena ogbugbu ko rhie phihọ kẹ uwevwi ri Devid vẹ ihwo re dia Jerusalẹm rọ vwọ hworhẹ ayen fon nẹ umwemwu vẹ ijẹfuọn.

Iyẹnrẹ Esiri ri Jọn 17:19

Fiki rayen mi vwo ru oma mẹ fọn, rere ayen vwọ fọn rhe vwẹ uyota na.

Iyẹnrẹ Esiri ri Jọn 19:34

Ẹkẹvuọvo isodje ọvo da vwẹ ubiri duvwu efẹn rọye, siẹvuọvo na ame vẹ ọbara de ghwe hwẹ no rhe.

Iyẹnrẹ Esiri ri Jọn 6:51

Mẹvwẹ hẹ Ikara ro je ghwo na ro nẹ obo odjuvwu rhe na; ohwo da re ikara nana nu, kọ rhọ bẹdẹ; ikara na re me cha kẹ fiki rẹ arhọ rẹ akpọ na ọye hẹ uvwo rẹ oma mẹ.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

1 Kọrẹnt 6:11

Ọtiọye evo vwẹ usun rẹ ovwan na epha jovwo. Ẹkẹvuọvo a họ ovwan, e ru ovwan fon, ovwan rease vwẹ odẹ rẹ Ọrovwohwo Jesu Kristi kugbe Ẹrhi rẹ Ọghẹnẹ rẹ avwanre.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Ẹfesọs 5:26

rere o vwo ruo fon, rere ọ vwẹ ame rẹ ota rọye hworhẹ fon,

Hibru 10:12

Ẹkẹvuọvo ọke ri Kristi vwọ gọ iye na ẹsiẹvo goi vwọ kẹ imwemwn nu, o de tidia obọrhe rẹ Ọghẹnẹ,

Hibru 10:14

Kidie iye ọvuọvo goi na ọye o vwo ru ihwo na ejobi fon obọvo.

Hibru 10:20

vwẹ oma rẹ idjerhe ọkpokpọ ro je ghwo na rọ wan oma rẹ amwa na rhie kẹ avwanre na, kọye hẹ, ugboma rọye,

Hibru 10:29

Ki bro ehwe ọbrabra we rori nẹ e hwe ohwo na ro ni Ọmọ rẹ Ọghẹnẹ na saka, ro de rhe gbe ọbara rẹ ọphọ na ra vwọ hworhẹ fon na ẹgua, rọ da rha kpare ophu rẹ Erhi rẹ ẹserọphẹ na?

Hibru 10:5

Kọye, ri Kristi vwọ rhe akpọ na, ọ da ta, Iye kugbe egagọ wọ guọnọre-e, ẹkẹvuọvo ugboma vwọ rhuẹrẹ kẹ vwẹ;

Hibru 13:12

Ọtiọye rhe Jesu je reoja vwẹ obo ughere rere ọbara rọye vwọ hworhẹ ihwo fon.

Hibru 2:11

Kidie te ọye ro ru ihwo fon kugbe otu re ru fon na ejobi asan ọvo ayen nurhe. Kọye sorọ rẹ oma vwo jẹvuọ ro de se avwanre imoni,

Hibru 2:14

Kirobo rẹ emọ na herọ vwẹ oma vẹ obara na, eriyin okpuyovwi rọye ji vwo oma ọvo na, rere vwẹ oma rẹ ughwu ọ vwọ guọghọ ohwo ro vwo ogangan rẹ ughwu na, kọye hẹ, idẹbono na.

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

Hibru 7:27

O rhe vwo ọdavwẹ, kerẹ irherẹn yena, re gọ iye kẹdẹ kẹdẹ-ẹ, rọ ka gọ iye kẹ oma rọye tavwe rọ ke gọ kẹ ihwo efa-a; ẹsiẹvo ọ gọ iye nana kẹ ihwo ejobi vwẹ ọke rọ vwọ vwẹ oma rọye ze kẹ ughwu.

Hibru 9:12

ọ da ro Asan Ọfuanfon na ẹsiẹvo goi, ọ dianẹ kẹ ọbara rẹ ẹvwe vẹ erhuẹ-ẹn ẹkẹvuọvo ọbara robọ rọye, kenẹ ọ vwọ dẹ ẹtanhirhe ri bẹdẹ na.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

Hibru 9:26

kọye o vwo dje oja na ẹriẹriọ nẹ ẹtuọhọ rẹ akpọ na rhe. Ẹkẹvuọvo kirobo rọ epha na, ọ vwẹ oma rọye gọ iye ẹsiẹvo nure ọ da rhe vwẹ oma phia vwẹ oba rẹ oge na re ọ vwọ ghwẹ imwemwu rẹ ihwo ejobi nu.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

1 Jọn 5:6

Ọnana hẹ ohwo re vwiẹri vwẹ ame vẹ ọbara, ọye hẹ Jesu Kristi, ọ dianẹ ọ rẹ ame ọvo-o ẹkẹvuọvo ọ rẹ ame kugbe ọbara.