Hibru 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọye hẹ elo rọ họhọ urinrin rọye rọ họhọ Ọghẹnẹ vwẹ erhuvwn rọye dẹn, ọ da reyọ ota rẹ ogangan rọye vwọ yọnre akpọ na. Ọke rọ vwọ hworhẹ imwemwu nu, o de tidia obọrhe rẹ Ọrho vwẹ obenu.

Hibru 1:3 ပူးပေါင်းရင်းမြစ်များ

1 Ikun rẹ Ivie 29:11

Wẹ, E Ọrovwohwo, vwo ọrho, kugbe ogangan, vẹ urinrin vẹ ephiokparobọ vẹ ẹgba; fikiridie emu rẹ obo odjuvwu vẹ akpọ ejobi ewẹn; Ọwẹn ọye uvie na E Ọrovwohwo, wẹ a kpare kpenu vwẹ enu ri kemu kemu ejobi.

ỌBE RẸ JOB 37:22

Vwẹ obohwẹre ọnre oboyi uvo rẹ oro nẹ cha vẹ erhuvwu rọye; a vwẹ emwa ri udidi rhuo Ọghẹnẹ

Une rẹ Ejiro 110:1

Ọrovwohwo ta kẹ ọrovwovwe nẹ; Tidia vwẹ obọrhe mẹ, bẹsiẹ me vwọ vwẹ ivwighrẹ wẹn hwa otọ kẹ wẹ chiyi.

Une rẹ Ejiro 75:3

Ọke re akpọ na da gẹre ọchọn, vẹ ihwo re dia evun rọye ejobi, Mẹvwẹ ọye re kpọ ichivwo rọye viẹ

Aghwoghwo 8:4

Kidie ota rẹ ovie vọre vẹ ẹgba, kono ta kẹ nẹ, Die wo ruẹ?

Livitikọs 15:15

Orherẹn na Me vwẹ ayen ze, ọvo vwọ kẹ izobo rẹ umwemwu ọrivẹ vwọ kẹ izobo rẹ ẹtorhẹ, orherẹn na Me gọ ẹgua rẹ ehwẹ na nẹ ohwo na oma vwẹ obaro rẹ Ọrovwohwo na.

Maika 5:4

Ko vrẹn mudia ghẹrẹ igegede rọye vwẹ ogangan rẹ Ọrovwohwo na, vwẹ ọrhọ rẹ odẹ rẹ Ọrovwohwo Ọghẹnẹ rọye. kọ cha dia vwẹ egbemọphẹ, vwẹ ọke yena kọ cha rho re duvwu ẹtan rẹ akpọ na.

Matiu 22:24

Oyono, Mosis tare nẹ, Ohwo de ghwu ro vwiẹri-i, oniọvo rọye ko reyọ aye rọye, rere o vwiẹ kẹ oniọvo rọye na.

Iyẹnrẹ Esiri ri Mak 16:19

Eriyin rẹ Ọrovwori Jesu, vwọ ta ota kẹ ayen nu, a da reyọ kpenu kpo odjuvwu, o de tidia vwẹ obọrhe rẹ Ọghẹnẹ.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 1:29

Vwẹ ẹdẹ rivẹ ọ da mrẹ Jesu rọ yan bro cha, ọ da ta, Nighe, Omogegede rẹ Ọghẹnẹ, rọ ghwa imwemwu rẹ akpọ na nu!

Iyẹnrẹ Esiri ri Jọn 1:4

Oma rọye arhọ epha, arhọ na kọye hẹ urhukpẹ rẹ ihwo.

Iruo rẹ Iyinkọn na 2:33

Eriyin na a da kparọ kpenu vwẹ obọrhe rẹ Ọghẹnẹ Ọsẹ na ro ji ru ive rẹ Erhi Ọfuanfon na kẹ, kọye o ji kuẹ avwanre rẹ ovwan mrẹ na re ovwan ji nyo na.

Iruo rẹ Iyinkọn na 7:56

ọ da ta, Nighe, me mrẹ idjuvwu ri rhie phihọ, Ọmọ rẹ ohwo de tidia vwẹ obọrhe rẹ Ọghẹnẹ na.

Ọbe ri Pọl si rhe Ihwo ri Rom 1:16

Kidie oma rẹ iyẹnrẹ esiri na sa vo ovwẹ-ẹ: kidie ọye hẹ ogangan rẹ Ọghẹnẹ ro ruẹ iruo rẹ esivwo kẹ ohwo kohwo ro segbuyota ejobi, ẹsosuọ vwọ kẹ ihwo ri Ju tavwe ro ki te ihwo ri Grik.

Ọbe ri Pọl si rhe Ihwo ri Rom 8:34

Kono e bruhwe? Ki Kristi Jesu, ro ghwuru, e, ra kpare nẹ ughwu rhe, rọ hẹ obọrhe rẹ Ọghẹnẹ, rọ ghene rẹ kẹ avwanre na?

