Hibru 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọvwata wọ guọnọ ozighi tu we oma; kọye Ọghẹnẹ, Ọghẹnẹ wẹn na, vwọ vwẹ evwri te we evwri rẹ aghọghọ ru wọ vwọ rho nọ otu wẹn.

Hibru 1:9 ပူးပေါင်းရင်းမြစ်များ

Une rẹ Ejiro 11:5

Ọrovwohwo davwa ọvwata kugbe oruimwemwu, oma tuẹ erhi rọye kpahe ohwo ro gbe ozighi

Une rẹ Ejiro 119:104

Vwe oma rẹ iji wẹn mi de vwe ẹruọ; vwẹ ọtiọye na oma rẹ idjerhe umwemwu ko tu vwe.

Une rẹ Ejiro 119:128

Fiki rẹ ọtiọye iji wẹn kọye mi vwo sun ichiyi mẹ; mi tuoma rẹ idjerhe kidjerhe re efian.

Une rẹ Ejiro 2:2

Ivie re akpọ na si uyovwi koko, isun na ejobi koko ro ẹguare, kpahe Ọrovwohwo kugbe ọ rọ vwẹ evwri ghworo na nẹ,

Une rẹ Ejiro 2:6

Me vwẹ ovie mẹ mu vwi Zayọn ugbenu ọfuanfon mẹ nure

Une rẹ Ejiro 23:5

Wẹ re rhuẹrẹ imẹjẹ kẹ vwẹ vwẹ obaro rẹ ivwighrẹ mẹ; we vwẹ ori ghworo uvwe uyovwi uko mẹ da vọn chekọ.

Une rẹ Ejiro 33:5

Ọ guọnọ ọvwata kugbe ọsoso; akpọ na ejobi vọnre vẹ ẹguọnọ re Ọrovwohwo ro je rhẹriẹ.

Une rẹ Ejiro 37:28

Kidie Ọrovwohwo guọnọ ọsoso, ọ cha sa sen ihwo efuanfon rọye na-a ọ sẹro rẹ ọvwata bẹdẹ, ẹkẹvuọvo emọ rẹ oruimwemwu ka nyavwe ayen kufia.

Une rẹ Ejiro 40:8

Me vwo omavwerhe ru ọhọre wẹn, E Ọghẹnẹ mẹ; urhi wẹn ọ hẹ evun re udu mẹ

Une rẹ Ejiro 45:6

Ekete wẹn, E Ọghẹnẹ, ọ re bẹdẹ bẹdẹ, ọkpọ rẹ uvie wẹn na ọye ọkpọ rẹ abavo,

Une rẹ Ejiro 45:7

Wọ guọnọ ọvwata uvumwemwu tu we oma Fiki rẹ ọtiọye na Ọghẹnẹ rẹ Ọghẹnẹ wẹn na, vwọ vwẹ evwri ghworo uwe evwri rẹ aghọghọ ru wọ vwọ rho nọ otu wẹn,

Une rẹ Ejiro 89:20

Me mrẹ Devid odibo mẹ nure, vẹ evwri ọfuanfon mẹ na mi vwo ghworo;

Une rẹ Ejiro 89:26

Ọ cha viẹ se vwe, Wọwẹ Ọsẹ mẹ, Ọghẹnẹ mẹ, kugbe Oragha rẹ esivwo mẹ,

Isẹ 8:13

Omaetuo rẹ umwemwu ọye oshọ ẹdjẹ kẹ Ọrovwohwo na. Eheri vẹ eyan kugbe idjerhe rẹ umiovwo vẹ eta gẹgẹrẹ tu vwe oma.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Emọs 5:15

Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na.

Zekaraya 8:17

we roro iroro umwemwu vwẹ udu rẹ ovwan vwọ kpahe Ọrovwohwo-o, wo duvwu iyori rẹ efia-an, kidie emu nana ejobi tu vwe oma, Ọrovwohwo tarọ.

Ukeri 7:43

izobo rọye da dia ọsete rẹ idọnọ ọka, rẹ ẹhọhọ rọye dia shekẹl ujosan gbe ihwe, oze rẹ idọnọ ri shekẹl ujorha gbe ihwe, kirobo ri shekẹl rẹ ẹshẹ na epha, ivivẹ na vọnre vẹ omamọ rẹ eyagha re ọka ra vwẹ evwri gua kugbe re vwo ze izobo rẹ ọka;

Iyẹnrẹ Esiri ri Luk 4:18

Erhi rẹ Ọrovwohwo ọ hẹ oma mẹ, fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere. O ji vwe rhi ghwoghwo obọesiono kẹ ighuvwu Orẹmrẹ kẹ otu ri rhuẹro, ufuoma ke otu re shenyẹ,

Iyẹnrẹ Esiri ri Jọn 1:41

Ọye ka mrẹ oniọvo rọye Saimọn, ọ da ta kẹ, Avwanre mrẹ Mesaya na re (otọ rọye Kristi).

