Filipae 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Vwẹ ọtiọye na, imoni mẹ, kirobo rẹ ovwan mu ọghọ jovwo na, ọtiọye asakiephana, ọ dia irharo mẹ ọvo-o ẹkẹvuọvo ji te obuko mẹ rhe, ovwan gba vwẹ oshọ vẹ ophariẹ vwọ wian owian rẹ esivwo rẹ ovwan phia;

Filipae 2:12 ပူးပေါင်းရင်းမြစ်များ

Ezra 10:3

Fiki rẹ ọtiọye na, e gbẹ jẹ avwanre vẹ Ọghẹnẹ rẹ avwanre re ọphọ rere avwanre siobọ nẹ eya nana vẹ emọ rayen kpo, kirobo rẹ ọrovwovwe epha vẹ ihwo re phariẹ kpahe Ọghẹnẹ rẹ avwanre na, e jẹn eruo kirobo rẹ urhi na epha.

Une rẹ Ejiro 119:120

Uvwo mẹ phariẹ fiki rẹ oshọ wẹn. oshọ re orhiebro wẹn mu vwe.

Une rẹ Ejiro 2:11

Ga Ọrovwohwo vẹ oshọ, yanrhe vẹ ophariẹ

Isẹ 10:16

Osa rẹ ọvwata ọye arhọ, erere rẹ ohwo umwemwu kọye rha umwemwu rọye.

Isẹ 13:4

Erhi rẹ ọvwiẹrẹ ro ẹwan, yo vwo emuọvo-o, ye erhi rẹ ọgba mrẹ ria buebu.

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Aizaya 66:5

Nyo ota rẹ Ọrovwohwo na, ovwan re phariẹ kẹ ota rọye. Imoni wẹn ri tuoma wẹ re dje wẹ kufia fiki rẹ odẹ Mẹ tare nẹ, E ja vwẹ urinrin kẹ Ọrovwohwo, rere avwanre vwọ mrẹ aghọghọ wẹn, ẹkẹvuọvo ayen ihwo rẹ oma cha vo.

Matiu 11:12

Nẹ ọke ri Jọn rhe rhi te ọke nana ọye uvie rẹ odjuvwu vwọ hẹ ukpokpogho, ihwo ogbarogba vwọ vwẹ ẹgba reyọ.

Matiu 11:29

Mu urhekpe mẹ ghwa re wo yono uruemu mẹ; kidie me pha vworovworo fuefu vwẹ udu mẹ, kẹ wo mrẹ ufuoma vwọ kẹ erhi wẹn.

Iruo rẹ Iyinkọn na 16:29

Ọ da nọ ekpẹn rẹ urhukpẹ ọ da họrhọ ro evun rẹ uwodi na, o de she diguẹ vwẹ obaro ri Pọl kugbe Sailas ko phariẹ guegue vẹ oshọ.

Iruo rẹ Iyinkọn na 9:6

Ẹkẹvuọvo vrẹn re wọ ro orere na, ka ta kẹ owẹ obo ru wo che ru.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

1 Kọrẹnt 15:58

Ọtiọye na, imoni mẹ re ghare, mudia gan, wo yeghe oma-a, dje ebuo-ebuo phihọ vwẹ iruo rẹ Ọrovwohwo, vẹ ẹriẹn nẹ owian re wọ wian kẹ Ọrovwohwo ghwruru-u.

1 Kọrẹnt 2:3

Me vẹ ovwan da dia vwẹ ovwiẹrẹ kugbe oshọ rode kugbe ẹphariẹ.

1 Kọrẹnt 4:14

Ọ dianẹ ki mi si ọnana re oma vwọ vo ovwa-an, ẹkẹvuọvo re vwo bru ovwan uche kerẹ emọ mẹ re ghare.

2 Kọrẹnt 7:15

Iroro rọye ejobi kẹ ovwan ọ epha, rọ da karohọ ọghọ rẹ ovwan ejobi vwori, kugbe ọshọ vẹ ophariẹ ovwan vwo dede.

