Filipae 4:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Fiki rẹ eriyin na, imoni mẹ, re me guọnọre rẹ urhuru rẹ ayen si vwe, aghọghọ mẹ kugbe erhu rẹ uvie mẹ, we mudia gan vwẹ evun rẹ Ọrovwohwo, ihwo mẹ rẹ eghaghare.

Filipae 4:1 ပူးပေါင်းရင်းမြစ်များ

ỌBE RẸ JOB 31:36

Uyota ki mie muo kpahe igabọ mẹ, ke muo phihọ kerẹ erhu rẹ ovie,

Une rẹ Ejiro 125:1

Otu re vwẹ ẹro so Ọrovwohwo na ke họhọ Ugbenu ri Zayọn, ro je se ghwie, ẹkẹvuọvo kọ dia rhiri bẹdẹ.

Une rẹ Ejiro 27:14

Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.

Matiu 10:22

Ihwo ke cha jẹ ovwan eghrẹ fiki mẹ; ẹkẹvuọvo ọ ro se chirako ri te oba, kọye re cha rhọ

Iyẹnrẹ Esiri ri Jọn 8:31

Jesu da ta kẹ otu ri Ju ri sere gbuyota, Wo de phi obọ phihọ ota mẹ vwẹ ọ rẹ uyota ovwan ke dia idibo mẹ,

Iruo rẹ Iyinkọn na 11:23

Ọke rọ vwọ rhe rhe mrẹ ẹserọphẹ rẹ Ọghẹnẹ na, oma da vwerhọn; o de bru ayen uche rere ayen nabọ mudia gan vwi iruo rẹ Ọrovwohwo na;

Iruo rẹ Iyinkọn na 14:22

Ayen da ta ejọghwa phihọ udu rẹ idibo na, o de bru ayen uche rere ayen mudia gan vwẹ esegbuyota na, tanẹ, ukpokpogho buebu a cha wanvrẹn nu tavwe rẹ avwanre ke sa ro uvie rẹ Ọghẹnẹ na.

Iruo rẹ Iyinkọn na 2:42

Kọke kọke ayen vwo koko vwẹ uyono rẹ iyinkọn na ayen me re kugbe ayen me nẹ ẹrhovwo kugbe.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

1 Kọrẹnt 15:58

Ọtiọye na, imoni mẹ re ghare, mudia gan, wo yeghe oma-a, dje ebuo-ebuo phihọ vwẹ iruo rẹ Ọrovwohwo, vẹ ẹriẹn nẹ owian re wọ wian kẹ Ọrovwohwo ghwruru-u.

1 Kọrẹnt 16:13

Wa rhẹrẹ, we mndia gan vwẹ esegbuyota rẹ ovwan, we yivwaro, wa gan oma.

2 Kọrẹnt 1:14

Kirobo rọ ro ovwan emerha na, rere ovwan vwọ sa vwẹ avwanre yan eyan kirobo rẹ avwanre je vwẹ ovwan yan eyan, vwẹ ẹdẹ rẹ Ọrovwohwo Jesu da rhe.

Galesha 5:1

Kidie Kristi si avwanre nẹ ọviẹn nure; we gbe mudia gan, wa gbe jẹ oghrọrọ rẹ ọviẹn phihọ ohọre rẹ ovwan ọfa-a.

Filipae 1:27

Ọvo na gbe jẹn eyere rẹ ovwan fo kẹ iyẹnrẹ esiri ri Kristi na, kọye owenẹ me rhere rhe mrẹ ovwan eyẹ mi vwo jẹ cha, jẹ uvwe nyo nẹ ovwan mudia gan vwẹ erhi ọvo, vẹ udu ọvo vwọ pharha kuẹgbe vwẹ esegbuyota rẹ iyẹnrẹ esiri na.

Filipae 1:8

Kidie Ọghẹnẹ hẹ oseri mẹ, obo rẹ urhuru rẹ ovwan ejobi sivwe te vwẹ ẹguọnọ ri Kristi Jesu.

Filipae 2:16

re yọnre ota rẹ arhọ na kokoroko, rere me vwọ yan eyan vwẹ ẹdẹ ri Kristi da rhe nẹ me rha djẹ ugbonẹ mẹ eyẹ wian owian mẹ kufia-a.

Filipae 2:26

kidie urhuru rẹ ovwan ejobi siro hwe, oma ke rha ghwọrọ fikiridie ovwan nyori nẹ ọ mwa ọga.

Kolose 4:12

Epafras, ohwo ọvo vwẹ usun rẹ ovwan na, odibo ri Jesu Kristi nẹ eyere ovwan; kẹdẹ kẹdẹ ọ vwọ nẹ ẹrhovwo kẹ ovwan, rere ovwan se vwo mudia gan vwẹ evun rẹ iruo rẹ Ọghẹnẹ na.

1 Tẹsalonaika 3:13

kọye ovwan vwọ dia fuanfon vwẹ obaro rẹ Ọsẹ na, rere udu rẹ ovwan vwọ ghwaotọ re wa vwọ rease vwẹ ẹdẹ rẹ ẹcha rẹ Ọrovwavwanre Jesu vẹ emakashe rọye.

2 Tẹsalonaika 2:15

Vwẹ ọtiọye na, imoni, we mudia gan, rere we churu obo mu uruemu rẹ avwanre yono ovwan na, ọ rẹ ota rẹ unu eyẹ ọbe re siri.

2 Timoti 2:1

Wẹ, ọmọ mẹ, gba gan oma vwẹ ẹserọphẹ rọ herọ vwẹ evun ri Kristi Jesu,

Hibru 10:23

E gbe jẹn yọnre esegbuyota rẹ iphiẹrohọ rẹ avwanre na gan e phieghe-e, kidie ohwo ro ve ive kẹ avwanre na ohwo rẹ uyota;

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

Hibru 4:14

Rẹ avwanre vwo vwo orherẹn rode na ro yeri vrẹn idjuvwu na, Jesu rẹ Ọmọ rẹ Ọghẹnẹ na, e gbe jẹn avwanre yọnre esegbuyota rẹ avwanre gan.

2 Pita 3:17

Fiki rẹ ọtiọye na, imoni, rẹ ovwan vwọ riẹn ọnana nure na, gba kẹnoma rere oruchọ rẹ ihwo ri jẹ urhi ẹriẹn na vwo jẹ ovwan esio ghwro, rẹ obo rẹ ovwan mudia phihọ na vwo je ghwro kuẹfia.