Hibru 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² vwẹ asakiephana unu rẹ Ọmọ rọye kọye ọ wan ta ota kẹ avwanre, ọye o ve phihọ nẹ ọ reuku ri kemu kemu ejobi re hẹ akpọ na; oma rọye ọ wan mama akpọ na.

Hibru 1:2 ပူးပေါင်းရင်းမြစ်များ

Jẹnẹsis 49:1

Etiyin Jekọp de se emọ rọye, ọ da ta, Wa ghwẹ oma koko, re Me ta kẹ ovwan obo re cha phia kẹ ovwan vwẹ ẹdẹ rọ cha.

Aizaya 2:2

Ọke che te vwẹ ukuko rẹ ẹdẹ na, re ugbenu rẹ uwevwi rẹ Ọrovwohwo che vwo mudia gogorogo vwẹ usun rẹ igbenu na, ko che kpenu nọ igbenu na; irere na ejobi ki che rhurie ruọ,

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 45:12

Mẹvwẹ re ma akpọ na, Me da ma ohwo phihọ enu rọye, obọ mẹ me vwọ riẹn idjuvwu na phihọ, Mẹvwẹ re vwẹ urhi kẹ otu rẹ herọ ejobi.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Jerimaya 30:24

Ophu ọgangan rẹ Ọrovwohwo na se rhivwi-i bẹsiẹ ro vwo ru iroro rọ jẹre vwẹ udu rọye na gba. Wa cha riẹn ọnana vwẹ ẹdẹ rẹ ukuko na.

Jerimaya 48:47

Dede na me cha reyọ erhuvwu ri Moab rhivwi rhe vwẹ ẹdẹ rẹ okuko na, eriyin Ọrovwohwo tare Ọna hẹ oba rẹ orhiebro rẹ Moab.

Izikiẹl 38:16

ku wọ cha vwọ so ihwo mẹ Izrẹl, kerẹsiẹ rẹ ẹgho e de rhurhu otọ na. Vwẹ ẹdẹ rọ ka uku na ke me cha reyọ owẹ vwọ so otọ mẹ na, rere ẹgborho na vwọ riẹn vwẹ, vwẹ ọke re me da wan oma wẹ, E Gọg, vwo dje asẹ rẹ ẹfuọn mẹ kẹ ayen mrẹ.

Daniẹl 10:14

Me da rhe rere wo vwo vwo ọhọ rẹ obo rẹ cha phia kẹ ihwo wẹn vwẹ ẹdẹ rọ ka oba na. Kidie emramrẹ na vwonẹ ọ herọ vwọ kẹ ẹdẹ rọ cha vwẹ obaro.

Daniẹl 2:28

ẹkẹvuọvo Ọghẹnẹ ọvo rọ hẹ obo odjuvwu ro se dje otọ rẹ igbunu phia, obo re cha phia vwẹ ẹdẹfa ọye ọ vwọ phia kẹ ovie, Nebukadreza na. Evwerhẹ vẹ emramrẹ re kọn ro owẹ uyovwi vwẹ ọke ru wo vwo shevwerhẹ na kẹ ena.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Maika 4:1

Rẹ ẹdẹ na de che te vwẹ ukuko rọye ugbenu rẹ uwevwi rẹ Ọrovwohwo na ko che muvi kerẹ ugbenu ro Me kpenu ejobi, ka cha kparo kpenu nọ imigbenu na ejobi; ihwo ki che rhurie ruọ.

Ukeri 24:14

Asakiephana, gbe nighere, me yanran bru ihwo mẹ; yanrhe, mi ju we riẹn obo rẹ ihwo nana che ru kẹ ihwo wẹn vwẹ ẹdẹ rẹ ukuko na.

Matiu 13:39

Ọvweghrẹ na kẹ idẹbono; orhọ na kẹ oba rẹ akpọ na, ihwo ri vuẹ na kẹ emakashe.

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Matiu 21:38

Ẹkẹvuọvo, eghwẹrẹ na vwọ mrẹ ọmọ na ayen da ta kẹ omoma rẹ ayen nẹ, Ọnana re cha reuku na; yanrhe re avwanre hwe, re avwanre reyọ uku rọye na.

