Hegae 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² E nẹ Ọrovwohwo rẹ otuofovwi na tare: Ihwo nana tare nẹ o ji te ọke ra vwọ rhoma bọn uwevwi rẹ Ọrovwohwo na-a.

Hegae 1:2 ပူးပေါင်းရင်းမြစ်များ

Ivie rẹ Ivẹ 12:7

Fiki rẹ ọtiọye na Jehoash ovie de se Jehoada orherẹn na vẹ irherẹn efa ẹguare ọ da ta kẹ ayen, Die sorọ rẹ ovwan vwo jẹ uwevwi na ẹrhuẹrẹ? Asakiephana ovwan rhe mie ihwo rẹ ovwan igho ọfa-a, ẹkẹvuọvo ovwan gbe siobọ nẹ igho na kẹ ihwo re rhuẹrẹ uwevwi na.

Ezra 4:23

Etiyin, re vwo se ọbe rẹ Artaxserxes Ovie na vwẹ obaro ri Rehum kugbe Shimshai rẹ osiẹbe na vẹ irivẹ rayen, ayen de vrẹn okpokpakpa vwo bru ihwo ri Ju vwi Jerusalẹm ayen da vwẹ ẹgbahọ vẹ ogangan vwọ da iruo na ji.

Nehemaya 4:10

Ẹkẹvuọvo Juda da ta, Ogangan rẹ ihwo re ghwa oghwa hi ro she, ye erhurhu na ji obuebu; kọye avwanre vwo je iruo e se ruo vwe obọ igbẹhẹ na.

Isẹ 22:13

Ọvwiẹrẹ ọye re ta nẹ, okpohrokpo hẹ obotafe! me da ro otafe o che hwe vwobọ.

Isẹ 29:25

Oshọ rẹ ohwo djẹ kpahe ufi vwọ kẹ, ẹkẹvuọvo ohwo rọ vwẹ ẹro so Ọrovwohwo na cha rhọ.

Aghwoghwo 11:4

Ohwo rọ rhẹrẹ odju sa kọ-ọn; kugbe ohwo ro nẹ aruọke se vuẹ-ẹ.

Aghwoghwo 3:3

Ọke re vwo hwe, vẹ ọke re vwo sivwẹ, ọke ra vwọ guọghọ te otọ, vẹ ọke ra vwọ bọn kpenu,

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Hegae 1:1

Vwẹ ukpe rivẹ ri Dariọs ovie na, vwẹ emeranvwe resan rọye vwẹ ẹdẹ rẹsosuọ rẹ emeranvwe na, ota rẹ Ọrovwohwo na da wan oma ri Hegae rẹ ọmraro na bru Zerubabẹl rhe ọmọ ri Shealtiẹl, osun ri Juda, kugbe Joshua rẹ ọmọ ri Jehozadak, rẹ orherẹn rode na,

Hegae 1:3

Etiyin ota rẹ Ọrovwohwo da wan oma ri Hegae rẹ ọmraro na rhe.

Ukeri 13:31

Etiyin ihwo re vẹ ọye gba yanran na da ta, Avwanre che se nene ihwo na họnre-e; kidie ayen ga nọ avwanre.