Hibru 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọfa, ọke ro vwo vwiẹ ọmọkpako rọye phihọ akpọ na nu, Ọ da ta, E jẹn emakashe rẹ Ọghẹnẹ ejobi ga.

Hibru 1:6 ပူးပေါင်းရင်းမြစ်များ

Une rẹ Ejiro 97:7

Ihwo re gọ ema ejobi oma cha vo ayen, re vwe erharhe re ema vwọ yan eyan; ẹdjọ na ejobi shiguẹ vwẹ obaro rọye

Matiu 24:14

Ka cha ta ota rẹ iyẹnrẹ esiri na wan akpọ na ejobi, rere ọ vwọ dia iseri kẹ ẹgborho na ejobi; tavwe rẹ oba na ki rhi te.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 1:18

Ohwo ọvuọvo je mrẹ Ọghẹnẹ na dẹvo-o; Ọmọ ọvuọvo na, rọ hẹ agada rẹ Ọsẹ na, ọye re nẹrhẹ a riẹn.

Iyẹnrẹ Esiri ri Jọn 3:16

Kidie ọtiọye Ọghẹnẹ guọnọ akpọ na ọ da vwẹ Ọmọ ọvuọvo rọye na kẹ, rere ohwo kohwo ro sere gbuyota vwo je ẹghwọrọ ẹkẹvuọvo ko vwo arhọ ri bẹdẹ.

Ọbe ri Pọl si rhe Ihwo ri Rom 8:29

Kidie otu rọ riẹnre jovwo na ọ da kẹ ayen atarhe re ayen vwọ họhọ uhoho rẹ Ọmọ rọye, rere ọ sa dia ọmọkpako vwẹ ohri rẹ imoni buebu.

Urhi Rivẹ 32:43

We jiri ihwo rọye, ovwan ẹgborho na; fikiridie ọ choja rẹ ọbara rẹ idibo rọye ọ da re ihri vwẹ enu rẹ ivwighrẹ rọye ra vwọ rhuẹrẹ arhuẹrẹ kẹ otọ rẹ ihwo rọye.

Kolose 1:15

Ọye hẹ uhoho rẹ Ọghẹnẹ re jẹ mrẹ na, ọmọ ọkpako rẹ emama na ejobi.

Kolose 1:18

Ọye hẹ uyovwi rẹ oma na, kọye hẹ ishoshi na; ọye hẹ ẹtuọhọ, ọye hẹ ọmọ ọkpako ro ke vrẹn nẹ ughwu rhe, rere ekpuyovwi rọye ọvo vwọ dia ọ ro me kpenu vwẹ enu rẹ emu na ejobi.

Hibru 1:5

Didi usun rẹ amakashe na a ta kẹ dẹvure, Wẹ hẹ Ọmọ mẹ, nonẹ na mi vwiẹ wẹ? Eyẹ je ta, ke me dia ọsẹ kẹ, kọ dia ọmọ kẹ vwẹ?

Hibru 10:5

Kọye, ri Kristi vwọ rhe akpọ na, ọ da ta, Iye kugbe egagọ wọ guọnọre-e, ẹkẹvuọvo ugboma vwọ rhuẹrẹ kẹ vwẹ;

1 Pita 3:22

ro kpo obo odjuvwu ro de tidia obọrhe rẹ Ọghẹnẹ, vẹ emakashe, otu ri suẹn kugbe ogangan ejobi da vwẹ oma kpotọ kẹ.

1 Jọn 4:9

Vwẹ Ọnana kọye ẹguọnọ rẹ Ọghẹnẹ vwọ phia vwẹ o hri rẹ avwanre, nẹ Ọghẹnẹ ji Ọmọ rọye Ọvuọvo na rhe akpọ na, rere avwanre vwọ wan oma rọye rhọ.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre