Galesha 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ rẹ ayen vwọ mrẹ ẹserọphẹ ra vwọ kẹ vwẹ rẹ, Jems vẹ Pita kugbe Jọn, re dia osunsun na, de rhie evun reyọ ovwẹ vẹ Banabas gangan, nẹ avwanre gbe bru otu ri Keferi ra re ayen rhe bru otu re yanvwere;

Galesha 2:9 ပူးပေါင်းရင်းမြစ်များ

Ivie rẹ Ivẹ 10:15

Ọke ro vwo nẹ etiyin, ọ da vwa Jehonadab rẹ ọmọ ri Rekah ro bro cha, o de yere ọ da ta kẹ, Udu wẹn fon kẹ udu mẹ kirobo rẹ ọmẹ epha kẹ owẹn na? Jehonadab da kpahe kẹ, Ọtiọye ọ epha. Jehu da ta, Ọ da ghine dia ọtiọye, gba riẹn obọ wẹn kẹ vwẹ. Ọ riẹn obọ rọye kẹ. Jehu da yọnrọn obọ o de sio phihọ evun rẹ akpẹrẹ na.

Matiu 16:18

Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e.

Iyẹnrẹ Esiri ri Luk 22:8

Ọtiọye na Jesu de ji Pita kugbe Jọn, tanẹ, Yanran ra rhuẹrẹ ẹwanvrẹn kpahe otọ kẹ avwanre, rere avwanre riọ.

Iyẹnrẹ Esiri ri Jọn 1:42

Ọ da reyọ vwo rhe Jesu. Jesu de no, ọ da ta, Wẹ hẹ Saimọn na ọmọ ri Jọn? E che se we Kifas (otọ rọye oragha).

Iruo rẹ Iyinkọn na 12:17

Ẹkẹvuọvo o de kpogho obọ kẹ ayen nẹ ayen fo tovwi, o de gbe ikun rẹ obo rẹ Ọrovwohwo ru sio nẹ evun rẹ uwodi na rhe. Ọ da ta, we gbe ikun nana kẹ Jems kugbe imoni na. Ọ da yan jẹ ayen vwo kpo asan ọfa.

Iruo rẹ Iyinkọn na 15:13

Rẹ ayen vwọ ta ota nu, Jems da kpahe, Imoni, wa kerhọn me.

Iruo rẹ Iyinkọn na 15:7

Rẹ ayen vwọ phra aphro rẹ ota na krekri re, Pita de vrẹn ọ da ta kẹ ayen, Imoni, ovwan riẹnre nẹ ẹtuọhọ rhe Ọghẹnẹ da jẹ ihwo reyọ vwẹ ohri rẹ ovwan, nẹ ihwo ri Keferi na wan unu mẹ nyo ota rẹ iyẹnrẹ esiri na re ayen segbuyota.

Iruo rẹ Iyinkọn na 4:36

Kẹ enẹ Josẹf je shẹ otọ rọye ohwo rẹ iyinkọn na mu odẹ kẹ nẹ Banabas (otọ rọye, Ọmọ rẹ obruche) ohwo ri Livae, ohwo ri Saiprọs,

Ọbe ri Pọl si rhe Ihwo ri Rom 1:5

oma rọye avwanre wan vwo ẹserọphẹ vwọ dia ọyinkọn rere mi vwo se ihwo re vwẹ ọghọ kẹ ri vwo esegbuyota kpahe odẹ na vwẹ ohri rẹ ẹgborho na ejobi,

Ọbe ri Pọl si rhe Ihwo ri Rom 12:3

Fiki rẹ ẹserọphẹ ra vwọ kẹ vwẹ me rẹ ohwo ọvuọvo vwẹ ohri rẹ ovwan nẹ e jẹn ohwo ọvo rhe roro oma rọye rhuarho nọ obo rọ epha jovwọ-o, ẹkẹvuọvo ovwan vwẹ oma kpotọ dẹndẹn, ọvuọvo kerẹ ọtiẹ esegbuyota rẹ Ọghẹnẹ vwọ kẹ.

