Filipae 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọ rọ ka oba, imoni mẹ, wa ghọghọ vwẹ evun rẹ Ọrovwohwo. Re vwo si emu ọvuọvo na rhe ovwan ghwa bẹn kẹvwẹ nọ-ọ, yẹ ọye ri yovwi kẹ ovwan.

Filipae 3:1 ပူးပေါင်းရင်းမြစ်များ

1 Ikun rẹ Ivie 15:28

Ọye Izrẹl ejobi da reyọ ekpeti rẹ ọphọ rẹ Ọrovwohwo na rhe vẹ edo rẹ owanre vẹ ekpagha une rọ ganre ra vwẹ isorogun vẹ akpata hworo.

1 Ikun rẹ Ivie 16:10

Vwẹ urinrin kẹ odẹ ọfuanfon rọye; jẹn udu re guọnọ Ọrovwohwo ghọghọ!

1 Ikun rẹ Ivie 29:22

ayen da re ayen da da vwẹ obaro rẹ Ọrovwohwo vwẹ ẹdẹ yena vẹ omavwerhe. Ayen da vwi Solomọn rẹ ọmọ ri Devid mu ovie vwẹ obọ rivẹ, ayen da vwẹ evwri ghworo uyovwi kerẹ ọmọ rẹ ovie kẹ Ọrovwohwo, Zadọk ke rha orherẹn.

Nehemaya 8:10

Etiyin ọ da ta kẹ ayen, Wa yanran, re wa re ivwri re wa da udi re wa rha ghare ẹkẹn kẹ otu ra mrẹ chere kẹ-ẹ, kidie nonẹ na ẹdẹ ọfuanfon kẹ Ọrovwavwanre; wo je ivun miovwo ovwa-an, kidie aghọghọ rẹ Ọrovwohwo ọye hẹ ogangan rẹ ovwan.

ỌBE RẸ JOB 22:26

etiyin oma kọ vwerhẹ owẹ vwẹ evun rẹ Ọrovwoẹgba, kọ kpare opharo wẹn ra mrẹ Ọghẹnẹ.

Une rẹ Ejiro 149:2

Jẹn Izrẹl ghọghọ vwẹ oma rẹ ọ rọ Mamerọ, jẹn emọ ri Zayọn ghọghọ vwẹ Ovie rayen!

Une rẹ Ejiro 32:11

Ghọghọ vwẹ evun rẹ Ọrovwohwo, ghọghọ, E evwata, kperi ukperi rẹ aghọghọ, ovwan ejobi ri vwo udu ọsoso!

Une rẹ Ejiro 33:1

Ghọghọ vwẹ evun rẹ Ọrovwohwo, E ovwan evwata! Ejiro fo kẹ ihwo rẹ ọsoso.

Une rẹ Ejiro 37:4

Jẹn oma rẹ Ọrovwohwo vwerhe owẹ kọ vwẹ obo rẹ udu wẹn guọnọre kẹ wẹ.

Une rẹ Ejiro 42:4

Imu nana me karophihọ, re vwọ họrhọ ne ẹnwẹ mẹ cha, obo re me ve ogbotu na vwọ yan Me da vwe ayen tere usun kpo uwevwi rẹ Ọghẹnẹ, ve ekpere rẹ aghọghọ kugbe ine re ẹkpẹvwẹ, obibinagba re ihwo re re orẹ.

Une rẹ Ejiro 5:11

Ẹkẹvuọvo gbe jẹ ihwo ri si oma nu vwẹ owẹ ghọghọ, jẹn ayen so ine rẹ aghọghọ; biko gba chọ ochọ rayen, rere ihwo re guọnọ odẹ wẹn mrasan vwo omavwerhe vwẹ oma wẹn.

Une rẹ Ejiro 97:1

Ọrovwohwo na ria uvie, jẹn akpọ na ghọghọ, jẹn erhuru na ejobi ghọghọ!

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 65:14

nighere, idibo Mẹ cha so ine fiki rẹ aghọghọ rọ hẹ udu rayen ẹkẹvuọvo wọ che kperi fiki rẹ ọdjadja rọ he udu wẹn, wo che beroma fiki rẹ ọdjarhe re erhi wẹn.

Joẹl 2:23

Ghọghọ, E emọ ri Zayọn, re oma vwerhe owẹ vwẹ evun rẹ Ọrovwohwo, Ọghẹnẹ wẹn; kidie ọ rhọ osio rẹ ẹsosuọ kẹ wẹ ro vwo mu we ẹro, ọ rhọ osio buebu phihọ otọ kẹ wẹ, rẹ osio rẹsosuọ rẹ osio rẹ ure, kirobo ri jovwo.

Zẹfanaya 3:14

Van sọ une, E ọmọte ri Zayọn; kperi, E Izrẹl! Ghọghọ re wọ vwẹ udu wẹn ejobi mu oma kpenu, E ọmọtẹ ri Jerusalẹm!

