Galesha 4:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ẹkẹvuọvo, rẹ ọke na rhe vwọ gbare, Ọghẹnẹ de ji ọmọ rọye na rhe, rẹ aye vwiẹri, re vwiẹri vwẹ otọ rẹ urhi na,

Galesha 4:4 ပူးပေါင်းရင်းမြစ်များ

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Aizaya 48:16

Si kẹre ovwẹ, nyo ọnana; nẹ otọ rhe Me je ta ota vwẹ odjahọ-ọ, nẹ ọke rọ vwọ herọ rhe ye Me herọ nure. Asakiephana Ọrovwohwo Ọghẹnẹ ri ji vwe kugbe Erhi rọye.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Jerimaya 31:22

Mavọ wo sioma uko krite, E ọmọtẹ rẹ o mudiagaa na? Kidie Ọrovwohwo ma emu ọkpokpọ vwẹ akpọ na, aye esivwo kẹ ọshare.

Zekaraya 6:12

re wọ ta kẹ, E nẹ Ọrovwohwo rẹ otuofovwi na tare, nighe, ohwo rẹ odẹ rọye dia Oghọn na: kidie ọ cha rho vwẹ ẹdia rọye, ọ cha bọn uwevwi rẹ Ọrovwohwo na.

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Ukeri 28:22

ji kugbe ẹkpro ọvo re vwo ze izobo rẹ umwemwu, rere a vwọ gọ ẹgua kẹ wẹ.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Matiu 3:15

Ẹkẹvuọvo Jesu da ta kẹ nẹ, Jọ dia ọtiọye; rere emu na ejobi vwọ gba ọ da rhọvwe kẹ.

Matiu 5:17

We roro nẹ me rhere rhe guọghọ irhi na eyẹ iruo rẹ emraro na-a, me rhere guọghọ-ọ, ẹkẹvuọvo mi rhi ru ayen gba.

Iyẹnrẹ Esiri ri Mak 1:15

tanẹ, ọke na tere, uvie rẹ Ọghẹnẹ na sikẹre re, kurhẹriẹ we se iyẹnrẹ esiri na gbuyota.

Iyẹnrẹ Esiri ri Luk 1:31

Nighe, wọ cha mrevun ku wo che vwiẹ ọmọshare, ku wo se odẹ rọye Jesu.

Iyẹnrẹ Esiri ri Luk 1:35

Amakashe na da ta kẹ, Erhi Ọfuanfon na che bru we rhe, ogangan rẹ Ọro Mekpenu na ko che rhurhu uwe; ọtiọye ọmọ ru wo che vwiẹ na ke se ọfuanfon, ọmọ rẹ Ọghẹnẹ.

Iyẹnrẹ Esiri ri Luk 2:7

O de vwiẹ ọmọshare rẹ ọtuvwie rọye a da vwẹ emwa efuanfon phopho, e de muo phihọ urhuẹ rẹ eranvwe, fikiridie ayen mrẹ uwevwi wo phihọ vwẹ orere na-a.

Iyẹnrẹ Esiri ri Luk 20:44

Devid vwẹ enẹ se Ọrovwohwo; komavọ o ru rha vwọ dia ọmọ rọye?

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 10:36

Ku wọ ta kpahe ohwo rẹ Ọghẹnẹ ru fon nu ro de jo rhe akpọ na nẹ, Wo bru avwavwe, fikiridie me tare nẹ, Mẹvwẹ Ọmọ rẹ Ọghẹnẹ?

Iyẹnrẹ Esiri ri Jọn 3:16

Kidie ọtiọye Ọghẹnẹ guọnọ akpọ na ọ da vwẹ Ọmọ ọvuọvo rọye na kẹ, rere ohwo kohwo ro sere gbuyota vwo je ẹghwọrọ ẹkẹvuọvo ko vwo arhọ ri bẹdẹ.

