Hibru 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwọ kpahe emakashe na ọ da ta, O de ru emakashe rọye phihọ odju, idibo rọye kẹ ẹkuerhanre rode.

Hibru 1:7 ပူးပေါင်းရင်းမြစ်များ

Jẹnẹsis 3:24

Ọ da djẹ ohwo na ruẹ afe, vwẹ obọrhe rẹ udju rẹ Idẹn na, o de phi chẹrobim, ọ vẹ ọnọkọ rẹ erhanre rọ rhẹriẹ kpenẹ kpenẹ, rọ rhẹrẹ urhe rẹ arhọ na.

1 Ivie 22:19

Maikaya da ta, Vwẹ ọtiọye na gbe nyo ota rẹ Ọrovwohwo: Me mrẹ Ọrovwohwo ro tidia vwẹ enu rẹ ekete rọye, otu rẹ odjuvwu ejobi de mudia kẹrẹ vwẹ obọrhe vẹ obọhwẹre rọye;

Ivie rẹ Ivẹ 2:11

Rẹ ayen vwo gbe ikun yanran, siẹvuọvo na, akpẹrẹ rẹ erhanre vẹ iyesi rẹ erhanre da rhe hẹriẹ ayen ihwo ivẹ. Odju ro kiughoro de mu Ilaija kpo odjuvwu.

Ivie rẹ Ivẹ 6:17

Kọye Ilaesha da nẹ ẹrhovwo ọ da ta, Ọrovwohwo, me rẹ wẹ, rhie ẹro rọye rere ọ mrẹ. Kọye Ọrovwohwo de rhie ẹro rẹ emeghele na ọ da mrẹ; nighe, ugbenu na ejobi vọnre vẹ iyesi vẹ ekpẹrẹ rẹ ituofovwi rẹ erhanre ri mudia yariẹ Ilaesha phihọ.

Une rẹ Ejiro 104:4

rọ vwẹ odju na ru ọyinkọ wẹn, erhanre vẹ ogiderhanre kẹ igbodibo wẹn

Aizaya 6:2

Emakashe de mudia obaro rọye; ọvuọvo vwọ ibekpe esan, ọ vwẹ ivẹ rhurhu opharo, ọ vwẹ ivẹ rhurhu awọ, ivẹ kọye ọ vwọ rhan.

Daniẹl 7:10

Ọkẹre rẹ erhanre da djẹ rhe o de nẹ obaro rọye rhe; uriori vwarẹ uriori re ga, uriori ihwe kugbe uriori ihwe mudia vwẹ obaro rọye; ẹguare da gba re vwọ guẹdjọ e de rhie ẹbe na phihọ.

Zekaraya 6:5

Amakashe na da kpahe kẹ vwẹ, Enana yanran kpo igogo ẹne rẹ akpọ na, siẹrẹ ayen da vwẹ oma rayen nẹ vwẹ obaro rẹ Ọrovwohwo rẹ akpọ na ejobi nu.

Hibru 1:14

Ayen ejobi dia irhi ri gbe odibo re ji rhe rhe gẹ ga, fiki rẹ ayen otu ri che vwo esivwo na?