Galesha 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ẹkẹvuọvo, fiki rẹ imoni rẹ efian na re bẹbẹ rhe, ri sioma nu rere ayen vwọ mrẹ otọ rẹ egbemọphẹ rẹ avwanre vwori vwẹ oma ri Kristi Jesu, rere ayen vwọ mrasan vwẹ avwanre ru eviẹn.

Galesha 2:4 ပူးပေါင်းရင်းမြစ်များ

Une rẹ Ejiro 119:45

ke me yan vwẹ egbemọphe, kidie me guọnọ iji wẹn.

Une rẹ Ejiro 51:12

Vwẹ aghọghọ rẹ esivwo wẹn rhivwi rhe vwe, rere wọ vwẹ erhi rẹ ẹserọphẹ wẹn yọnrọn ovwẹ.

Aizaya 51:23

Ki Mi phio phihọ obọ rẹ ihwo ri gbe oja kẹ wẹ, re ta kẹ wẹ nẹ, Rhuẹn kpotọ, rere Me shariẹ owẹ vrẹn, Yi wo ru ugbuko wẹn kerẹ otọ kere urhuvwu kẹ ayen otu re wan vrẹn

Iyẹnrẹ Esiri ri Luk 5:38

Ẹkẹvuọvo udi ọkpokpọ e kuo phihọ ephiẹ ọkpokpọ.

Iruo rẹ Iyinkọn na 15:1

Ẹkẹvuọvo ihwo ẹvo de nẹ obi Judia rhe ki yono imoni na nẹ, jokpa nẹ ovwan yanvwere kerẹ uruemu ri Mosis na-a, ovwan cha sa rhọ-ọ.

Iruo rẹ Iyinkọn na 15:24

Rẹ avwanre vwo nyo nẹ ihwo ẹvo vwẹ ohri rẹ avwanre na vwẹ eta kpokpo ovwan, re vwọ hra udu rẹ ovwan, yẹ avwanre vuẹ ayen ọtiọye-e,

Iruo rẹ Iyinkọn na 20:30

Ihwo re chahe eta rhẹriẹ cha rhe ohri rẹ ovwan, ki che si idibo na ba oma.

Ọbe ri Pọl si rhe Ihwo ri Rom 8:15

Ọ gbe dia erhi rẹ ọviẹn rọ djẹ oshọ mu ohwo na a vwọ kẹ ovwa-an, ẹkẹvuọvo kẹ erhi rẹ ọmọ a vwọ kẹ ovwan. Kọye ovwan vwo kperẹ nẹ, Baba! Ọsẹ!

2 Kọrẹnt 11:13

Kidie ihwo etieye na hẹ iyinkọn rẹ efian, iruiruo rẹ ophiẹvwe, re vwẹ oma nẹ nẹ ayen iyinkọn ri Kristi.

2 Kọrẹnt 11:17

(Obo re me ta na me tarọ vwẹ ogangan rẹ Ọrovwohwo-o ẹkẹvuọvo kerẹ ẹkpa, rọ vwẹ ugheghẹ yoma,

2 Kọrẹnt 11:20

Kidie wo se vwo odiri ọ da dianẹ ohwo vwẹ owẹ ru ọviẹn, eyẹ rọ da ghwa wẹ ria, eyẹ ro de she nyẹ wẹ, eyẹ ro de muẹ oma kpenu, eyẹ rọ da ghwiẹ wẹ opharo.

2 Kọrẹnt 11:26

oyan phẹre phẹre, vwẹ ukpokpogho rẹ urhie, oshọ rẹ igbunegbu, ukpokpogho rẹ ihwo mẹ, ukpokpogho rẹ ihwo ri Keferi, ukpokpogho vwẹ evun rẹ orere, ukpokpogho vwẹ evun rẹ aghwa, ukpokpogho vwẹ abadi, ukpokpogho rẹ imoni rẹ efian;

2 Kọrẹnt 3:17

Asakiephana Ọrovwohwo na hẹ Erhi na, asan rẹ Erhi rẹ Ọrovwohwo na epha, etiyin egbemọphẹ epha.

Galesha 1:7

Nighe, ikun egbe rẹ iyẹnrẹ esiri ọfa gbe herọ vrẹn ọnana-a; ẹkẹvuọvo, yẹ ihwo ẹvo herọ re guọnọ obo rẹ ayen vwo se ku idjerhe rẹ iyẹnrẹ esiri ri Jesu Kristi na rhẹriẹ.

Galesha 4:25

Asakiephana Hagar na kọye hẹ Ugbenu ri Sinae rọ hẹ Arebia, rọ vẹ Jerusalẹm rọ herọ vwẹ asakiephana gbe shehọ; kidie te ọye te emọ rọye je hẹ ọviẹn rhi te ẹdẹ ri nonẹ na.

Galesha 4:3

Ọtiọye ọ vẹ avwanre je epha; ọke rẹ avwanre vwọ hẹ imitete, avwanre kẹ eviẹn rẹ erhi rẹ ebaghẹrẹ rẹ akpọ na.

Galesha 5:1

Kidie Kristi si avwanre nẹ ọviẹn nure; we gbe mudia gan, wa gbe jẹ oghrọrọ rẹ ọviẹn phihọ ohọre rẹ ovwan ọfa-a.

Galesha 5:10

Me vwẹ ẹro so Ọrovwohwo nẹ ovwan rha reyọ uyono ọfa nọ ọmẹ na-a; ohwo ro kpokpo ovwan na re cha ghwa ekan rọye, kohwo kohwo rọ ephan ejobi.

2 Timoti 3:6

Kidie ihwo evo hẹ ohri rẹ ayen na re rhẹrẹ ruẹ evwruwevwi rẹ ihwo i mi mu eya re epha huehuẹ, re kru oghwa rẹ imwemwu nyẹ rẹ urhuru sivwe phiegbe kpenẹ phiegbe kpenẹ,

Jems 1:25

Ẹkẹvuọvo ohwo rọ nabọ ni urhi na fiotọ, urhi rẹ egbomọphẹ na, rọ nabọ fuẹrẹ, ọ dia ohwo ro nyo nẹ ọ chọrọ ẹro-o ẹkẹvuọvo rọ da dia ohwo ro nyo nẹ ọ ru, ko vwo ebruphihọ vwẹ iruo rọye.

1 Pita 2:16

Yenre akpọ rẹ ọmuvwiẹ, yẹ wọ rha vwẹ ọmuvwie wẹn ruẹ urhurho rẹ umwemwu-u; yenre kerẹ idibo rẹ Ọghẹnẹ.

2 Pita 2:19

Ayen vwẹ egbemọphẹ kẹ ayen, ẹkẹvuọvo yẹ ayen eviẹn rẹ emu ogbegbe; kidie kemu kemu ro se phi ohwo kparobọ, ọye ohwo vwẹ oma ru ọviẹn kẹ.

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.