Filipae 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

Filipae 4:8 ပူးပေါင်းရင်းမြစ်များ

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

2 Samuẹl 1:23

Sọl vẹ Jonatan, guọnọ ohwohwo gangan! Vwẹ arhọ yẹrẹ ughwu ayen hẹriẹ oma-a; ayen rhan phẹrẹ nọ igo, ayen goma nọ ikpohrokpo.

2 Samuẹl 23:3

Ọghẹnẹ rẹ Izrẹl ta nure, oragha rẹ Izrẹl ra kẹ vwẹ. ọke rẹ ọvo de suẹn ihwo vwẹ ọ rẹ ọsoso ro de suẹn vwẹ oshọ rẹ Ọghẹnẹ,

Une rẹ Ejiro 82:2

Mavọ okrite wo vwo kpirhi orhiẹn phihọ ru wọ da ghwoma phihọ abọ rẹ ihwo imwemwu?

Isẹ 11:1

Ovwanvwọn rẹ efian ọye ẹgua kẹ Ọrovwohwo na, ẹkẹvuọvo ovwanvwọn rẹ uyota nabọ vwerhọn oma mamọ

Isẹ 12:4

Aye esiri ọye erhu rẹ uvie kẹ ọshare rọye, ẹkẹvuọvo aye rọ nẹrhe oma vua ohwo họhọ orin ro gbo vwẹ ibeku rọye.

Isẹ 16:11

Ovwanvwọn rẹ ọsọso kugbe omamọ rẹ uchunu e rẹ Ọrovwohwo na, ẹhọhọ rẹ emu rọ hẹ ekpu na ejobi je vwẹ iruo rọye.

Isẹ 20:7

Ọvwata rọ yan vwẹ idjerhe ọsọso, ebruba dia kẹ emọ rọye vwobọ.

Isẹ 31:10

Aye esiri kono sa mrẹ? Ọghare nọ irhu shesheri.

Isẹ 31:29

A mrẹ eya esiri buebu re, ẹkẹvuọvo a je mrẹ ọkpọ rẹ ọnana-a

Isẹ 31:31

Vwẹ omamo rẹ iruo rọye vwọ kẹ, rere wo jẹ iruo rọye jiro vwẹ anurhoro.

Solomon 5:16

Ota rọye miẹmiẹ, o di muẹ ohwo jẹ. Ọnana ọ ro je vwe na, Ọnana ugbeyan mẹ, E emetẹ ri Jerusalẹm.

Aizaya 26:7

Idjerhe rẹ ọvwata nabọ ghọriẹ, wẹ yi ru idjerhe rẹ ọvwata riẹriẹriẹ.

Matiu 22:16

Ayen de ji idibo rẹ ayen kugbe otu ri Hẹrodias bro ra ayen da ta nẹ, Oyono, avwanre riẹnre nẹ wẹ ohwo rẹ uyota, wo ji yono idjerhe rẹ Ọghẹnẹ rẹ uyota, ye wọ je davwerhọn rẹ ohwo-o. Kidie wo nẹ ikparo rẹ ohwo-o.

Iyẹnrẹ Esiri ri Mak 6:20

Kidie Herọd djẹ oshọ ri Jọn ọ riẹnre nẹ ọvwata kugbe ohwo rọ fonro o ruẹ, ọ da sẹro rọye egberhẹnẹdẹ. Ọkẹ ro vwo nyo, ọ da dia gedegede; dede na o de nyo ota rọye vẹ aghọghọ.

Iyẹnrẹ Esiri ri Luk 16:15

Ẹkẹvuọvo ọ da ta kẹ ayen, Ovwan hẹ ihwo ri brorhiẹ kẹ oma rẹ ayen vwẹ obaro rẹ ihwo, ẹkẹvuọvo Ọghẹnẹ riẹn udu rẹ ovwan; kidie obo rẹ ihwo kpara kpenu yẹ ẹgua vwẹ obaro rẹ Ọghẹnẹ.

Iyẹnrẹ Esiri ri Luk 2:25

Asakiephana ọshare ọvo herọ vwẹ obi Jerusalẹm, re se odẹ rọye Simiọn, ọvwata vẹ ohwo rọ djẹ oshọ rẹ Ọrovwohwo, o ji phiẹrohọ evwiẹ rẹ Osivwi rẹ Izrẹl na, Erhi Ọfuanfon da hẹ oma rọye.

Iyẹnrẹ Esiri ri Luk 23:50

Asakiephana ọshare ọvo herọ re se Josẹf ro nẹ Arimatia rhe rhe orho rẹ ihwo ri Ju. Ọdiaguare, ohwo esiri kugbe ọvwata,

Iyẹnrẹ Esiri ri Jọn 7:18

Ọ rọ vwẹ ogangan robọ rọye ta ota yọ guọnọ urinrin robo rọye; ẹkẹvuọvo ọ rọ guọnọ urinrin rẹ ohwo ro jiro rhe yẹ ọye ohwo rẹ uyota, kaka efian rhere-e.