Matiu 26:63

Ẹkẹvuọvo Jesu de fotovwi. Ọrherẹn rode na da ta kẹ nẹ, Vwẹ ode rẹ Ọghẹnẹ ri bẹdẹ na, ta kẹ vwẹ, wẹ ghine Kristi na, Ọmọ rẹ Ọghẹnẹ na.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Iyẹnrẹ Esiri ri Mak 1:1

Ẹtuọhọ rẹ iyẹnrẹ esiri ri Jesu Kristi, Ọmọ rẹ Ọghẹnẹ na;

Iyẹnrẹ Esiri ri Mak 12:6

Ọ ji vwo ọvo ro chekọ, ọmọ rọye ro je; ukuko rọye o de jo bru ayen, ta nẹ, Ayen mu ọghọ kẹ ọmọ mẹ na.

Iyẹnrẹ Esiri ri Mak 12:7

Ẹkẹvuọvo eghwẹrẹ na da ta kẹ omoma rẹ ayen, nẹ, Ọna hẹ owanrau na; a yanrhe, re e hwe re uku na dia ọ rẹ avwanre.

Iyẹnrẹ Esiri ri Jọn 1:10

Ọ hẹ evun rẹ akpọ na, oma rọye a wan mama akpọ na, yẹ akpọ na riẹnrẹ-ẹ.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 1:3

oma rọye a wan mama imu na ejobi, ọ gbe dia ọye-e emu ọvuọvo ra mare na a gbe mama-a.

Iyẹnrẹ Esiri ri Jọn 13:3

ri Jesu vwọ riẹn nẹ Ọsẹ na phi emu na ejobi phihọ obọ nure, nẹ obọ rẹ Ọghẹnẹ o nurhe nẹ obọ rẹ Ọghẹnẹ ọye ra na,

Iyẹnrẹ Esiri ri Jọn 13:32

a da vwẹ urinrin kẹ Ọghẹnẹ vwẹ oma rọye, Ọghẹnẹ kọ je vwẹ urinrin kẹ vwẹ oma rọye rhe, siẹvuọvo na kọ vwẹ urinrin kẹ.

Iyẹnrẹ Esiri ri Jọn 15:15

Mi gbi se ovwan idibo ọfa-a, kidie odibo riẹn obo rẹ onini rọye ruẹ-ẹ ẹkẹvuọvo mi se ovwan igbeyan, kidie obo ri mi nyo mie Ọsẹ mẹ ejobi me vwẹ ayen phia kẹ ovwan.

Iyẹnrẹ Esiri ri Jọn 16:15

Obo rẹ Ọsẹ na vwori ejobi emẹ; fiki rẹ ọtiọye me vwọ ta nẹ ọ reyọ obo ri mi vwori ọ me vwọ phia kẹ ovwan.

Iyẹnrẹ Esiri ri Jọn 17:2

Ọtiobo re wọ vwẹ ogangan kẹ vwẹ vwẹ enu rẹ ihwo ejobi na, ke me vwẹ arhọ ro vwo oba-a kẹ ayen ejobi re wọ vwọ kẹ vwẹ.

Iyẹnrẹ Esiri ri Jọn 3:16

Kidie ọtiọye Ọghẹnẹ guọnọ akpọ na ọ da vwẹ Ọmọ ọvuọvo rọye na kẹ, rere ohwo kohwo ro sere gbuyota vwo je ẹghwọrọ ẹkẹvuọvo ko vwo arhọ ri bẹdẹ.

Iyẹnrẹ Esiri ri Jọn 3:25

Asakiephana aphro da rhe dia vwẹ uvwre rẹ idibo ri Jọn vẹ ihwo ri Ju vwẹ oma rẹ orufọn.

Iyẹnrẹ Esiri ri Jọn 5:26

Kidie kirobo rẹ Ọsẹ na vwo arhọ vwẹ oma rọye, ọtiọye ọ je vwẹ arhọ na kẹ oma rọye rhe,

Iyẹnrẹ Esiri ri Jọn 5:27

ọ da vwẹ ogangan kẹ ro vwo guẹdjọ, fikiridie Ọmọ rẹ ohwo o ruẹ.

