Filipae 4:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Me je rẹ ovwan rhe, otu mẹ rẹ uyota re me vẹ ayen gbe mu urhekpẹ ọvo na, wa cha eya nana uko, kidie ayen mudia kẹrẹ ovwẹ kpẹkpẹkpẹ vwọ wian owian rẹ iyẹnrẹ esiri na kugbe Klẹmẹnt kugbe ayen otu rẹ iruiruo ri chekọ, re si edẹ rayen phihọ ọbe rẹ arhọ na.

Filipae 4:3 ပူးပေါင်းရင်းမြစ်များ

Une rẹ Ejiro 69:28

Jẹn ephoro odẹ rayen nẹ ọbe rẹ ihwo ekpokpọ na; ẹ jẹn e si odẹ rayen phihọ ohri rẹ evwata-a.

Ẹyano 32:32

Ẹkẹvuọvo asakiephana, ọ da dianẹ wo vwo umwemwu rayen vwo ghovwo ayen ọ rha dia ọtiọye-e, gbe phoro uvwe, Me rẹ wẹ, nẹ ọbe wẹ na ru wo siri na.

Aizaya 4:3

Ohwo ro che chekọ vwi Zayọn rọ da dia Jerusalẹm ke se nẹ Ọfuanfon, kohwo kohwo re keri phihọ arhọ vwi Jerusalẹm,

Izikiẹl 13:9

Obọ mẹ ko mukpahe emraro na re mrẹ emramrẹ rẹ ọphiẹvwe re bọ epha rẹ efian; ayen gbe cha dia ukoko rẹ ihwo mẹ-ẹ, eyẹ e gbi che si ayen phihọ ọbe rẹ uwevwi rẹ Izrẹl na-a, eyẹ ayen gbe vwẹriẹ otọ rẹ Izrẹl na-a. Kẹ ovwan cha riẹn nẹ mẹvwẹ ọyen Ọrovwohwo Ọghẹnẹ na.

Daniẹl 12:1

Ọke yena Maikẹl ko che vrẹn rhe, osun rode na re vwo mu vwẹ enu rẹ ihwo wẹn. Ọke rẹ ukpokpogho ko che te, oghẹre ra je mrẹ dẹvo-o nẹ ọke rẹ ẹgborho na vwọ mama rhiri rhi te ọke na, ẹkẹvuọvo vwẹ ọke yena ihwo wẹn ke che sivwi ayen, kohwo kohwo ra mrẹ odẹ rọye vwẹ ọbe na.

Iyẹnrẹ Esiri ri Luk 10:20

Dede na ovwan ghọghọ vwẹ ọna-a, nẹ irhi na vwẹ oma kpotọ kẹ ovwan; ẹkẹvuọvo wa ghọghọ nẹ e si odẹ rẹ ovwan phihọ odjuvwu.

Ọbe ri Pọl si rhe Ihwo ri Rom 12:1

Imoni mẹ, me rẹ ovwan, rere vwẹ arodọvwẹ rẹ Ọghẹnẹ, ovwan sa vwẹ oma rẹ ovwan ze izobo ọkpokpọ, rọ fọnro ro fo ẹreyọ kẹ Ọghẹnẹ, kọye hẹ ẹga rẹ erhi rẹ ovwan ga.

Ọbe ri Pọl si rhe Ihwo ri Rom 16:12

Yere iruiruo rẹ Ọrovwohwo ejobi, Trifina kugbe Trifosa. Yere Pesis re me guọnọre ro ru iruo gangan vwẹ evun rẹ Ọrovwohwo.

Ọbe ri Pọl si rhe Ihwo ri Rom 16:9

Yere Ubanọs, otu rẹ avwanre vwẹ iruo ri Kristi, kugbe Stakọs re me guọnọre na.

Filipae 1:12

Imoni mẹ, mi je ovwan riẹn nẹ, ukpokpogho rọ phia kẹ vwẹ na o ghine nẹrhẹ iyẹnrẹ esiri na yan hẹ obaro,

Filipae 1:16

Edje rẹ ukuko na ta vwẹ ẹguọnọ, vẹ ẹriẹn nẹ ochọ rẹ iyẹnrẹ esiri na me chọ;

Filipae 1:27

Ọvo na gbe jẹn eyere rẹ ovwan fo kẹ iyẹnrẹ esiri ri Kristi na, kọye owenẹ me rhere rhe mrẹ ovwan eyẹ mi vwo jẹ cha, jẹ uvwe nyo nẹ ovwan mudia gan vwẹ erhi ọvo, vẹ udu ọvo vwọ pharha kuẹgbe vwẹ esegbuyota rẹ iyẹnrẹ esiri na.

Filipae 1:5

vẹ ẹkpẹvwẹ fiki rẹ oma ekuogbe rẹ ovwan vwẹ iyẹnrẹ esiri na nẹ ẹdẹ rẹsosuọ rhi te ọke nana.

Filipae 1:7

O shehọ kẹ vwẹ mi vwo vwo iroro nana kpahe ovwan ejobi, fikiridie ovwan epha ghaghare vwẹ obọ mẹ, kidie ovwan ejobi vẹ ovwẹ ri gbe koko vwo obọ vwẹ ẹserọphẹ na, te evun rẹ uwodi re me epha kugbe ochọ ẹchọ kugbe orugan rẹ iyẹnrẹ esiri na.

Filipae 4:2

Me rẹ Eyudia me rẹ Sintiki rere ayen ivẹ na ku evun gbe vwẹ odẹ rẹ Ọrovwohwo.

Kolose 1:7

Ọtiobo rẹ Epafras odibo ọghaghare na yono ovwan. Omamọ rẹ ohwo kugbe ọyinkọn ri Kristi rẹ uyota vwọ kẹ avwanre;

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Ẹvwọphia 17:8

Eranvwe ru wọ mrẹre jovwo na, rọ gbe herọ na-a, o che yeri nẹ obo orho rẹ igbẹphẹre na rhe kpo oja ri bẹdẹ na; ihwo re dia akpọ na re ji si edẹ rẹ ayen phihọ ọbe rẹ arhọ na nẹ ẹtuọhọ rẹ akpọ na rhe-e, ko gbe ayen unu rẹ ayen da mrẹ eranvwe na, fikiridie ọ herọ jovwo yọ gbe herọ-ọ yọ je cha rhe.

Ẹvwọphia 20:12

Me da mrẹ irivwi, te emọ te ekpako, ri mudia vwẹ obaro rẹ ekete na, e de rhie ẹbe phihọ. E de ji rhie ọbe ọfa, kọye hẹ ọbe rẹ arhọ na. Obo re si phihọ ẹbe na kọye e ni guẹdjọ rẹ irivwi na, kirobo rẹ ayen ruru.

Ẹvwọphia 20:15

a rha mrẹ odẹ rẹ ohwo re siri phihọ ọbe rẹ arhọ na-a, ka kparọ phihọ ẹtẹrhe rẹ erhanre na.

Ẹvwọphia 21:27

Ẹkẹvuọvo obo ri jẹfuọn cha sa vwẹriẹ-ẹ, eyẹ ohwo kohwo ro gbe ẹgua eyẹ ofian, ẹkẹvuọvo jokpa rẹ ayen otu re si phihọ ọbe rẹ arhọ rẹ Omogodẹ na.

Ẹvwọphia 3:5

Ohwo ro phi kparobọ ko ku iwun tiọna phihọ, mi gbi phoro odẹ rọye nẹ ọbe rẹ arhọ na-a; ke me rhọvwe odẹ rọye vwẹ obaro rẹ Ọsẹ mẹ kugbe emakashe rọye.