Filipae 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Gbe vwo iroro na vwẹ ohri rẹ ovwan, rẹ ovwan ji vwo vwẹ evun ri Kristi Jesu,

Filipae 2:5 ပူးပေါင်းရင်းမြစ်များ

Matiu 11:29

Mu urhekpe mẹ ghwa re wo yono uruemu mẹ; kidie me pha vworovworo fuefu vwẹ udu mẹ, kẹ wo mrẹ ufuoma vwọ kẹ erhi wẹn.

Iyẹnrẹ Esiri ri Luk 22:27

Kidie ọrhọ re ma rho, ohwo ro tidia imẹjẹ, eyẹ ọ ro gbe odibo? Ọ dia ọ ro tidia imẹjẹ-ẹ? Ẹkẹvuọvo me hẹ ohri rẹ ovwan kerẹ ohwo ro odibo.

Iruo rẹ Iyinkọn na 10:38

Obo rẹ Ọghẹnẹ vwọ vwẹ evwri ghworo Jesu ri Nazarẹt vwẹ Erhi Ọfuanfon kugbe ogangan obo ro yanrhe yankpo ro ruẹ emu esiri jo sivwi ihwo ejobi rẹ idẹbono shenyẹ, kidie Ọghẹnẹ vẹ ọye herọ.

Iruo rẹ Iyinkọn na 20:35

Vwẹ evun rẹ emu na ejobi mi vwo dje kẹ ovwan nẹ owian ọtiọye na a sa vwọ cha otu rẹ evwiẹrẹ uko, je me karohọ eta rẹ Ọrovwohwo Jesu, obo rọ tare nẹ, Ẹrhovwo herọ kẹ ọkokẹ nọ ohwo ra kẹ.

Ọbe ri Pọl si rhe Ihwo ri Rom 14:15

Ọ da dianẹ fiki rẹ emuọre kọye wo vwo gbe oniọvo wẹn ẹgua, yi wo gbi nẹne urhi rẹ ẹguọnọ na-a. Wọ rha vwẹ fiki rẹ emuọre hwe ohwo ri Kristi vwẹ fiki rọye ghwu-u.

Ọbe ri Pọl si rhe Ihwo ri Rom 15:3

Kidie Kristi guọnọ erhuvwu rẹ oma rọye-e; ẹkẹvuọvo, kirobo re siro, ekan ra harhe ovwan ejobi uyovwi mẹ i she phihọ.

Ọbe ri Pọl si rhe Ihwo ri Rom 15:5

Asakiephana Ọghẹnẹ rẹ erhiori kugbe uchebro ru ovwan vwọ dia evun ọvo, vwẹ oma ri Jesu Kristi,

1 Kọrẹnt 10:33

Ọtiobo re me pharha ri mi vwo je ihwo ejobi vwi kemu kemu ri mi ruẹ na, ọ dianẹ kẹ erhuvwu mẹ me guọnọ-ọ, ẹkẹuọvo ọ rẹ ihwo buebu, rere e vwo se sivwi ayen.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Filipae 1:1

Ọbe ri Pọl kugbe Timoti, idibo ri Kristi Jesu, si rhe ihwo efuanfon ejobi vwẹ evun ri Kristi Jesu re hẹ Filipae, vẹ ibishọpu kugbe idikini:

1 Pita 2:21

Kidie ọna e se ovwan rhe, fikiridie Kristi re-oja kẹ ovwan, re ovwan vwo no ru, rere ovwan vwẹ ẹro kere.

1 Pita 4:1

Ri Kristi vwọ reoja vwẹ ugboma nure na, gba vwẹ iroro ọvuọvo yena choma, kidie kohwo kohwo rọ reoja vwẹ ugboma nure yọ vabọ rẹ imwemwu,

1 Jọn 2:6

ohwo rọ tare nẹ ọye hẹ evun rọye kọ yan kirobo rẹ ekpuyovwi rọye yanre.