Iyẹnrẹ Esiri ri Jọn 9:29

Avwanre riẹnre nẹ Ọghẹnẹ ta ota kẹ Mosis, ẹkẹvuọvo vwọ kẹ ohwo nana, avwanre riẹn asan ro nurhe-e.

Iruo rẹ Iyinkọn na 10:36

Ovwan riẹn ota na ro ji bru ihwo rẹ Izrẹl ra, iyẹnrẹ esiri rẹ ufuoma re ghwoghwo kẹ ayen vwẹ oma ri Jesu Kristi ọye Ọrovwohwo ro vwo emu ejobi,

Iruo rẹ Iyinkọn na 2:17

Ọghẹnẹ tare nẹ, oba rẹ ọke na de rhi tere ki mi ku Erhi mẹ na phihọ oma rẹ ihwo ejobi, emeshare vẹ emetẹ rẹ ovwan ke cha mraro, imighene rẹ ovwan ke cha mrorẹ, ekpako re ovwan ke cha vwerhẹ evwerhẹ

Ọbe ri Pọl si rhe Ihwo ri Rom 1:4

re dje phia nẹ Ọmọ rẹ Ọghẹnẹ vwẹ ogangan kirobo rẹ Erhi ọfuanfon na vwe rọ phia vwẹ oma rẹ evrẹnushi rọye nẹ ughwu, ọye hẹ Jesu Kristi Ọrovwavwanre,

Ọbe ri Pọl si rhe Ihwo ri Rom 8:17

avwanre da dia emọ, kẹ ereuku, ereuku rẹ Ọghẹnẹ kugbe ihwo ri vi Kristi gbe ko ko reuku, kirobo rẹ avwanre vẹ ọye re oja na eriyin avwanre vẹ ọye je ghọghọ kugbe te.

1 Kọrẹnt 2:7

Ẹkẹvuọvo avwanre yono obo re sinu, aghwanre rẹ Ọghẹnẹ rọ djahere, rẹ Ọghẹnẹ ji iji kpahe rhabae vwọ kẹ urinrin rẹ avwanre.

1 Kọrẹnt 8:6

ye vwọ kẹ avwanre Ọghẹnẹ ọvuọvo re herọ, Ọsẹ na, re emu ejobi nẹ obọ rọye cha ọye re nẹrhẹ avwanre dia, kugbe Ọrovwohwo ọvuọvo, Jesu Kristi, ohwo rẹ emu na ejobi wan oma rọye rhe oma rọye avwanre wa dia.

Galesha 4:4

Ẹkẹvuọvo, rẹ ọke na rhe vwọ gbare, Ọghẹnẹ de ji ọmọ rọye na rhe, rẹ aye vwiẹri, re vwiẹri vwẹ otọ rẹ urhi na,

Ẹfesọs 1:10

Iroro kpahe ẹgba rẹ ọke na, ro che vwo kue emu na ejobi gbe vwẹ oma rọye, emu rẹ odjuvwu kugbe emu rẹ akpọ na.

Ẹfesọs 3:9

Rere ihwo ejobi vwọ mrẹ obo rẹ iroro rẹ igbunu re sinu rhabae epha vwẹ evun rẹ Ọghẹnẹ rọ ma emu ejobi.

Urhi Rivẹ 18:15

Ọrovwohwo rẹ Ọghẹnẹ wẹn cha kparẹ ọmraro ọvo vwẹ uherevie rẹ ovwan rọ họhọ ovwẹ, nẹ usun rẹ imoni wẹn na, ọye wa cha kerhọn rọye,

Urhi Rivẹ 31:29

Kidie Me riẹnre nẹ mi de ghwu nu omuẹro nẹ ovwan che miovwo oma gangan, ovwan da rhẹriẹ nẹ idierhe re Me vuẹ ovwan na; evun rẹ ẹdẹ yena ukpokpoma ko she tẹyo ovwan, fikiridie ovwan che ru umwemwu vwẹ obaro rẹ Ọrovwohwo vwọ nẹrhẹ phihọ ophu fiki rẹ iruo rẹ abọ rẹ ovwan.

