Filipae 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Mrẹmrẹ mi kere ayen kirobo ri ghwruru fiki rẹ obo rọ rhonọ emu re me vwọ riẹn Kristi Jesu nẹ ọye hẹ Ọrovwovwe. Fiki rọye mi vwo ku emu na ejobi kufia, mi de ni ayen kerẹ isọn, rere mi se vwo Kristi

Filipae 3:8 ပူးပေါင်းရင်းမြစ်များ

1 Ivie 14:10

fiki rẹ ọtiọye na nighe, ke me cha so okpetu phihọ uwevwi ri Jeroboam, ke me nyavwe Jeroboam kọshare kọshare, te ọviẹn te ọmuvwiẹ nẹ Izrẹl na ke me ghwọrọ uwevwi ri Jeroboam kakare, kerẹsiẹ rẹ ohwo a da torhẹ isọn bẹsiẹ rọ vwọ ton re kakare.

Ivie rẹ Ivẹ 9:37

Orivwi ri Jẹzibẹl cha dia kerẹ isọn vwẹ enu rẹ udju vwẹ evun rẹ ubrotọ ri Jẹzril, ohwo ọvuọvo gbe cha sa ta nẹ, Ọnana Jẹzibẹ-ẹl.

ỌBE RẸ JOB 20:7

ọ cha ghwọrọ kufia bẹdẹ kerẹ isọn robọ rọye, ihwo re mrẹrẹ ejobi cha ta nẹ, Kọ rhọ vwo?

Une rẹ Ejiro 126:6

Ohwo rọ viẹ jọ yanran, rọ ghwẹ ubi ra kọn, cha rhe uwevwi vẹ aghọghọ, re ghwa ẹrhẹghẹ ba oma rhe.

Une rẹ Ejiro 73:25

Ono mi vwori vwẹ odjuvwu jokpa wẹ ọvo? O vwo emu ọvuọvo me guọnọ vwẹ akpọ na nọ wẹ-ẹ.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Malakae 2:3

Nighe, me cha ghwọ ku uvwiẹ wẹn, me cha vwẹ isọn ghworo uwe opharo; isọn rẹ ẹkpẹvwẹ wẹn na, ke me djẹ wẹ nu obaro mẹ.

Ukeri 14:30

kaka ohwo ọvuọvo rọye che se te otọ ri mi ve phihọ kẹ ovwan nẹ ovwan dia na-a, jokpa ri Kalẹb ọmọ ri Jefunneh kugbe Joshua rẹ ọmọ ri Nun.

Iyẹnrẹ Esiri ri Luk 1:43

Mavọ o ru wan, rẹ oni rẹ Ọrovwovwe rhi vwo wo vwe?

Iyẹnrẹ Esiri ri Luk 11:20

Ẹkẹvuọvo kẹ ogangan rẹ Ọghẹnẹ me vwọ djẹ idẹbono, yẹ uvie rẹ Ọghẹnẹ bru ovwan rhe nure

Iyẹnrẹ Esiri ri Jọn 14:20

Vwẹ ẹdẹ yena kẹ ovwan riẹn nẹ me hẹ evun rẹ Ọsẹ na, yẹ ovwan hẹ evun mẹ, ye me hẹ evun rẹ ovwan.

Iyẹnrẹ Esiri ri Jọn 14:7

Ọ diane kẹ ovwan riẹn vwẹ jovwo, mane yẹ ovwan riẹn Ọsẹ mẹ rhe; kẹ etinẹ yanran ovwan riẹnrẹ yẹ ovwan je mrẹ re.

Iyẹnrẹ Esiri ri Jọn 16:3

Ayen che ru ọnana fikiridie ayen je riẹn Ọsẹ na vwo, siẹvo kẹ omẹvwẹ-ẹ.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Iyẹnrẹ Esiri ri Jọn 17:8

kidie eta na re wọ vwọ kẹ vwẹ na me vwẹ ayen vwọ kẹ ayen, ayen da reyọ ayen da riẹn vwẹ ọ rẹ uyota nẹ obọ wẹn mi nurhe; ayen de segbuyota nẹ wọwẹ ri ji vwe rhe.

Iyẹnrẹ Esiri ri Jọn 20:13

Ayen da ta kẹ, Aye, die wọ vwọ viẹ? Ọ da ta kẹ ayen, Fikiridie ayen mu Ọrovwovwe reyọ, ye me riẹn asan rẹ ayen muro phihọ-ọ.

Iyẹnrẹ Esiri ri Jọn 20:28

Tọmọs da kpahe kẹ, Ọrovwovwe kugbe Ọghẹnẹ mẹ!

Iruo rẹ Iyinkọn na 20:24

Ẹkẹvuọvo mi se arhọ mẹ gbe emuọvo-o eyẹ kọ ghare kẹ oma mẹ-ẹ, ọ da dianẹ me sa yan oyan mẹ na kugbe odibo egbo re me reyọ miẹ Ọrovwohwo Jesu, re mi vwo se oseri kẹ iyẹnrẹ esiri rẹ ẹserọphẹ rẹ Ọghẹnẹ.