Ẹfesọs 6:5

Eviẹn, we mu ọghọ kẹ ihwo re dẹ ovwan vwẹ akpọ na, vẹ ophariẹ vẹ oshọ, kugbe evun ọvo, kirobo ru we ru kẹ Kristi;

Filipae 1:27

Ọvo na gbe jẹn eyere rẹ ovwan fo kẹ iyẹnrẹ esiri ri Kristi na, kọye owenẹ me rhere rhe mrẹ ovwan eyẹ mi vwo jẹ cha, jẹ uvwe nyo nẹ ovwan mudia gan vwẹ erhi ọvo, vẹ udu ọvo vwọ pharha kuẹgbe vwẹ esegbuyota rẹ iyẹnrẹ esiri na.

Filipae 1:29

Kidie a rhọvwerọ kẹ ovwan nẹ fiki ri Kristi ọ dia esegbuyota ọvo ovwan vwo-o ẹkẹvuọvo ovwan ke je reoja fiki rọye.

Filipae 1:5

vẹ ẹkpẹvwẹ fiki rẹ oma ekuogbe rẹ ovwan vwẹ iyẹnrẹ esiri na nẹ ẹdẹ rẹsosuọ rhi te ọke nana.

Filipae 1:6

O mu uvwe ẹro nẹ ohwo rọ to iruo esiri nana phihọ vwẹ evun rẹ ovwan na o ji che ruo gba vwẹ ẹdẹ ri Jesu Kristi da rhe.

Filipae 2:19

Mi phiẹrohọ vwẹ evun rẹ Ọrovwohwo Jesu nẹ mi che ji Timoti rhe phẹrẹkpẹ, rere udu mẹ vwo te otọ kpahe ikun rẹ ovwan rọ cha ghwa rhe.

Filipae 4:1

Fiki rẹ eriyin na, imoni mẹ, re me guọnọre rẹ urhuru rẹ ayen si vwe, aghọghọ mẹ kugbe erhu rẹ uvie mẹ, we mudia gan vwẹ evun rẹ Ọrovwohwo, ihwo mẹ rẹ eghaghare.

Filipae 4:15

Ovwan ihwo ri Filipae na riẹnre nẹ ẹtuọhọ rẹ iyẹnrẹ na rhe, ri mi vwo nẹ Masidonia rhe, me vẹ ishọshi ọvuovo ta ota rẹ ekakẹ kugbe imiemie-e jokpa rẹ ovwan ọvo;

1 Tẹsalonaika 1:3

Avwanre karohọ ovwan vwọ kẹ Ọghẹnẹ kugbe Ọsẹ na iruo rẹ eseghuyota rẹ ovwan kugbe owian rẹ ẹguọnọ kugbe emudia gan rẹ iphiẹrohọ rẹ ovwan vwẹ evun rẹ Ọrovwavwanre Jesu Kristi.

2 Timoti 2:10

Fiki rẹ ọtiọye na ki mi chiri kemu kemu fiki rẹ ihwo ra sano reyọ na, rere ayen se vwo esivwo rọ herọ vwẹ evun ri Kristi Jesu rọ vẹ urinrin ri bẹdẹ na gba yan usun.

Hibru 12:1

Fiki rẹ eriyin na, re avwanre vwọ mrẹ nẹ iseri buebu riariẹ avwanre phihọ na, e gbe jẹn avwanre won oghwa koghwa, kugbe umwemwu rọ gba avwanre na phihọ otọ, e gbe jẹn avwanre vwẹ erhiori djẹ onẹ rọ hẹ obaro na,

Hibru 4:1

Eriyin na, ovwan gba kẹnoma ọ rha dia eriyi-in, ive ro ve phihọ kẹ avwanre na nẹ avwanre kpo omaerovwo rọye na vwo jẹ ovwan abọ ẹva.

Hibru 4:11

E gbe jẹn avwanre pharhe ra ro omaerovwo yena, rere ohwo ọvuọvo vwo je she kerẹ ihwo ri jẹ ọghọ evwo na.

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

1 Pita 2:11

Imoni re me guọnọre, me rẹ ovwan kerẹ erhorha kugbe otu re hẹ imu re we sioma nẹ urhuru sivwe rẹ ugboma ro nene ẹnwẹn họnra na.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.