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

Kolose 3:1

Ọ da dianẹ ovwan vẹ Kristi gbe koko vrẹn ovwan gba guọnọ emu rọ hẹ obenu, asan ri Kristi epha, ro de tidia vwẹ obọrhe rẹ Ọghẹnẹ.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Hibru 1:13

Ẹkẹvuọvo kẹ amakashe rhọ ọ ta kẹ dẹvure, Tidia vwẹ obọrhe mẹ, bẹsiẹ me vwọ vwẹ ivwighrẹ wẹn hwa otọ kẹ wẹ chiyi.

Hibru 10:12

Ẹkẹvuọvo ọke ri Kristi vwọ gọ iye na ẹsiẹvo goi vwọ kẹ imwemwn nu, o de tidia obọrhe rẹ Ọghẹnẹ,

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

Hibru 4:14

Rẹ avwanre vwo vwo orherẹn rode na ro yeri vrẹn idjuvwu na, Jesu rẹ Ọmọ rẹ Ọghẹnẹ na, e gbe jẹn avwanre yọnre esegbuyota rẹ avwanre gan.

Hibru 7:27

O rhe vwo ọdavwẹ, kerẹ irherẹn yena, re gọ iye kẹdẹ kẹdẹ-ẹ, rọ ka gọ iye kẹ oma rọye tavwe rọ ke gọ kẹ ihwo efa-a; ẹsiẹvo ọ gọ iye nana kẹ ihwo ejobi vwẹ ọke rọ vwọ vwẹ oma rọye ze kẹ ughwu.

Hibru 8:1

Asakiephana obo rẹ avwanre ta na kẹ ọna: avwanre vwo orherẹn rode ọtiọye, ọ ro tidia phihọ obọrhe rẹ ekete rẹ ọ ro vwo Ọrho vwẹ obo odjuvwu.

Hibru 9:16

Kidie o de fo rere a re ọphọ, ko ji fo rere e hwe ohwo ro mudia re ọphọ na.

Hibru 9:26

kọye o vwo dje oja na ẹriẹriọ nẹ ẹtuọhọ rẹ akpọ na rhe. Ẹkẹvuọvo kirobo rọ epha na, ọ vwẹ oma rọye gọ iye ẹsiẹvo nure ọ da rhe vwẹ oma phia vwẹ oba rẹ oge na re ọ vwọ ghwẹ imwemwu rẹ ihwo ejobi nu.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

1 Pita 3:22

ro kpo obo odjuvwu ro de tidia obọrhe rẹ Ọghẹnẹ, vẹ emakashe, otu ri suẹn kugbe ogangan ejobi da vwẹ oma kpotọ kẹ.

2 Pita 1:16

Kidie avwanre nene ona rẹ esia ẹrhọghọ-ọ vwẹ ọke rẹ avwanre vwo dje ogangan na kugbe ẹcha rẹ Ọrovwavwanre Jesu Kristi kẹ ovwa-an, ẹkẹvuọvo avwanre rhie ẹro mrẹ avwanre jẹ dia iseri rẹ ọrho rọye.

2 Pita 1:17

Kidie ọke rọ vwọ reyọ ọghọ kugbe urinrin mie Ọghẹnẹ Ọsẹ na kugbe ọke rẹ urhuru rẹ ọ ro vwo Ọrho kugbe Urinrin na vwọ dia oseri nẹ, Ọnana hẹ Ọmọ mẹ ro je vwe rẹ ivun rọye vwerhovwẹ,

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.

1 Jọn 3:5

Yẹ ovwan riẹnre nẹ ọ rhere rere ọ rhe ghwẹ imwemwu kufia, ye kaka umwemwu rhere-e.

Ọbe ri Jud 1:25

vwọ kẹ Ọghẹnẹ ọvuọvo na, Osivwi rẹ avwanre vwẹ oma ri Jesu Kristi Ọrovwavwanre ọye a vwẹ urinrin, ọrho, isuesun, kugbe ogangan kẹ, vwẹ ọke ejobi kugbe asakiephana bẹdẹ bẹdẹ. Isẹ.

Ẹvwọphia 3:21

Ohwo ro phi kparobọ, ke me kẹ ogangan ro vwo tidia ekete mẹ, kirobo ri mi phi kparobọ na re me vẹ Ọsẹ me de tidia ekete rọye na.

Ẹvwọphia 4:11

Wọwẹ hẹ ohwo ro fori, Ọrovwavwanre kugbe Ọghẹnẹ, rọ reyọ urinrin kugbe ọghọ kugbe ogangan, kidie wọwẹ re mama emu ejobi, ọhọre wẹn ayen vwọ herọ kọye a vwọ mama ayen.