Hegae 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Onọ ri chekọ vwẹ ọhri re ovwan rọ mrẹ uwevwi nana vwẹ erhuvwu rọye rẹ awanre? Komavọ wa rha mrẹ phihọ vwẹ asakiephana? Ọ rha họhọ emu diọdi vwẹ obaro rẹ ovwan?

Hegae 2:3 ပူးပေါင်းရင်းမြစ်များ

1 Ikun rẹ Ivie 22:5

Kidie Devid tare, Solomọn rẹ ọmọ mẹ omotete o ruẹ ọ riẹn emuọvo-o, uwevwi re a cha bọn kẹ Ọrovwohwo na me dia uwevwi yoyovwi gangan, ọ rẹ usi vẹ urinrin vwẹ otọ na ejobi; me choma kẹ. Devid da rhọrọ ekuakua rẹ uwevwi na koko buebu tavwe rẹ ọke rẹ ughwu rọye ki rhi te.

Ezra 3:11

Ayen da so ine ohwohwo kuo kẹ ohwohwo, ine rẹ ejiro vẹ ẹkpẹvwẹ kẹ Ọrovwohwo, Kidie o yoma, Kidie eguọnọ rọye ro jẹrhẹriẹ na herọ bẹdẹ kpahe Izrẹl Ihwo na ejobi de kperi ukperi ọgangan, rẹ ayen vwo jiri Ọrovwohwo na, fikiridie e mu uchivwo rẹ uwevwi rẹ Ọrovwohwo na vi nure.

Ezra 3:12

Ẹkẹvuọvo buebu rẹ irherẹn na vẹ ihwo ri Livae na kugbe igbuyovwi rẹ uwevwi rẹ esemọ na, ekpako re mrẹ uwevwi rẹ ẹsosuọ na, da viẹ kperi gangan rẹ ayen vwọ mrẹ uchivwo rẹ uwevwi nana re vwo vi na, dede na buebu de kperi ukperi rẹ aghọghọ.

Aizaya 64:10

Irere efuanfon wẹn na rhe rhoma hirhe phihọ aghwa, Zayọn rhi hirhe phihọ aghwa, Jerusalẹm rhe kua fiotọ.

Izikiẹl 7:20

Ekuakua iyoyovwi rẹ oma ẹrhuẹrẹ rayen ayen de ghwa ayen diodi, ayen vwẹ ihoho rẹ ẹgua rayen vwo ru obo ri tuoma rayen; vwẹ ọtiọye na ki mi ru obo ri jẹfuọn kẹ ayen.

Hegae 2:9

Erhuvwu rẹ uwevwi na vwẹ ukuko na ko che yovwi nọ ọ rẹsosuọ, eriyin Ọrovwohwo rẹ otuofovwi na tare; Vwẹ evun rẹ etinẹ na ke me kẹ ovwan oyovwe, eriyin Ọrovwohwo rẹ otuofovwi na tare.