Filipae 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ dede nẹ, Ọghẹnẹ ọ họhọre, yọ vwẹ oma vwanvwe Ọghẹnẹ-ẹ,

Filipae 2:6 ပူးပေါင်းရင်းမြစ်များ

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Aizaya 8:8

kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Zekaraya 13:7

Vrẹn, E ọlọkọ, vwọ kpahe osuigegede Mẹ, vwọ kpahe ohwo ro mudia kere ovwẹ na, Ọrovwohwo rẹ otuofovwi tare . Nyavwe osuigegede na, rere vwọ mrasan hra, Me cha rhẹriẹ obọ mẹ kpahe emọ rẹ igegede na.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Iyẹnrẹ Esiri ri Jọn 1:18

Ohwo ọvuọvo je mrẹ Ọghẹnẹ na dẹvo-o; Ọmọ ọvuọvo na, rọ hẹ agada rẹ Ọsẹ na, ọye re nẹrhẹ a riẹn.

Iyẹnrẹ Esiri ri Jọn 10:30

Mẹvwẹ vẹ Ọsẹ mẹ ọvuọvo.

Iyẹnrẹ Esiri ri Jọn 10:33

Ihwo ri Ju na da kpahe kẹ, Avwanre vwi fiki rẹ iruo esiri phi wee; ẹkẹvuọvo fiki rẹ avwavwe; fikiridie wẹ, rẹ ohwo ghevweghe, vwẹ oma wẹn ruẹ Ọghẹnẹ

Iyẹnrẹ Esiri ri Jọn 10:38

ẹkẹvuọvo mi de ru ayen, dede na nẹ we se vwe gbuyota-a, gbe se iruo na gbuyota, rere ovwan riẹn re ọ ro ovwan nẹ Ọsẹ hẹ evun mẹ nẹ mi he evun rẹ Ọsẹ na.

Iyẹnrẹ Esiri ri Jọn 14:28

Wẹ nyo obo re me ta kẹ ovwan, me yanran, mi ji che bru ovwan rhe. Wọ da guọnọ ovwẹ, mane kẹ ovwan a ghọghọ, fikiridie mi bru Ọsẹ na ra; kidiẹ Ọsẹ na rhonọ ovwẹ.

Iyẹnrẹ Esiri ri Jọn 14:9

Jesu da ta kẹ, Ede obo re me vẹ owẹ diarọ krite na, da je wọ riẹn vwẹ Filip? Ọ rọ mrẹ vwẹ nu jọ mrẹ Ọsẹ na re; Komavọ wọ vwọ tanẹ, Djẹ Ọsẹ na kẹ avwanre?

Iyẹnrẹ Esiri ri Jọn 17:5

vwẹ asakiephana, Ọsẹ, gba vwẹ oma wẹn ọvo wan vwẹ urinrin kẹ vwẹ vẹ urinrin ri mi vwori vwẹ obaro wẹn tavwẹ rẹ a ke ma akpọ na.

Iyẹnrẹ Esiri ri Jọn 20:28

Tọmọs da kpahe kẹ, Ọrovwovwe kugbe Ọghẹnẹ mẹ!

Iyẹnrẹ Esiri ri Jọn 5:18

Kọye sorọ rẹ ihwo ri Ju na vwọ rhoma guọnọ hwe, fikiridie ọ dia urhi rẹ ẹdidjala ọvo ọ chọre-e, ẹkẹvuọvo o ji se Ọghẹnẹ Ọsẹ rọye, ọ vwẹ oma rọye vwavwẹ Ọghẹnẹ.

Iyẹnrẹ Esiri ri Jọn 5:23

rere ayen ejobi vwo mu ọghọ kẹ Ọmọ na, kirobo rẹ ayen ji mu ọghọ kẹ Ọsẹ na. Ohwo ro rhe mu ọghọ kẹ Ọmọ na-a yo ji mu ọghọ kẹ Ọsẹ na ro jiro rhe-e.

Ọbe ri Pọl si rhe Ihwo ri Rom 9:5

ayen a vwẹ esẹ ride na kẹ, uvwiẹ rayen, vwẹ ọ rẹ ugboma, kọye Kristi nurhe. Ọghẹnẹ rọ hẹ enu rẹ ayen ejobi ọye ebruba kẹ bẹdẹ. Isẹ.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

2 Kọrẹnt 8:9

Kidie ovwan riẹn ẹserọphẹ rẹ Ọrovwavwanre Jesu Kristi na nẹ, dede nẹ obo ro fe te na, yẹ fiki rẹ avwanre ọ da rhe dia ogbere, rere vwẹ oma rẹ ogbere roye avwanre vwọ mrasan fe.

1 Timoti 1:17

Asakiephana vwọ kẹ ovie ri bẹdẹ, ro jeghwo, re jẹmrẹ, Ọghẹnẹ ọvuọvo kpoi, ọye a vwẹ ọghọ vẹ urinrin kẹ rhiri bẹdẹ. Isẹ.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Hibru 1:3

Ọye hẹ elo rọ họhọ urinrin rọye rọ họhọ Ọghẹnẹ vwẹ erhuvwn rọye dẹn, ọ da reyọ ota rẹ ogangan rọye vwọ yọnre akpọ na. Ọke rọ vwọ hworhẹ imwemwu nu, o de tidia obọrhe rẹ Ọrho vwẹ obenu.

Hibru 1:6

Ọfa, ọke ro vwo vwiẹ ọmọkpako rọye phihọ akpọ na nu, Ọ da ta, E jẹn emakashe rẹ Ọghẹnẹ ejobi ga.

Hibru 1:8

Ẹkẹvuọvo vwọ kpahe Ọmọ na ọ da ta, Ekete wẹn, E Ọghẹnẹ, ọ dia bẹdẹ bẹdẹ, ọkpọ rẹ ovwata na ọye hẹ ọkpọ rẹ uvie wẹn.

Hibru 13:8

Obo ri Jesu epha vwẹ odẹ ro kpori na eriyin ọ epha nonẹ na eriyin ọ je cha dia bẹdẹ.

Ẹvwọphia 21:6

Ọ da ta kẹ vwẹ, Ọ rere! Mẹvwẹ Ẹsosuọ kugbe Oba, ẹtuọhọ kugbe ure. Ke me vwẹ ame rẹ ọphẹ ri mi vo nẹ ogbugbu rẹ arhọ na kẹ ohwo kohwo rẹ urhuru rẹ ame hwe.