Iruo rẹ Iyinkọn na 10:22

Ayen da ta, Kọniliọs, onotu rẹ ofovwi ohwo ọsoso rọ djẹ oshọ rẹ Ọghẹnẹ, rẹ ẹgborho rẹ ihwo ri Ju ejobi ta ota rọye yoyovwi, ọye amakashe ọfuanfon ta kẹ nẹ o ji ohwo rhi se we rhe uwevwi rọye, rere o nyo obo ru wọ cha ta kẹ.

Iruo rẹ Iyinkọn na 22:12

Ohwo ọvo re se Ananayas, ogba rẹ egagọ kirobo rẹ urhi epha, rẹ ihwo ri Ju re dia oboyi gbe ikun rọye yoyovwi,

Iruo rẹ Iyinkọn na 6:3

Eriyin na imoni, ovwan sanọ ihwo vwẹ ohri rẹ ovwan na, emamọ rẹ eshare ighwrẹ, ri vwo Erhi na kugbe ọhọ rere a vwẹ ayen mu phihọ iruo nana.

Ọbe ri Pọl si rhe Ihwo ri Rom 13:13

E gbe jẹn avwanre vwẹ oma kpotọ yan vwẹ uvo koko na, ọ dia o rẹ emu ẹriọ kugbe udi-ẹda-a, ọ dia ophiẹvwe kugbe ozighi-i, ọ dia ohọre kugbe omaeriọ-ọ.

Ọbe ri Pọl si rhe Ihwo ri Rom 13:3

Kidie isun na se mue kpahe ihwo esiri-i, ẹkẹvuọvo vwọ kpahe ihwo ebrabra. Oshọ rẹ otu ra vwẹ ogangan rẹ isuesun kẹ na rhe mu uwe? Gbe ru obo ri yoma, kẹ ayen jiri uwe.

Ọbe ri Pọl si rhe Ihwo ri Rom 14:18

Kidie ohwo rọ nabọ vwẹ oma kpotọ ga Kristi uruemu rọye ko jẹ Ọghẹnẹ ihwo rẹ akpọ ki ji jiro.

Ọbe ri Pọl si rhe Ihwo ri Rom 2:29

Ẹkẹvuọvo omamọ rẹ ohwo ri Ju vwenẹ, ọye ohwo rọ diarọ nẹ otọ rẹ evun rhe, rẹ oyanvwe rọye nẹ evun rẹ udu rhe kugbe ọ rẹ erhi ọ dia ọ rẹ unu ofefe-e. Rẹ ejiro rọye dia ọ rẹ ohwo rẹ akpọ-ọ ẹkẹvuọvo obọ rẹ Ọghẹnẹ o nurhe.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.

2 Kọrẹnt 13:7

Ẹkẹvuọvo avwanre rẹ Ọghẹnẹ rere ovwan vwo je ruo chọ–ọ dianẹ avwanre vwẹ oma nẹ nẹ avwanre wan odavwini na-a, ẹkẹvuọvo rere ovwan vwo ru obo ri yovwiri, dede na ya mrẹ kerẹsiẹ rẹ avwanre e de she.

2 Kọrẹnt 6:8

vwẹ ọghọ vẹ ijọghọ evwo, vwẹ odẹ omiomiovwi vẹ odẹ oyoyovwi. Kẹ ru avwanre kerẹ ihwo ri muẹ ọrho bare oma, yẹ ayen ihwo rẹ uyota;

2 Kọrẹnt 8:18

Avwanre ji oniọvo na ro kperi usi vwẹ ishọshi na ejobi vwẹ eghwoghwo rẹ iyẹnrẹ esiri na vwọ ba cha.

2 Kọrẹnt 8:21

kidie ọ dianẹ obo ri vwo ọghọvwẹ obaro rẹ Ọrovwohwo ọvo avwanre roro-o ẹkẹvuọvo ji te obaro rẹ ihwo rẹ akpọ.

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Ẹfesọs 4:25

Fiki rẹ ọtiọye na, we de siobọ nẹ efian ẹvwọrọn nu, e gbe jẹn ohwo ọvuọvo ta uyota kẹ ọrivẹ rọye, kidie avwanre ejobi oma ọvo.

Ẹfesọs 5:9

(Kidie emamọ rẹ urhukpẹ vwenẹ a mrẹ vwẹ evun rẹ obo ri yoma ejobi kugbe obo re gbare kugbe uyota);

Ẹfesọs 6:14

Mudia koi, vwe uyota na chobiẹ ehun, vwẹ ọghan rẹ ovwata mu arhare,

Urhi Rivẹ 16:20

Uyota, uyota ọvo ovwan nene, rere ovwan vwọ sa dia vwọ riuku rẹ otọ rẹ Ọrovwohwo rẹ Ọghẹnẹ rẹ ovwan kẹ ovwan na.

