Filipae 4:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ufuoma rẹ Ọghẹnẹ ro nẹ ẹruọ ejobi, kọ yọnrọn udu vẹ iroro rẹ ovwan vwi Kristi Jesu.

Filipae 4:7 ပူးပေါင်းရင်းမြစ်များ

Nehemaya 8:10

Etiyin ọ da ta kẹ ayen, Wa yanran, re wa re ivwri re wa da udi re wa rha ghare ẹkẹn kẹ otu ra mrẹ chere kẹ-ẹ, kidie nonẹ na ẹdẹ ọfuanfon kẹ Ọrovwavwanre; wo je ivun miovwo ovwa-an, kidie aghọghọ rẹ Ọrovwohwo ọye hẹ ogangan rẹ ovwan.

ỌBE RẸ JOB 22:21

Wọ vẹ Ọghẹnẹ gba rhọvwe kugbe rere wo se vwo ufuoma, etiyin erhuvwu wan te we obọ.

ỌBE RẸ JOB 34:29

Ọke rọ da fotovwi, kono se bruhwe? Ọke ro de si opharo rọye nu, kono re sa mrẹ, sẹ ẹgborho eyẹ ohwo ọvo?

Une rẹ Ejiro 29:11

E jẹn Ọrovwohwo vwẹ ogangan kẹ ihwo rọye! E jẹn Ọrovwohwo vwẹ ufuoma bruphihọ kẹ ihwo rọye.

Une rẹ Ejiro 85:8

Ju vwe nyo obo re Ọghẹnẹ Ọrovwohwo na cha ta, kidie ọ cha ta ota re ufuoma kẹ ihwo rọye, kẹ ihwo efuanfon rọye, kugbe ayen otu re vwẹ udu rayen ejobi hirhe bro rhe.

Isẹ 2:11

Ọmrẹvughe kọye re cha rhẹrẹ owẹ; ẹruọ kọye ri che sun we.

Isẹ 4:6

Wọ yan jẹ aghwanre vwo-o, kọ cha sẹro wẹ; guọnọ, ko che sun we.

Isẹ 6:22

Wọ da yan, ki sun we; wo de shevwerhẹ, ke rhẹrẹ owẹ, wọ da rha rhọvwọ rhe, ki nene uwe gbe ikun.

Aizaya 26:12

E Ọrovwohwo, wẹ re vwẹ ufuoma mu vwọ kẹ avwanre, wẹ ri ru iruo na ejobi phihọ avwanre obọ.

Aizaya 26:3

Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Aizaya 45:7

Mẹvwẹ re ma orẹmrẹ kugbe ebri, Mẹvwẹ rẹ ma efe mẹvwẹ re ma okpetu, Mẹvwẹ Ọrovwohwo na, rọ ma imu nana ejobi na Ọrovwohwo hẹ Ọmẹna

Aizaya 48:18

E ọ dianẹ ke wọ kerhọn rẹ irhi Mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie,

Aizaya 48:22

O vwo ufuoma-a, eriyin Ọrovwohwo tare, vwọ kẹ ọruimwemwu-u.

Jerimaya 32:16

Me vwọ reyọ ọbe rẹ eshashẹ na vwọ kẹ Barọk ọmọ ri Neraya na nu, me da rẹ Ọrovwohwo, tanẹ:

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.

Ukeri 6:26

Ọrovwohwo sasa opharo rọye kẹ ovwan, rọ kẹ ovwan ufuoma.

Iyẹnrẹ Esiri ri Luk 1:79

ro lo mu ihwo re hẹ ebri kugbe uhoho rẹ ughwu, ro sun avwanre vwẹ idjerhe rẹ ufuoma.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Iyẹnrẹ Esiri ri Jọn 14:27

Ufuoma mi jovwo kẹ ovwan; ufuoma mẹ me vwọ kẹ ovwan; ọ dia obo rẹ akpọ kẹ me kẹ ovwan na-a. We jẹn udu bru ovwa-an, eyẹ we jẹn oshọ mu ovwa-an.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Ọbe ri Pọl si rhe Ihwo ri Rom 1:7

Re vwo rhe ovwan ejobi rẹ evun rẹ ayen vwerhe Ọghẹnẹ vwi Rom, re seri ne rhe dia irherẹn; Ẹserọphẹ vẹ ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Ọbe ri Pọl si rhe Ihwo ri Rom 5:1

Rẹ avwanre vwọ rease fiki rẹ esegbuyota rẹ avwanre nure na, e gbe jẹ avwnare vẹ Ọghẹnẹ rhuẹrẹ kugbe vwẹ oma ri Jesu Kristi Ọrovwavwanre.

