Filipae 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kọye Ọghẹnẹ vwọ kparọ kpenu gangan o de mu odẹ ro kpenu nọ odẹ kodẹ kẹ,

Filipae 2:9 ပူးပေါင်းရင်းမြစ်များ

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Une rẹ Ejiro 110:1

Ọrovwohwo ta kẹ ọrovwovwe nẹ; Tidia vwẹ obọrhe mẹ, bẹsiẹ me vwọ vwẹ ivwighrẹ wẹn hwa otọ kẹ wẹ chiyi.

Une rẹ Ejiro 110:5

Ọrovwohwo ọ he obọrhe wẹn; o che geri ivie she vwẹ ẹdẹ rẹ ophu rọye na.

Une rẹ Ejiro 89:27

Ki mi vwo ru ọmọkpako, ovie ro me kpenu vwẹ akpọ na.

Une rẹ Ejiro 91:14

Fikiridie o churu mu vwe vwẹ ẹguọnọ, ki mi sivwo, Ke me chochọ rọye, kidie ọ riẹn odẹ mẹ

Aizaya 52:13

Nighe, odibo Mẹ ko che yovwi, ke muo kpenu phelephele, ko kpenu gangan.

Aizaya 53:12

Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Iyẹnrẹ Esiri ri Luk 10:22

Ọsẹ mẹ vwẹ emu na ejobi kẹ vwẹ; yẹ ohwo ọvuọvo riẹn ọmọ na-a jokpa rẹ Ọsẹ na, eyẹ ohwo ọvuọvo riẹn Ọsẹ na-a jokpa rẹ ọmọ na kugbe ohwo rẹ ọmọ na vwe rọ phia kẹ.

Iyẹnrẹ Esiri ri Jọn 13:3

ri Jesu vwọ riẹn nẹ Ọsẹ na phi emu na ejobi phihọ obọ nure, nẹ obọ rẹ Ọghẹnẹ o nurhe nẹ obọ rẹ Ọghẹnẹ ọye ra na,

Iyẹnrẹ Esiri ri Jọn 17:11

Asakiephana me gbe hẹ akpọ na ọfa-a, ẹkẹvuọvo ayen hẹ evun rẹ akpọ na, mi bru uwe cha. Ọsẹ Ọfuanfon, sẹro rayen vwẹ odẹ wẹn ru wọ vwọ kẹ ovwẹ, rere ayen sa vwọ dia ọvo, mrẹmrẹ kirobo rẹ avwanre hẹ ọvo na.

Iyẹnrẹ Esiri ri Jọn 17:12

Ọke re me vẹ ayen vwọ hẹro na, me sẹro rẹ ayen vwẹ odẹ wẹn re wọ vwọ kẹ vwẹ na; me rhẹrẹ ayen, ọvuọvo rẹ ayen ghwruru-u ẹkẹvuọvo ọmọ rẹ ughwru na, rere ọbe ọfuanfon na vwọ gba.

Iyẹnrẹ Esiri ri Jọn 17:5

vwẹ asakiephana, Ọsẹ, gba vwẹ oma wẹn ọvo wan vwẹ urinrin kẹ vwẹ vẹ urinrin ri mi vwori vwẹ obaro wẹn tavwẹ rẹ a ke ma akpọ na.

Iruo rẹ Iyinkọn na 5:31

Ọghẹnẹ da kparo kpenu phihọ obọrhe rọye rere ọ dia Osun kugbe Osivwi, vwọ kẹ Izrẹl fiki rẹ ekuorhẹriẹ kugbe evwoghovwo rẹ imwemwu.

Ẹfesọs 1:10

Iroro kpahe ẹgba rẹ ọke na, ro che vwo kue emu na ejobi gbe vwẹ oma rọye, emu rẹ odjuvwu kugbe emu rẹ akpọ na.

Kolose 1:18

Ọye hẹ uyovwi rẹ oma na, kọye hẹ ishoshi na; ọye hẹ ẹtuọhọ, ọye hẹ ọmọ ọkpako ro ke vrẹn nẹ ughwu rhe, rere ekpuyovwi rọye ọvo vwọ dia ọ ro me kpenu vwẹ enu rẹ emu na ejobi.

2 Tẹsalonaika 1:12

Rere e vwo se jiri odẹ rẹ Ọrovwavware Jesu vwẹ evun rẹ ovwan, ra rha wan oma rẹ ovwan jiro, kirobo rẹ ẹserọphẹ rẹ Ọghẹnẹ rẹ avwanre epha kugbe Ọrovwohwo Jesu Kristi.

Hibru 1:4

Ọ da rhe wan oma rẹ ọtiọye na yovwi nọ emakashe na kidie odẹ ro rere na yovwi nọ ọ rayen.

Hibru 1:9

Ọvwata wọ guọnọ ozighi tu we oma; kọye Ọghẹnẹ, Ọghẹnẹ wẹn na, vwọ vwẹ evwri te we evwri rẹ aghọghọ ru wọ vwọ rho nọ otu wẹn.

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

Hibru 2:9

Ẹkẹvuọvo avwanre mrẹ Jesu, ra mare kpotọ emerha nọ emakashe na, ra vwẹ urinrin vẹ ọghọ tughẹ fiki rẹ oja rẹ ughwu, ọtiọye na vwẹ oma rẹ ẹserọphẹ rẹ Ọghẹnẹ ọ sa vwọ davwe ughwu kẹ ohwo kohwo.

1 Pita 3:22

ro kpo obo odjuvwu ro de tidia obọrhe rẹ Ọghẹnẹ, vẹ emakashe, otu ri suẹn kugbe ogangan ejobi da vwẹ oma kpotọ kẹ.

2 Pita 1:17

Kidie ọke rọ vwọ reyọ ọghọ kugbe urinrin mie Ọghẹnẹ Ọsẹ na kugbe ọke rẹ urhuru rẹ ọ ro vwo Ọrho kugbe Urinrin na vwọ dia oseri nẹ, Ọnana hẹ Ọmọ mẹ ro je vwe rẹ ivun rọye vwerhovwẹ,

3 Jọn 1:7

Kidie fiki rọye ayen vwọ yan oyan na ayen rhọvwere nẹ otu ri keferi na kẹ ayen emuọvo-o.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 19:16

E de si odẹ tamu ewun rọye kugbe ekpoghowọ rọye, Ovie rẹ ivie kugbe Ọrovwohwo ro vwo ihwo.

Ẹvwọphia 3:21

Ohwo ro phi kparobọ, ke me kẹ ogangan ro vwo tidia ekete mẹ, kirobo ri mi phi kparobọ na re me vẹ Ọsẹ me de tidia ekete rọye na.

Ẹvwọphia 5:12

re ta vẹ urhuru ọgangan nẹ, Omogodẹ re hweri na ọye fori, rọ reyọ ogangan kugbe efe kugbe aghwanre kugbe ẹgba kugbe ọghọ kugbe urinrin kugbe ebruba!