Galesha 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Jẹn uvwe nọ ovwan ọnana ọvo; A vwẹ Erhi na kẹ ovwan fiki rẹ iruo rẹ urhi na, gbenẹ fiki rẹ enyo rẹ esegbuyota?

Galesha 3:2 ပူးပေါင်းရင်းမြစ်များ

Iruo rẹ Iyinkọn na 15:8

Ọghẹnẹ ro riẹn udu rẹ ihwo de se oseri kẹ ayen, ọ da kẹ ayen Erhi Ọfuanfon na kirobo ro je kẹ avwanre;

Iruo rẹ Iyinkọn na 2:38

Pita da ta kẹ ayen nẹ, Kurhẹriẹ rere ovwan ohwo ọvuọvo reyọ ame vwẹ odẹ ri Jesu Kristi fiki rẹ evwoghovwo rẹ imwemwu rẹ ovwan; ovwan ke cha mrẹ okẹ rẹ Erhi Ọfuanfon na reyọ.

Iruo rẹ Iyinkọn na 8:15

ayen da ra nẹ ẹrhovwo kẹ ayen rere ayen vwo Erhi Ọfuanfon na;

Ọbe ri Pọl si rhe Ihwo ri Rom 1:17

Kidie iyẹnrẹ esiri na re vwẹ ọvwata rẹ Ọghẹnẹ phia vwẹ oma rẹ esegbuyota fiki rẹ esegbuyota; kirobo re siro, Ohwo rọ wan oma rẹ esegbuyota dia ọvwata kọ rhọ.

1 Kọrẹnt 9:21

Vwọ kẹ ihwo rẹ hẹ otọ rẹ urhi-i mi de ru oma mẹ kerẹ ohwo rọ hẹ otọ rẹ urhi-i, ọ dianẹ kẹ otọ rẹ urhi rẹ Ọghẹnẹ mi jẹ dia-a ẹkẹvuọvo otọ rẹ urhi ri Kristi– rere mi vwo ku ihwo ri jẹ otọ rẹ urhi ẹdia rhẹriẹ.

2 Kọrẹnt 11:4

Kidie ọ da dianẹ otu evo rhere rhi ghwoghwo Jesu ọfa nọ ọvuọvo na rẹ avwanre ghwoghwori na, eyẹ ovwan de vwo erhi ọfa san nọ rẹ ovwan vwori jovwo na, eyẹ ovwan da rha reyọ iyẹnre esiri ọfa nọ rẹ ovwan reyọre na, yọ ọphẹrẹ ovwan reyọ nọ.

Galesha 3:14

rere vwẹ oma ri Jesu Kristi ebruphihọ rẹ Ebraham vwọ mrasan bru ihwo ri Keferi rhe, rere avwanre vwo vwo ive rẹ Erhi na fiki rẹ esegbuyota.

Galesha 3:3

Ọtiọye ovwan dia ẹkpa te? Ovwan vwẹ erhi tophihọ nu, ke rha vwẹ ugboma we vwo fue?

Galesha 3:5

Ohwo rọ kẹ ovwan Erhi na ro de ru iruo rẹ igbunu vwẹ ohri rẹ ovwan na kẹ oma rẹ urhi na o ruo vwo, gbenẹ oma rẹ enyo rẹ esegbuyota?

Hibru 2:4

Yẹ Ọghẹnẹ ji se oseri vwẹ eka vẹ igbunu kugbe emuigbunu sansan kugbe okẹ rẹ Erhi Ọfuanfon na ghare kẹ ihwo kirobo rẹ ọhọre robọ rọye epha.

Hibru 4:2

Kidie e gbe ikun esiri na kẹ avwanre kirobo re ji gbe kẹ ayen; ẹkẹvuọvo ota na rẹ ayen nyori na fi erere kẹ aye-en, fikiridie a mrẹ esegbuyota vwẹ oma rẹ ayen otu ri nyoro-o.

Hibru 6:4

Kidie ọ pha bẹnbẹn re vwo ku ihwo ri rhie ẹro nure rhẹriẹ, re davwe avwerhe rẹ okẹ rẹ obo odjuvwu na, ri de vwo obọ vwẹ ughwẹ rẹ Erhi Ọfuanfon na.

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.