Urhi Rivẹ 4:30

Ọke rẹ ovwan da evun rẹ ukpokpogho rẹ emu nana ejobi de bru ovwan rhire, ku ovwan rhivwi bru Ọrovwohwo Ọghẹnẹ rẹ ovwan na, ke ovwan kerhọ rẹ urhuru rọye;

Hibru 1:5

Didi usun rẹ amakashe na a ta kẹ dẹvure, Wẹ hẹ Ọmọ mẹ, nonẹ na mi vwiẹ wẹ? Eyẹ je ta, ke me dia ọsẹ kẹ, kọ dia ọmọ kẹ vwẹ?

Hibru 1:8

Ẹkẹvuọvo vwọ kpahe Ọmọ na ọ da ta, Ekete wẹn, E Ọghẹnẹ, ọ dia bẹdẹ bẹdẹ, ọkpọ rẹ ovwata na ọye hẹ ọkpọ rẹ uvie wẹn.

Hibru 11:3

Vwẹ esegbuyota avwanre vwọ riẹn nẹ ota rẹ unu Ọghẹnẹ vwọ ma akpọ, vwẹ ọtiọye na obo ra mrẹ na, emu re ji rhie ẹro mrẹ dẹvo-o eye a vwọ ma ayen.

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.

Hibru 3:6

ẹkẹvuọvo Kristi kẹ ohwo rẹ uyota rọ hẹ rẹ uwevwi rẹ Ọghẹnẹ kerẹ ọmọ. Avwanre hẹ uwevwi rọye ọ da dianẹ avwanre yọnre ẹro ẹvwọsuọ kugbe eyan rẹ iphiẹrohọ rẹ avwanre gan.

Hibru 4:14

Rẹ avwanre vwo vwo orherẹn rode na ro yeri vrẹn idjuvwu na, Jesu rẹ Ọmọ rẹ Ọghẹnẹ na, e gbe jẹn avwanre yọnre esegbuyota rẹ avwanre gan.

Hibru 5:8

A riẹnre nẹ Ọmọ o ruẹ, dede na yo ji yono obo re muẹ ọghọ vwẹ oma rẹ oja rọ rere;

Hibru 7:28

Mrẹmrẹ, urhi na vwẹ ihwo ri fori-i vwo muẹ orherẹn rode, ẹkẹvuọvo ive rẹ Ọghẹnẹ rọ rhere vwẹ ukuko na, da vwẹ Ọmọ na vwo mu ọ re ru gba bẹdẹ.

Hibru 7:3

O vwo ọsẹ eyẹ oni eyẹ orua-a, o vwo ẹtuọhọ eyẹ oba vwẹ akpọ-ọ, ẹkẹvuọvo ọ họhọ Ọmọ rẹ Ọghẹnẹ orherẹn rhiri bẹdẹ.

Hibru 9:26

kọye o vwo dje oja na ẹriẹriọ nẹ ẹtuọhọ rẹ akpọ na rhe. Ẹkẹvuọvo kirobo rọ epha na, ọ vwẹ oma rọye gọ iye ẹsiẹvo nure ọ da rhe vwẹ oma phia vwẹ oba rẹ oge na re ọ vwọ ghwẹ imwemwu rẹ ihwo ejobi nu.

1 Pita 1:20

E rhiro nẹ ẹtuọhọ rẹ akpọ na rhe ẹkẹvuọvo a da rhe vwọ phia vwẹ obo oba rẹ ẹdẹ na fiki rẹ ovwan.

2 Pita 3:3

Esosuọ ejobi e gbe jẹ ọnana ro ovwan nẹ, okuko rẹ ẹdẹ na otu re vwẹ ohwo jehwẹ cha rhe vẹ ehwẹjẹ, nene ọmeme robọ rayen

Ọbe ri Jud 1:18

ayen ta kẹ ovwan nẹ, Ukuko rẹ akpọ na vwobọ otu rẹ jehwẹ buebu cha, ri che nene urhuru sivwe rẹ ugboma rayen.