Zẹfanaya 3:17

Ọrovwohwo na Ọghẹnẹ wẹn, ọ hẹ uherevie wẹn, ọgba rẹ ofovwi rọ kẹ ohwo obọẹkparọ, kọ ghọghọ aghọghọ riarie owe phihọ, kọ vwẹ ẹguọnọ rọye ru we phihọ ọkpọkpọ, kọ sọ une rẹ aghọghọ riariẹ owẹ phihọ

Zekaraya 10:7

Etiyin re Ifrem kọ cha họhọ ọgbọfovwi rode, udu rayen cha ghọghọ kerẹsiẹ ra mrẹ nẹ ayen da wain. Emọ rayen da mrẹ, oma kọ vwerhe ayen, udu rayen ke ghọghọ vwẹ evun rẹ Ọrovwohwo na .

Matiu 5:12

Ghọghọ re oma vwerhe ovwan, kidie osa rẹ ovwan pha rhuarho vwẹ obo odjuvwu; kidie ọtiọye e ke kpokpo otu rẹ emraro re karo kẹ ovwan.

Iyẹnrẹ Esiri ri Luk 1:47

Ẹnwẹ mẹ ghọghọre vwẹ oma rẹ Ọghẹnẹ Osivwi mẹ.

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

2 Kọrẹnt 13:11

Ọ rọ ka oba, imoni, kẹ ẹdẹfa. Wa rhuẹrẹ idjerhe rẹ ovwan, wa kerhọn rẹ ota mẹ, ovwan ohwohwo ro ohwo, wa dia vwẹ ufuoma, Ọghẹnẹ rẹ ẹguọnọ kugbe ufuoma ko nene ovwan dia.

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

Urhi Rivẹ 12:18

Ẹkẹvuọvo wọ Me re ayen vwẹ obaro Ọrovwohwo Ọghẹnẹ wẹn na vwẹ asan rọ sanọre, wẹ te ọmọ wẹn rẹ ọshare, te ọmọ wẹn rẹ aye, te odibo wẹn re ọshare, te odibo wẹn rẹ aye, kugbe Livae rọ hẹ orho wẹn; wa Me ghọghọ vwẹ obaro rẹ Ọrovwohwo Ọghẹnẹ wẹn na vwẹ emu ru wo ruẹ ejobi.

Urhi Rivẹ 16:11

wọ Me ghọghọ vwẹ obaro rẹ Ọrovwohwo rẹ Ọghẹnẹ, wọwẹ vẹ ọmọ wẹn rẹ ọshare vẹ ọmọ wẹn rẹ aye, te odibo wẹn rẹ ọshare vẹ odibo wẹn rẹ aye, kugbe ohwo rẹ Livae rọ hẹ orere wẹn, te ọrhorha, vẹ ọmọphrorivwi, vẹ ayeuku rọ uherevie rẹ ovwan na, vwẹ asan rẹ Ọrovwohwo Ọghẹnẹ wẹn sanọre, nẹ odẹ rọye dia na.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Filipae 4:4

Ghọghọ vwẹ evun rẹ Ọrovwohwo kẹdẹ kẹdẹ; me rhoma ta, Ghọghọ.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

1 Tẹsalonaika 4:1

Ọ ra ka oba, imoni avwanre rẹ ovwan bru ovwan uche vwẹ evun rẹ Ọrovwohwo Jesu, nẹ kirobo rẹ ovwan yono miẹ avwanre vwọ kpahe obo rẹ ovwan yeri re we vwo se ru obo ri je Ọghẹnẹ, kirobo rẹ ovwan ruẹ na, we gbe ru ọtiọye phihọ.

1 Tẹsalonaika 5:16

Ghọghọ kọke kọke.

Jems 1:2

Imoni mẹ, ovwan ghọghọ, vwẹ ọke rẹ ọdavwini de te ovwan oma;

1 Pita 3:8

Ọ rọ ka oba, ovwan ejobi, ku evun gbe vwẹ erhi, re ehrọre, guọnọ imoni na, vwo udu ọlọlọhọ-kugbe udu dẹndẹn.

1 Pita 4:13

Ẹkẹvuọvo ghọghọ ra vwọ mrẹ nẹ wọ je re vwẹ ekẹn oja ri Kristi, rere ovwan sa vwọ ghọghọ re oma vwerhe ovwan vwẹ ọke rẹ urinrin rọye da cha phia.

2 Pita 3:1

Imoni mẹ, asakiephana ọnana hẹ ọbe rivẹ ri mi si rhe ovwan na, vwẹ ẹbe ivẹ na ke mẹ vwerọ rhariẹ udu rẹ ovwan re wa vwọ karohọ;

1 Samuẹl 2:1

Hanah da je nẹ ẹrhovwo, ọ da ta, Udu mẹ ghọghọre vwẹ evun rẹ Ọrovwohwo; ogangan mẹ kpare kpenu vwẹ evun rẹ Ọrovwohwo. Unu mẹ kọ vwẹ ivwighrẹn mẹ jehwẹ, kidie me ghọghọre vwẹ evun rẹ esivwo wẹn.