Iyẹnrẹ Esiri ri Jọn 10:17

Fiki rẹ ọnana Ọsẹ na vwọ guọnọ ovwẹ, fikiridie me vwẹ arhọ mẹ kpahe otọ, rere me vwọ rhoma reyọ.

Iyẹnrẹ Esiri ri Jọn 20:17

Jesu da ta kẹ, Wọ yọnrọn ovwẹ-ẹ, kidiẹ mi ji yeri bru Ọsẹ na-a; ẹkẹvuọvo yanran bru imoni mẹ re wọ ta kẹ ayen, Mi yerẹ bru Ọsẹ mẹ kugbe Ọsẹ rẹ ovwan, Ọghẹnẹ mẹ kugbe Ọghẹnẹ rẹ ovwan.

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Iruo rẹ Iyinkọn na 10:38

Obo rẹ Ọghẹnẹ vwọ vwẹ evwri ghworo Jesu ri Nazarẹt vwẹ Erhi Ọfuanfon kugbe ogangan obo ro yanrhe yankpo ro ruẹ emu esiri jo sivwi ihwo ejobi rẹ idẹbono shenyẹ, kidie Ọghẹnẹ vẹ ọye herọ.

Iruo rẹ Iyinkọn na 4:26

Iviẹ rẹ akpọ na ghwẹ oma rẹ ayen koko vwọ suọ, isun rẹ akpọ na si koko, vwọ so Ọrovwohwo kugbe ọ rọ vwẹ evwri ghworo na.

Iruo rẹ Iyinkọn na 4:27

Ghinẹ nyota vwẹ orere nana ayen de sioma koko vwọ so odibo wẹn ọfuanfon na Jesu, ru wọ vwẹ evwri ghworo na, ri Herọd kugbe Pọntiọs Pailet, vẹ Keferi na kugbe ihwo rẹ Izrẹl,

Ọbe ri Pọl si rhe Ihwo ri Rom 12:9

We jẹ ẹguọnọ rẹ ovwan dia ọ rẹ unu diodi-i; Jẹn umwemwu tu ovwan oma, churu obọ mu obo ri yoma.

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

1 Kọrẹnt 1:9

Ọghẹnẹ ohwo rẹ uyota, oma rọye a wan se ovwan rhe okugbe rẹ Ọmọ roye, Jesu Kristi Ọrovwavwanre.

2 Kọrẹnt 11:31

Ọghẹnẹ kugbe Ọsẹ rẹ Ọrovwohwo Jesu, ohwo ra vwẹ ebruba kẹ bẹdẹ, riẹnre nẹ me vwọnrọn ọfia-an.

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

Filipae 2:9

Kọye Ọghẹnẹ vwọ kparọ kpenu gangan o de mu odẹ ro kpenu nọ odẹ kodẹ kẹ,

Hibru 2:11

Kidie te ọye ro ru ihwo fon kugbe otu re ru fon na ejobi asan ọvo ayen nurhe. Kọye sorọ rẹ oma vwo jẹvuọ ro de se avwanre imoni,

Hibru 2:9

Ẹkẹvuọvo avwanre mrẹ Jesu, ra mare kpotọ emerha nọ emakashe na, ra vwẹ urinrin vẹ ọghọ tughẹ fiki rẹ oja rẹ ughwu, ọtiọye na vwẹ oma rẹ ẹserọphẹ rẹ Ọghẹnẹ ọ sa vwọ davwe ughwu kẹ ohwo kohwo.

Hibru 7:26

Kidie o fori rere avwanre vwo orherẹn rode ọtiọye, fuanfon, ọ reabe-e, o vwo upe-e, rọ hẹriẹ oma nẹ iruimwemwu, ra kpare kpenu pheneke.

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

1 Jọn 1:3

rẹ avwanre mrẹre rẹ avwanre nyori kọye avwanre ghwoghwo kẹ ovwan na, rere avwanre vẹ ovwan vẹ ovwan vwo okugbe ọvo; okugbe rẹ avwanre ọ hẹ obọ rẹ Ọsẹ na kugbe Ọmọ rọye Jesu Kristi.

Ẹvwọphia 2:15

Ọtiọye rhe ẹvo je yọnre uyono rẹ ihwo ri Nikolia.