Filipae 3:1

Ọ rọ ka oba, imoni mẹ, wa ghọghọ vwẹ evun rẹ Ọrovwohwo. Re vwo si emu ọvuọvo na rhe ovwan ghwa bẹn kẹvwẹ nọ-ọ, yẹ ọye ri yovwi kẹ ovwan.

Kolose 4:5

Vwẹ aghwanre nene ihwo rẹ obada yeri we kuẹ ọke fia-a.

1 Tẹsalonaika 4:12

Rere ihwo rẹ obo ada vwo mu ọghọ kẹ ovwan, ovwan vwẹ ẹro so ohwo-o.

1 Timoti 2:2

vwọ kẹ Ivie kugbe ihwo ride, rere avwanre vwo yere akpọ dẹndẹn vẹ ufuoma, yoyovwi vẹ ọghọ vwẹ idjerhe kidjerhe.

1 Timoti 3:11

Eya na me je dia ihwo rẹ use na nabọ we, e ta avwravwra-a, ẹkẹvuọvo e me dia fuefu, ri vwo esegbuyota vwe emu ejobi.

1 Timoti 3:4

Ohwo rọ nabọ suẹn nwevwi rọye, ro yono emo rọye phihọ ọghọ emuo vẹ omaevwokpotọ vwẹ idjerhe kidjerhe;

1 Timoti 4:12

E jẹn ohwo ọvuọvo ni we saka fiki rẹ obo wo vwọ hẹ omotete-e, ẹkẹvuọvo gba vwẹ oma wẹn ru oniru kẹ otu ri segbuyota na vwẹ ota vẹ uruemu, vwẹ ẹguọnọ, vwẹ esegbuyota, vwẹ ẹfuọn.

1 Timoti 5:10

ọ me rha dia aye re se oseri esiri kpahe, ro vwiẹ emọ rọ da ghẹre ayen, rọ ghọ erhorha, rọ hworhẹ awọ rẹ ihwo efuanfon na, rọ dia oehuko kẹ otu rẹ akpọ hẹn, rọ vwẹ oma rọye ru iruo esiri vwẹ idjerhe kidjerhe.

1 Timoti 5:2

eya re ghworo na ru ayen kerẹ iniemọ, uphophẹ eya na kerẹ iniọvo, vwẹ evun ẹfuọn ejobi.

Taitọs 1:8

ẹkẹvuọvo o ru ẹse, ivun rẹ erhuvwu vwerhọ, o se sun oma rọye rọ dia ohwo rẹ ọsoso, fuanfon, dẹndẹn;

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Taitọs 2:2

Gbe jẹ ekpako na ru dẹndẹn re ayen se gbe emu, rẹ udu rẹ ayen djiro, re esegbuyota rayen gan, re ayen vwo ẹguọnọ ro jerhẹriẹ, kugbe odiri.

Taitọs 2:7

Wọ vwẹ oma wẹn ru oniru rẹ iruo esiri vwi kemu kemu ejobi, wọ vwẹ uyono wẹn jọdẹ-ẹ, se uyono wẹn gbe oja.

Taitọs 3:14

Wo mi jẹ ihwo rẹ avwanre wian omamọ rẹ owian rere ayen sa ghẹrẹ omaobọ rẹ ayen, rere ayen je yere fanrhiẹ fanrhiẹ.

Hibru 11:2

Fiki rọye Ọghẹnẹ vwọ jẹ ihwo efuanfon rẹ awanre na reyọ.

Hibru 13:18

Nẹ ẹrhovwo kẹ avwanre, kidie o mu avwanre ẹro nẹ evun rẹ avwanre pha phephẹ, re guọnọ ruẹ emu rẹ ọghọ vwi kemu kemu ejobi.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

1 Pita 4:8

Ọ rọ marho ejobi ovwan vwo ẹguọnọ kẹ ohwohwo, kidie ẹguọnọ rhurhu imwemwu buebu.

2 Pita 3:1

Imoni mẹ, asakiephana ọnana hẹ ọbe rivẹ ri mi si rhe ovwan na, vwẹ ẹbe ivẹ na ke mẹ vwerọ rhariẹ udu rẹ ovwan re wa vwọ karohọ;

1 Jọn 3:18

Emọ na, we vwo ẹguọnọ rẹ unu ọvo-o eyẹ unu ẹrarọ-ọ ẹkẹvuọvo ọ rẹ uruemu kugbe uyota.

1 Jọn 3:3

Kohwo kohwo ro phiẹrohọ ọtiọye ko ru oma rọye fuanfon kirobo rẹ ekpuyovwi rọye fonro.

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

Rutu 3:11

Vwẹ Asakiephana ọmọtẹ mẹ, wọ djẹ oshọ-ọ mi ru obo wọ nọre kẹ wẹ; kidie ihwo rẹ orere mẹ ejobi riẹnre nẹ wẹ omamọ rẹ aye.