Filipae 2:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ re yọnre ota rẹ arhọ na kokoroko, rere me vwọ yan eyan vwẹ ẹdẹ ri Kristi da rhe nẹ me rha djẹ ugbonẹ mẹ eyẹ wian owian mẹ kufia-a.

Filipae 2:16 ပူးပေါင်းရင်းမြစ်များ

Une rẹ Ejiro 40:9

Mi gbe ikun rẹ aghọghọ rẹ esivwo vwẹ evun rẹ ukoko rode na; nighe, mi ji rhurhu ẹbẹrunu mẹ-ẹ, kirobo wọ riẹnre, E Ọrovwohwo.

Une rẹ Ejiro 71:17

E Ọghẹnẹ, nẹ emọ rhe wẹ ri yono uvwe, ki mi ghwoghwo uruemu rẹ igbunu wẹn.

Aizaya 49:4

Ẹkẹvuọvo Me da ta, Me wian kufia, Me ghwọrọ ogangan mẹ kufia ghevweghe, dede na uyota uyoyovwi mẹ rhe Ọrovwohwo, osa ẹhwa mẹ rhe Ọghẹnẹ mẹ.

Matiu 10:27

Obo re me ta kẹ ovwan vwẹ odjahọ ọye ovwan ta vwẹ azagba, obo ra bẹbẹ ta kẹ ovwan, ọye we ghwoghwo vwẹ enu rẹ uwevwi.

Iyẹnrẹ Esiri ri Luk 12:8

Me ta kẹ ovwan, kohwo rọ rhọvwe ovwẹ vwẹ obaro rẹ ihwo, ọye Ọmọ rẹ ohwo je rhọvwe vwẹ obaro rẹ emakashe rẹ Ọghẹnẹ.

Iyẹnrẹ Esiri ri Jọn 6:63

Erhi na re kẹ arhọ, uvwo fi erere ọvuọvoo; eta na re me ta kẹ ovwan na eye hẹ erhi kugbe arhọ.

Iyẹnrẹ Esiri ri Jọn 6:68

Saimọn Pita da kpahe kẹ, Ọrovwohwo, kono mi bru ra? Wẹ ri vwo eta rẹ arhọ ri bẹdẹ na;

Iruo rẹ Iyinkọn na 13:26

Imoni, emọ rẹ uvwiẹ rẹ Ebraham, kugbe ovwan rẹ djẹ oshọ rẹ Ọghẹnẹ avwanre a vuẹ ovuẹ rẹ esivwo nana rhe.

1 Kọrẹnt 1:8

rọ cha yọnre ovwan rhi te oba, rere we vwo jẹ abe-ẹriọ vwẹ ẹdẹ rẹ ẹcha rẹ Ọrovwavwanre Jesu Kristi.

1 Kọrẹnt 9:26

Ọtiọye na, ọ dianẹ ki mi muẹ djẹ-ẹ, ọ dianẹ irharheghe mi muẹ teya-an;

2 Kọrẹnt 1:14

Kirobo rọ ro ovwan emerha na, rere ovwan vwọ sa vwẹ avwanre yan eyan kirobo rẹ avwanre je vwẹ ovwan yan eyan, vwẹ ẹdẹ rẹ Ọrovwohwo Jesu da rhe.

Galesha 2:2

Vwẹ evun rẹ ẹvwọphia me vwọ yanran ra bẹbẹ gbe ikun rẹ iyẹnrẹ esiri na ri mi ghwoghwo vwẹ ohri ri Keferi na vwọ kẹ otu rẹ iyinkọn na ri kperi usi vwẹ usun rayen, rere iruo ri mi mu phihọ na vwo jẹ orukufia ẹdia.

Galesha 4:11

Oshọ ko mu vwe nẹ owian me wian vwẹ ohri rẹ ovwan na kẹ ofefe.

Filipae 1:10

rere ovwan vwo vugbe obo ri yovwiri, rere ovwan fon vwo jẹ abe ẹriọ vwẹ ẹdẹ ri Kristi da rhe,

Filipae 1:6

O mu uvwe ẹro nẹ ohwo rọ to iruo esiri nana phihọ vwẹ evun rẹ ovwan na o ji che ruo gba vwẹ ẹdẹ ri Jesu Kristi da rhe.

1 Tẹsalonaika 2:19

Kidie hẹ iphiẹrohọ rẹ avwanre, eyẹ aghọghọ rẹ avwanre eyẹ erhu rẹ uvie rẹ avwanre vwọ yan eyan vwẹ ọbara rẹ Ọrovwavwanre Jesu vwẹ ẹcha rọye? Ọ rha dia ovwan na-a?

1 Tẹsalonaika 3:5

Fiki rẹ ọnana na, ọke ri mi gbi se chiro-o, kọye mi vwo ji ikọn rhe vwọ mrẹ obo rẹ esegbuyota rẹ ovwan epha, vẹ oshọ nẹ ọkeọvo ukọn na vwo jẹ ovwan ẹdavwọ rere owian rẹ avwanre vwo jẹ ghwọrọ kuẹfia.

Hibru 4:12

Kidie ota rẹ Ọghẹnẹ na ọkpokpọ gbrọgbrọ sasasa, dandan kerẹ ọlọkọ rẹ ako ivẹ, rọ nyavwe udu vẹ erhi rhie phihọ, rọ hẹriẹ ẹrho vẹ otu, o krẹ ro ki vughe iroro vẹ omeru rọ hẹ evun rẹ udu-u.

1 Pita 1:23

A rhoma vwiẹ ovwan ọkpokpọ, ọ dianẹ kẹ ọ rẹ omamọ rọ ghwọrọ-ọ ẹkẹvuọvo ọ ro jẹ ghwọrọ, vwẹ oma rẹ ota rẹ Ọghẹnẹ rẹ arhọ na rọ dia bẹdẹ na.

1 Jọn 1:1

Ọ rọ herọ notọrhe, rẹ avwanre nyori na, rẹ avwanre vwẹ ẹro mrẹ na, rẹ avwanre vugheri rẹ obọ rẹ avwanre mu yọnre na, vwọ kpahe ota rẹ arhọ na–

Ẹvwọphia 22:17

Erhi na kugbe Ọpha na ta, Yanrhe. E jẹn ohwo ro nyori ta, Yanrhe. E jẹn ohwo rẹ urhuru rẹ ame hwe yanrhe, e jẹn ohwo rọ guọnọre da ame rẹ arhọ na ọphẹ.