Iyẹnrẹ Esiri ri Jọn 6:38

Kidie mi nẹ obo odjuvwu rhe, rhi ru ọhọre mẹ-ẹ, ẹkẹvuọvo ọhọre rẹ ọ ro ji vwe rhe;

Iyẹnrẹ Esiri ri Jọn 8:42

Jesu da ta kẹ ayen, Ọ da dianẹ Ọghẹnẹ hẹ Ọsẹ rẹ ovwan, kẹ ovwan a guọnọ ovwẹ, kidie obọ rẹ Ọghẹnẹ na mi nurhe; me vwẹ ọhorobọ mẹ rhe-e, ẹkẹvuọvo ọye ji vwe rhe.

Iruo rẹ Iyinkọn na 1:7

Ọ da ta kẹ ayen nẹ, O fori rẹ ovwan vwọ riẹn ẹdẹ na-a eyẹ ọke na-a jokpa rẹ Ọsẹ na ọvo rọ vwẹ ogangan yena kẹ oma rọye.

Ọbe ri Pọl si rhe Ihwo ri Rom 1:3

Iyẹnrẹ esiri kpahe Ọmọ rọye, re vwiẹri vwẹ orua ri Devid vwẹ ọ rẹ ugboma

Ọbe ri Pọl si rhe Ihwo ri Rom 15:8

Kidie me ta kẹ owẹ nẹ Kristi rhi hirhe oma phihọ odibo vwọ kẹ ihwo re yanvwere ro vwo dje uyota rẹ Ọghẹnẹ phia, rere o vwo ru ive ro ve kẹ esẹ ride na gba.

Ọbe ri Pọl si rhe Ihwo ri Rom 5:6

Kọye ọke rẹ avwanre rhe vwo ọchuko-o na, vwẹ ọke ro shehọ Kristi de rhi ghwu kẹ oruimwemwu.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

Ọbe ri Pọl si rhe Ihwo ri Rom 9:5

ayen a vwẹ esẹ ride na kẹ, uvwiẹ rayen, vwẹ ọ rẹ ugboma, kọye Kristi nurhe. Ọghẹnẹ rọ hẹ enu rẹ ayen ejobi ọye ebruba kẹ bẹdẹ. Isẹ.

Ẹfesọs 1:10

Iroro kpahe ẹgba rẹ ọke na, ro che vwo kue emu na ejobi gbe vwẹ oma rọye, emu rẹ odjuvwu kugbe emu rẹ akpọ na.

Kolose 2:14

Ro vwo phoro irhi re si kpahe ovwan uyovwi re vẹ oma rẹ avwanre shephihọ-ọ na, o de si ayen nẹ idjerhe rẹ avwanre, ọ da ra kanre ayen mu agbagba.

1 Timoti 2:6

rọ vwẹ ekpuyovwi rẹ oma rọye tan avwanre ejobi hirhe, iseri rọye kọye e se vwẹ ọke ro she phihọ na.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Hibru 2:14

Kirobo rẹ emọ na herọ vwẹ oma vẹ obara na, eriyin okpuyovwi rọye ji vwo oma ọvo na, rere vwẹ oma rẹ ughwu ọ vwọ guọghọ ohwo ro vwo ogangan rẹ ughwu na, kọye hẹ, idẹbono na.

Hibru 9:10

ẹkẹvuọvo kẹ irueru rẹ emuọre kugbe udi kugbe okoka rẹ ẹhọ ọvo, irhi re jiri fiki rẹ ugboma na bẹsiẹ ro vwo te ọke ra vwọ rhuẹrẹ phihọ.

1 Jọn 4:14

Avwanre mrẹrẹ avwanre je hẹ iseri nẹ Ọsẹ na ji Ọmọ na rhe nẹ ọ rhe dia Osivwi rẹ akpọ na.

1 Jọn 4:2

Vwẹ oma rẹ ọnana ovwan vwọ riẹn Erhi rẹ Ọghẹnẹ; erhi kerhi rọ rhọvwere nẹ Jesu Kristi ghine rhe vwẹ ugboma yọ rẹ Ọghẹnẹ,