Hegae 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ta ota asakiephana kẹ Zerubabẹl ọmọ ri Shealtiẹl, osun ri Juda, ji kugbe Joshua ọmọ ri Jehozadak, orherẹn rode na, ji kugbe umuku rẹ ihwo na ri chekọ, tanẹ,

Hegae 2:2 ပူးပေါင်းရင်းမြစ်များ

Ezra 1:8

Sairọs ovie ri Pẹsha da ghwẹ ena vwọ phia vwo nẹ obọ rẹ Mitredat ọyọnrigho, o de kere ayen vwọ kẹ Sheshbaza ọmọ rẹ ovie ri Juda.

Ezra 2:63

Osun na da ta kẹ ayen nẹ, ayen rha ria vwẹ emu rẹ ọ ma fon na-a, bẹsiẹ ra vwọ mrẹ orherẹn ro se se ute vẹ Agbragha.

Ezra 3:2

Etiyin Jeshua rẹ ọmọ ri Jozadak de vrẹn, kugbe irivẹ rọye re hẹ irherẹn, kugbe Zerubabẹl rẹ ọmọ rẹ Shealtiẹl vẹ imoni rọye, ayen da tọn agbada rẹ izobo rẹ Ọghẹnẹ rẹ Izrẹl, rere ayen vwo ze izobo rẹ ẹtorhẹ vwẹ enu rọye kirobo re siro phihọ urhi ri Mosis ohwo rẹ Ọghẹnẹ.

Nehemaya 8:9

Te Nehemaya, re osun na, kugbe Ẹzra re orherẹn kugbe osiẹbe na, kugbe Livae ri yono ihwo na da ta ke ihwo na ejobi nẹ, Nonẹ na ẹdẹ ọfuanfon kẹ Ọrovwohwo Ọghẹnẹ wẹn, we muomaho-ọ eyẹ wa viẹ-ẹ. Kidie ihwo na ejobi viẹre rẹ ayen vwo nyo eta rẹ urhi na.

Hegae 1:1

Vwẹ ukpe rivẹ ri Dariọs ovie na, vwẹ emeranvwe resan rọye vwẹ ẹdẹ rẹsosuọ rẹ emeranvwe na, ota rẹ Ọrovwohwo na da wan oma ri Hegae rẹ ọmraro na bru Zerubabẹl rhe ọmọ ri Shealtiẹl, osun ri Juda, kugbe Joshua rẹ ọmọ ri Jehozadak, rẹ orherẹn rode na,

Hegae 1:12

Etiyin Zerubabẹl rẹ ọmọ ri Sealtiẹl, kugbe Joshua rẹ ọmọ ri Jehozadak, rẹ orherẹn na, vẹ umuku rẹ ihwo ri chekọ na ejobi, de mu ọghọ kẹ urhuru rẹ Ọrovwohwo Ọghẹnẹ rayen, kugbe eta ri Hegae rẹ ọmraro na, kirobo rẹ Ọrovwohwo Ọghẹnẹ rayen jiro, oshọ rẹ Ọrovwohwo na de mu ihwo na.

Hegae 1:14

Ọrovwohwo da kpare erhi ri Zerubabẹl rẹ ọmọ ri Shealtiẹl, osun ri Juda, kugbe erhi ri Joshua rẹ ọmọ ri Jehozadak, rẹ ọrherẹn rode na, kugbe erhi rẹ umuku rẹ ihwo na ejobi ri chekọ ayen da rhe rhi ru iruo vwẹ uwevwi rẹ Ọrovwohwo rẹ ọtuọfọvwi na, Ọghẹnẹ rayen.