Ọbe ri Pọl si rhe Ihwo ri Rom 15:15

Ẹkẹvuọvo ọbe nana ri mi si rhe ovwan ọ pha tuatua vwẹ kẹ ekarohọ rẹ ovwan, fiki rẹ ẹserọphẹ rẹ Ọghẹnẹ vwọ kẹ vwẹ

1 Kọrẹnt 15:10

Ẹkẹvuọvo vwẹ ẹserọphẹ rẹ Ọghẹnẹ me vwọ hẹ obo re me epha na, ẹserọphẹ rọ vwọ kẹ vwẹ na rha dia ọ ri ghevweghe-e. Kidie me wian gan nọ ayen ejobi, dede na ọ dia omẹvwẹ-ẹ, ẹkẹvuọvo ẹserọphẹ rẹ Ọghẹnẹ rọ hẹ evun mẹ.

2 Kọrẹnt 11:5

Mi rori nẹ me hanvwe nọ otu nana ri mu odẹ rẹ ọyinkọn bara oma na-a.

2 Kọrẹnt 12:11

Ekpa me epha jovwo! Ovwan ri bi vwe phihọ, kidie ovwan ejiri uvwe vẹrhe. Kidie me dia orharhe kakaka kẹ otu nana ri se oma iyinkọn na-a, dede na yi mi fi emuọvo-o.

2 Kọrẹnt 8:4

Ayen ke tobọ rẹ avwanre nẹ a kẹ ayen uphẹ rẹ ayen ji vwo obọ vwẹ arhọghọ re torọ rhe ihwo efuanfon na.

Galesha 1:16

o de je nẹ ọye vwẹ Ọmọ rọye na phia kẹ vwẹ, rere me vwọ mrasan ghwoghwo vwẹ ohri ri Keferi me ka nọ vwẹ obọ re ohwo tavwe-e,

Galesha 1:18

Re ikpe erha vwọ wan nu, mi de kpo Jerusalẹm ra mrẹ Pita, mi de nene dia ason ihwiori.

Galesha 2:1

Rẹ ẹgbukpe ihwẹnẹ vwọ wan nu, me vẹ Banabas da rhoma kpo Jerusalẹm, me da reyọ Taitọs vwo nene oma ra.

Galesha 2:2

Vwẹ evun rẹ ẹvwọphia me vwọ yanran ra bẹbẹ gbe ikun rẹ iyẹnrẹ esiri na ri mi ghwoghwo vwẹ ohri ri Keferi na vwọ kẹ otu rẹ iyinkọn na ri kperi usi vwẹ usun rayen, rere iruo ri mi mu phihọ na vwo jẹ orukufia ẹdia.

Galesha 6:3

Kidie ohwo de roro oma rọye rhuarho, yo te emuọvo-o, yọ phiẹn omobọ rọye.

Ẹfesọs 2:20

ra bọn phihọ enu rẹ uchivwo rẹ iyinkọn na kugbe emraro na, Kristi Jesu vẹ ekpuyovwi kọye hẹ ubioragha rode re vwo vi ubienyẹ.

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Kolose 1:29

Fiki rẹ ọnana kọye me vwọ wian rhe, me vwọ pharha kẹ iruo na, kirobo rẹ oruru rẹ iruo na gan te vwẹ evun mẹ.

1 Timoti 3:15

o da dianẹ emu da vwẹ ji, re wọ vwọ sa riẹn obo wo ru vwẹ evwruwevwi rẹ Ọghẹnẹ, kọye hẹ ishọshi rẹ Ọghẹnẹ ri bẹdẹ na, osunsun kugbe egbe rẹ uyota na.

1 Jọn 1:3

rẹ avwanre mrẹre rẹ avwanre nyori kọye avwanre ghwoghwo kẹ ovwan na, rere avwanre vẹ ovwan vẹ ovwan vwo okugbe ọvo; okugbe rẹ avwanre ọ hẹ obọ rẹ Ọsẹ na kugbe Ọmọ rọye Jesu Kristi.

Ẹvwọphia 3:12

Ohwo ro phi kparobọ, ki mi che vwo ru uchivwo vwẹ evun rẹ uwevwi rẹ Ọghẹnẹ mẹ; e rhe se ghwie no bẹdẹ-ẹ, ki mi si odẹ rẹ Ọghẹnẹ mẹ vwọ tamuo, kugbe odẹ rẹ orere rẹ Ọghẹnẹ mẹ na, Jerusalẹm Ọkpokpọ na ro nẹ obọ rẹ Ọghẹnẹ rọ hẹ obo odjuvwu rhe otọ na, kugbe odẹ mẹ ọkpokpọ na.