Galesha 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ ẹkẹvuọvo vwẹ asakiephana rẹ ovwan rhe vwọ riẹn Ọghẹnẹ nure na, rẹ Ọghẹnẹ je vwọ riẹn ovwan nure na, komavọ ovwan rhe vwo rhivwi bru erharhe vẹ ebaghẹrẹ rẹ erhi rẹ akpọ na re wa rhe rhoma dia eviẹn rẹ ayen?

Galesha 4:9 ပူးပေါင်းရင်းမြစ်များ

1 Ivie 8:43

nyo vwẹ obo odjuvwu asan re wọ dia, re wo ru kirobo rẹ ọrhorha na vwi fiki rọye se we ejobi; rere ihwo rẹ akpọ na ejobi sa vwọ riẹn odẹ wẹn rere ayen djẹ oshọ wẹn, kerẹ, ihwo wẹn Izrẹl, rere ayen sa riẹn nẹ uwevwi nana re me bọnre na odẹ wẹn e vwo se.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

Une rẹ Ejiro 1:6

Kidie Ọrovwohwo riẹn idjerhe rẹ ọvwata ẹkẹvuọvo idjerhe rẹ oruimwemwu che gbe.

Une rẹ Ejiro 9:10

Ihwo re riẹn odẹ wẹn vwẹ ẹro so wẹ, kidie wẹ, E Ọrovwohwo, wọ je sen ihwo re guọnọ owẹ dẹvo-o.

Ẹyano 33:17

Etiyin Ọrovwohwo da ta kẹ Mosis, Emu nana re wọ tare na Mi ruo; kidie wọ mrẹ ẹruesiri vwẹ obọ mẹ, Me riẹn odẹ wẹn.

Isẹ 2:5

kẹsiẹye wọ ke riẹn otọ rẹ oshọẹdjẹ rẹ Ọrovwohwo na ku wọ mrẹ erianriẹn rẹ Ọghẹnẹ.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Habakọk 2:14

Kidie otọ na cha vọn vẹ erianriẹn rẹ urinrin rẹ Ọrovwohwo na, kirobo rẹ ame phoro abadi na.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Iyẹnrẹ Esiri ri Luk 5:38

Ẹkẹvuọvo udi ọkpokpọ e kuo phihọ ephiẹ ọkpokpọ.

Iyẹnrẹ Esiri ri Jọn 10:14

Mẹvwẹ hẹ osuigegede rẹ esiri; me riẹn e robọ mẹ e robọ mẹ je riẹn vwẹ,

Iyẹnrẹ Esiri ri Jọn 10:27

Igodẹ mẹ nyo urhuru mẹ, me riẹn ayen, ayen nene uvwe;

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Ọbe ri Pọl si rhe Ihwo ri Rom 8:29

Kidie otu rọ riẹnre jovwo na ọ da kẹ ayen atarhe re ayen vwọ họhọ uhoho rẹ Ọmọ rọye, rere ọ sa dia ọmọkpako vwẹ ohri rẹ imoni buebu.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

1 Kọrẹnt 13:12

Kidie asakiephana avwanre mrẹ orẹ phorophoro kerẹ ughegbe, ẹkẹvuọvo ọke yena ohwohwo kọ mrẹ ohwohwo. Asakiephana ubro me riẹnre, ọke yena ki mi che vwo ẹruọ gbagba, kirobo rẹ obo re me ta je ro ihwo na.

1 Kọrẹnt 15:34

Nabọ vwẹ udu kpotọ, wo gbi ruẹ imwemwu ọfa-a. Kidie ẹvo vwọ erianriẹn rẹ Ọghẹnẹ na-a. Me ta ọnana rere oma vwọ vo ovwan.

1 Kọrẹnt 8:3

Ẹkẹvuọvo ohwo da guọnọ Ọghẹnẹ, ko riẹn ohwo yena.

2 Kọrẹnt 11:20

Kidie wo se vwo odiri ọ da dianẹ ohwo vwẹ owẹ ru ọviẹn, eyẹ rọ da ghwa wẹ ria, eyẹ ro de she nyẹ wẹ, eyẹ ro de muẹ oma kpenu, eyẹ rọ da ghwiẹ wẹ opharo.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

Galesha 3:3

Ọtiọye ovwan dia ẹkpa te? Ovwan vwẹ erhi tophihọ nu, ke rha vwẹ ugboma we vwo fue?

Galesha 4:3

Ọtiọye ọ vẹ avwanre je epha; ọke rẹ avwanre vwọ hẹ imitete, avwanre kẹ eviẹn rẹ erhi rẹ ebaghẹrẹ rẹ akpọ na.

Ẹfesọs 1:17

rere Ọghẹnẹ rẹ Ọrovwavwanre Jesu Kristi, Ọsẹ rẹ urinrin na, sa kẹ ovwan erhi rẹ aghwanre kugbe ẹvwọphia vwẹ evun rẹ erianriẹn rọye,

2 Timoti 2:19

Ẹkẹvuọvo uchivwo rẹ ota rẹ Ọghẹnẹ na mudia kokoroko, oka nana ri nene. Ọrovwohwo riẹn otu re dia ọrọye, E jẹn ohwo kohwo ro se odẹ rẹ Ọrovwohwo siohọ nẹ orukuruku.

Hibru 7:18

Vwẹ abọ ọvo, urhi rẹ awanre na a pharọ fikiridie ọvwiẹre o ruẹ o fi emu ọvuọvo-o,

2 Pita 2:20

Kidie ọ da dianẹ ọke rẹ ayen vwọ vabọ rẹ ẹgua rẹ akpọ na vwẹ oma rẹ erianriẹn rẹ Ọrovwohwo kugbe Osivwi rẹ avwanre Jesu Kristi, ayen da rhoma she phihọ ufi rẹ ayen rọ da pẹtiẹ ayen, eyenre rẹ ayen vwẹ ukuko na kọ rhoma miovwi nọ ọ rẹsosuọ.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.