Ọbe ri Pọl si rhe Ihwo ri Rom 8:18

Mi rori nẹ a sa vwẹ oja rẹ ọke nana dje urinrin ra cha vwọ phia vwẹ oma rẹ avwanre-e.

Ọbe ri Pọl si rhe Ihwo ri Rom 8:39

eyẹ enuẹra, eyẹ ukokodo, eyẹrẹ emu ọfa vwẹ evun rẹ emama na ejobi, sa hẹriẹ avwanre nẹ ẹguọnọ rẹ Ọghẹnẹ vwi Kristi Jesu Ọrovwavwanre-e.

1 Kọrẹnt 2:2

Kidie mi veri nẹ me riẹn emuọvo vwẹ ohri rẹ ovwa-an jokpa ri Jesu Kristi kugbe ọ ra kanre mu agbagba na.

1 Kọrẹnt 9:10

Ọ dia fiki rẹ avwanre ejobi ọ vwọ ta na? E siro fiki rẹ avwanre, rere ohwo ro voro vwo voro vwẹ iphiẹrohọ rere ohwo ro chiyẹ vwo chiyi vẹ iphiẹrohọ nẹ ọye je re vwẹ emamọ na.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

Galesha 1:16

o de je nẹ ọye vwẹ Ọmọ rọye na phia kẹ vwẹ, rere me vwọ mrasan ghwoghwo vwẹ ohri ri Keferi me ka nọ vwẹ obọ re ohwo tavwe-e,

Ẹfesọs 4:13

bẹsiẹ rẹ avwanre ejobi che vwo te okugbe rẹ esegbuyota na, kugbe erianriẹn rẹ Ọmọ rẹ Ọghẹnẹ na, rhi te omiragua, vwẹ evun rẹ ọvọnvọn rẹ ọrho rẹ Kristi.

Filipae 1:1

Ọbe ri Pọl kugbe Timoti, idibo ri Kristi Jesu, si rhe ihwo efuanfon ejobi vwẹ evun ri Kristi Jesu re hẹ Filipae, vẹ ibishọpu kugbe idikini:

Filipae 3:10

rere me vwọ riẹn vẹ ogangan rẹ evrẹnushi rọye, rere me je ghare ẹkẹn reyọ vwẹ oja rọye, re me vwọ họhọ vwẹ evun rẹ ughwu rọye,

Filipae 3:12

Ọ dianẹ mi vwo ọnana nure-e eyẹ ke me ghwa fon nure-e; ẹkẹvuọvo me pharha kpo obaro rere mi vwo ru ọmẹ, fikiridie Kristi Jesu vwẹ ovwẹ ru ọrọye nure.

Filipae 3:7

Ẹkẹvuọvo emu na ejobi re dia erere kẹ vwẹ jovwo na mi kẹre ayen kirobo ri ghwruru fiki ri Kristi.

2 Timoti 4:6

Kidie kẹ emerha ra cha vwọ vwo ovwẹ ze izobo; ọke rẹ ukpo mẹ o rere.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

1 Pita 2:7

Vwẹ kẹ ovwan ri seregbuyota, ọ epha ghaghare, ẹkẹvuọvo vwọ kẹ otu ri seregbuyota-a, Oragha na kpekpe rẹ ebọn ebabọn senre o rhi hirhe phihọ ọ ro vwo uyovwi vwẹ ubienyẹ

2 Pita 1:2

E jẹn ẹserọphẹ kugbe ufuoma buphihọ kẹ ovwan vwẹ evun rẹ erianriẹn rẹ Ọghẹnẹ kugbe Jesu Ọrovwavwanre.

2 Pita 1:3

Ogangan rọye kẹ avwanre emu ejobi ro fori kẹ arhọ vẹ ẹfuọn, vwẹ oma rẹ erianriẹn rẹ ohwo ro se avwanre rhe urinrin rọye kugbe erhuvwu rọye.

2 Pita 1:8

Kidie emu nana da dia ewẹn ri de bu, ke djẹ wẹ ephieghe vwẹ evun rẹ erianriẹn rẹ Ọrovwavwanre Jesu Kristi.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

1 Jọn 1:3

rẹ avwanre mrẹre rẹ avwanre nyori kọye avwanre ghwoghwo kẹ ovwan na, rere avwanre vẹ ovwan vẹ ovwan vwo okugbe ọvo; okugbe rẹ avwanre ọ hẹ obọ rẹ Ọsẹ na kugbe Ọmọ rọye Jesu Kristi.

1 Jọn 2:19

Uherevie rẹ avwanre na ayen nu yanran, ẹkẹvuọvo ayen dia ẹvo vwẹ usun rẹ avwanre-e; ọ dianẹ usun rẹ avwanre ayen epha nọ, manẹ ayen djẹ jẹ avwanre vwo-o; ẹkẹvuọvo ayen yanran re, kọye djere phia nẹ ayen ghine dia ẹvo vwẹ usun rẹ avwanre-e.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.