Filipae 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

Filipae 2:3 ပူးပေါင်းရင်းမြစ်များ

Isẹ 13:10

Eheri ọye ohwo ro jẹ ẹme enyo vwọ sua ofovwi, ẹkẹvuọvo aghwanre vẹ ihwo re reyọ uchebro gba dia.

Iyẹnrẹ Esiri ri Luk 18:14

Me ta kẹ wẹ, ohwo na re ase kpo uwevwi rọye nọ ọ ro chekọ na; kidie kohwo kohwo ro mu oma rọye kpenu ke vwo kpotọ, ẹkẹvuọvo ọ rọ vwẹ oma rọye kpotọ ke vwo kpenu.

Ọbe ri Pọl si rhe Ihwo ri Rom 12:10

Wa guọnọ ohwohwo vẹ omamọ rẹ ẹguọnọ; we sivwi oseghe rẹ ọghọemuo.

Ọbe ri Pọl si rhe Ihwo ri Rom 13:13

E gbe jẹn avwanre vwẹ oma kpotọ yan vwẹ uvo koko na, ọ dia o rẹ emu ẹriọ kugbe udi-ẹda-a, ọ dia ophiẹvwe kugbe ozighi-i, ọ dia ohọre kugbe omaeriọ-ọ.

Ọbe ri Pọl si rhe Ihwo ri Rom 2:8

Ẹkẹvuọvo vwọ kẹ ihwo re guọnọ ohẹriẹ re vwẹ ọghọ kẹ uyota na-a, ẹkẹvuọvo ri mu ọghọ kẹ evun umwemwu, ke mrẹ ivun emiovwo vẹ ophu.

1 Kọrẹnt 15:9

Kidie mẹvwẹ hẹ ọyinkọn rẹ ọkuko, ro fori re se ọyinkọ-ọn, kidie mi mu kpahe ishọshi rẹ Ọghẹnẹ.

1 Kọrẹnt 3:3

Kidie yẹ ovwan je hẹ ugboma. Kidie rẹ omaẹriọ vẹ oseghe vwọ hẹ ohri rẹ ovwan na, ovwan rha dia ọ rẹ ugboma, ri yerẹ zighi zighi kerẹ ihwo diodi?

2 Kọrẹnt 12:20

Oshọ mu uvwe nẹ ọkeọvo me da rhe me cha mrẹ ovwan kirobo re me guọnọre-e, yẹ ovwan je cha mrẹ vwẹ kirobo rẹ ovwan guọnọre-e; ọkeọvo yẹ ẹghwọ herọ, omaẹriọ, ophu, urhuru, ophọphọvwe, iguegu, omaephuo, kugbe ọyangha.

Galesha 5:15

Ẹkẹvuọvo ọ da dianẹ ovwan ke rhọvwa, ke ria omoma rẹ ovwan ovwan gba riẹn nẹ ovwan cha ghwọrọ omoma rẹ ovwan.

Galesha 5:26

E jẹn avwanre ta nẹ oma mẹ te ke vwẹ-ẹ ohwohwo kpare ohwohwo-o ophu-u a reoma kpahe ohwohwo-o.

Ẹfesọs 4:2

Vwẹ omaevwokpotọ kugbe edẹndẹn, vẹ akoechiro, ohwohwo chirako rẹ ohwohwo vwẹ evun rẹ ẹguọnọ,

Ẹfesọs 5:21

Ohwohwo vwẹ oma kpotọ kẹ ohwohwo vwẹ oshọ ri Kristi.

Filipae 2:14

Ovwan ru emu ejobi wẹ guẹ iguegu-un eyẹ a nọ enanọ-ọ,

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

Kolose 3:8

Ẹkẹvuọvo asakiephana ovwan gbe siobọ nẹ imu nana; ophu, ẹghwọ, eghrẹ, ota omiomiovwi, ogbegbeta ra ta nẹ unu cha.

1 Timoti 6:4

yọ vọnre vẹ ophiẹnvwe yo phuoma, yọ riẹn emuọvo-o; yo vwo udu gidi gidi rẹ aphro rọ sua ẹghwọ vwẹ oma rẹ eta, re sua omaẹriọ, ohẹriẹ, eta ewanriẹ, ẹroephio,

1 Pita 3:8

Ọ rọ ka oba, ovwan ejobi, ku evun gbe vwẹ erhi, re ehrọre, guọnọ imoni na, vwo udu ọlọlọhọ-kugbe udu dẹndẹn.

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.