Ọbe ri Pọl si rhe Ihwo ri Rom 8:6

Ra vwẹ iroro kpahe ugboma kẹ ughwu, ẹkẹvuọvo ra vwẹ iroro kpahe Erhi hẹ arhọ vẹ ufuoma.

2 Kọrẹnt 10:5

Avwanre guọghọ aphro kugbe eyan ri hirhe phihọ ukọn kẹ erianriẹn rẹ Ọghẹnẹ, rọ da vwẹ iroro kiroro vwo ru ọviẹn re e vwo jẹ ọghọ emuọ kẹ Kristi,

2 Kọrẹnt 13:11

Ọ rọ ka oba, imoni, kẹ ẹdẹfa. Wa rhuẹrẹ idjerhe rẹ ovwan, wa kerhọn rẹ ota mẹ, ovwan ohwohwo ro ohwo, wa dia vwẹ ufuoma, Ọghẹnẹ rẹ ẹguọnọ kugbe ufuoma ko nene ovwan dia.

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Ẹfesọs 3:19

kugbe ra riẹn ẹguọnọ ri Kristi rọ rhonọ erianriẹn, rere wa vwọ sa vọn vẹ ọvọnvọn rẹ Ọghẹnẹ.

Filipae 1:1

Ọbe ri Pọl kugbe Timoti, idibo ri Kristi Jesu, si rhe ihwo efuanfon ejobi vwẹ evun ri Kristi Jesu re hẹ Filipae, vẹ ibishọpu kugbe idikini:

Filipae 1:2

Ẹserọphẹ dia kẹ ovwan kugbe ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi rhe.

Filipae 4:19

Ọghẹnẹ mẹ kọ kẹ ovwan obo rẹ ovwan guọnọ kirobo rẹ efe rọye vwẹ urinrin ri Kristi Jesu epha.

Filipae 4:21

Yere kohwo ọfuanfon kohwo ọfuanfon vwi Kristi Jesu. Imoni na re vẹ ovwẹ gba herọ yere ovwan.

Filipae 4:9

Obo rẹ ovwan yonori rẹ ovwan reyọre rẹ ovwan nyori rẹ ovwan mrẹre vwẹ obọ mẹ, ruo; Ọghẹnẹ rẹ ufuoma kọ vẹ ovwan dia.

Kolose 3:15

We gbe jẹ ufuoma ri Kristi vwọ kẹ udu rẹ ovwan na, fue oseghe, ẹghwọ kugbe ukpokpogho re hẹ udu rẹ ovwan ejobi, fiki rẹ ufuoma na e vwo se ovwan rhe vwọ dia oma ọvo rọye na. Ovwan gba kpẹvwẹ.

2 Tẹsalonaika 3:16

Asakiephana ekpuyovwi rẹ Ọrovwohwo rẹ ufuoma na ọ kẹ ovwan ufuoma kọke kọke vwẹ idjerhe ejobi. Ọrovwohwo nene ovwan ejobi dia.

Hibru 13:20

Asakiephana e gbe jẹ Ọghẹnẹ rẹ ufuoma rọ kpare Ọrovwavwanre Jesu nẹ ughwu rhe, osuigegede rode na, vwẹ ọbara rẹ ọphọ re rara na,

Ọbe ri Jud 1:1

Jud, odibo ri Jesu Kristi, kugbe oniọvo ri Jems ri si ọbe nana rhe ayen otu re seri, re ghare vwẹ obọ Ọghẹnẹ Ọsẹ na ra sẹro hẹrhẹ Jesu Kristi:

Ẹvwọphia 1:4

Mẹvwẹ ri Jọn ri si ọbe nana rhe ishọshi re hẹ Esha: Ẹserọphẹ dia kẹ ovwan kugbe ufuoma nẹ obọ rẹ ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, ji kugbe erhi ighwrẹ re hẹ obaro rẹ ekete na,

Ẹvwọphia 2:17

Ohwo ro vwo erhọn, e jo nyo obo rẹ Erhi na ta kẹ ishọshi na. Ohwo ro phi kparobọ kẹ me vwẹ mana re sinu rhabae na kẹ, ke mẹ vwẹ ubioragha ọfuanfon kẹ, re si odẹ ọkpokpọ phihọ rẹ ohwo ọfa sa riẹ-ẹn jokpa rẹ ohwo ra vwerọ kẹ ọvo.