Galesha 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọtiobo rẹ avwanre tare jovwo na, eriyin me je rhoma ta na, ohwo kohwo da rhoma ta iyẹnrẹ esiri ọfa kẹ ovwan vrẹn ọ rẹsuosuọ na, re ovwan reyọre jovwo na, e jẹn ekan rẹ Ọghẹnẹ dia kẹ ohwo yena.

Galesha 1:9 ပူးပေါင်းရင်းမြစ်များ

Isẹ 30:6

Wo phiẹba eta rọyẹ-e, Ọ da rha ghwọ ku we, ku wọ cha dia ọvwọnrofian.

Jerimaya 23:16

Enẹ Ọrovwohwo rẹ otuofovwi na tare, Wọ kerhọn rẹ eta rẹ emraro re mraro kẹ wẹ na-a, re ghwẹ iphiẹrohọ ifefe vọn wẹ oma na, emramrẹ re iroro rayen ayen ta na, ọ dia ọ ro nẹ unu rẹ Ọrovwohwo na rhe-e.

Iruo rẹ Iyinkọn na 18:23

Rọ vwọ dia etiyin emerha o de vrẹn nẹ etiyin ko nẹ asan kpasan vwẹ ubrakpọ ri Galesha kugbe Frigia, ro vwo ruẹ idibo na gan.

Ọbe ri Pọl si rhe Ihwo ri Rom 16:17

Me rẹ ovwan, imoni mẹ, re wa kenoma kẹ ihwo re vwẹ ohra kugbe ẹghwọ cha vwẹ uherevie rẹ ovwan, re vwẹ aphro ghwọrọ obo re yono ovwan kuẹfia; we tephe kẹ ayen.

Ọbe ri Pọl si rhe Ihwo ri Rom 9:3

Kidie me tobo guọnọ nẹ a harhe ovwẹ ekan re a hẹriẹ ovwẹ nẹ oma ri Kristi fiki rẹ imoni mẹ, ihwo mẹ Izrẹl.

2 Kọrẹnt 1:17

Ki mi vwo iroro ivivẹ re me vwọ guọnọ ru ọnana? Ke me gbẹn idjerhe nana kerẹ ohwo rẹ akpọ ghevweghe ro choma rọ vwọ tanẹ, E vẹ Ẹjo ẹsiẹvo?

Urhi Rivẹ 12:32

Kemu kemu mi ji iji kẹ wẹ wọ Me karohọ ru; wo phiẹ ba-a, wo ji siẹ no-o.

Urhi Rivẹ 4:2

We brẹ ba ota ri mi ji iji kẹ ovwan na-a we ji siẹno-o, rere wa yọnrọn irhi rẹ Ọrovwohwo Ọghẹnẹ rẹ ovwan na ri mi jiji rayen kẹ ovwan.

Filipae 3:1

Ọ rọ ka oba, imoni mẹ, wa ghọghọ vwẹ evun rẹ Ọrovwohwo. Re vwo si emu ọvuọvo na rhe ovwan ghwa bẹn kẹvwẹ nọ-ọ, yẹ ọye ri yovwi kẹ ovwan.

Filipae 4:4

Ghọghọ vwẹ evun rẹ Ọrovwohwo kẹdẹ kẹdẹ; me rhoma ta, Ghọghọ.