Filipae 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ O mu uvwe ẹro nẹ ohwo rọ to iruo esiri nana phihọ vwẹ evun rẹ ovwan na o ji che ruo gba vwẹ ẹdẹ ri Jesu Kristi da rhe.

Filipae 1:6 ပူးပေါင်းရင်းမြစ်များ

Une rẹ Ejiro 138:8

Ọrovwohwo che ru ọhọre rọye kẹ vwẹ; ẹguọnọ wẹn ro jẹ rhẹriẹ na, E Ọrovwohwo, ọ dia rhiri bẹdẹ. Wọ sian iruo rẹ obọ wẹ-ẹn.

Iyẹnrẹ Esiri ri Jọn 6:29

Jesu da kpahe kẹ ayen, Ọnana hẹ iruo rẹ Ọghẹnẹ, rere we vwo se ọ ro ji vwe rhe na gbuyota.

Iruo rẹ Iyinkọn na 11:18

Ọke rẹ ayen vwo nyo ọnana ayen da fọ. Ayen de jiri Ọghẹnẹ, tanẹ, Kẹ Ọghẹnẹ je kẹ ayen otu ri Keferi ekuorhẹrie rẹ esivwo rẹ arhọ rhe.

Iruo rẹ Iyinkọn na 16:14

Aye ọvo re se Lidia de nyo ota rẹ avwanre, ohwo rẹ orere ri Taitira, ifenudu ọ shẹ, ọgọ Ọghẹnẹ o ruẹ. Ọrovwohwo de rhie udu rọye phihọ kẹ eta ri Pọl ta kẹ.

1 Kọrẹnt 1:8

rọ cha yọnre ovwan rhi te oba, rere we vwo jẹ abe-ẹriọ vwẹ ẹdẹ rẹ ẹcha rẹ Ọrovwavwanre Jesu Kristi.

2 Kọrẹnt 1:15

Fikiridie re ọnana vwọ mu vwẹ erọ na, me da guọnọ ke bru ovwan rhe jovwo, rere omavwerhovwẹ rẹ ovwan vwo dia ivẹ.

2 Kọrẹnt 2:3

Kọye mi vwo si ọbe kirobo ri mi ruru na, rere ọke re me da rhe mi vwo je ọdjarhe ẹmrẹ vwẹ abọ rẹ otu re me da mrẹ omavwerhovwẹ, kidie o mu vwẹ ẹro nẹ, aghọghọ mẹ re cha dia aghọghọ rẹ ovwan ejobi.

2 Kọrẹnt 7:16

Me ghọghọre, fikiridie me vwẹ ẹro so ovwan gangan.

2 Kọrẹnt 9:4

o rha dia eriyi-in ihwo ri Masidonia evo de nene uvwe rhe re da mrẹ nẹ ovwan choma-a, oma da rha vo avwanre–ọ rha dia ọ re ovwan a ta na-a–kidie avwanre vwẹ ẹro so ovwan gangan.

Galesha 5:10

Me vwẹ ẹro so Ọrovwohwo nẹ ovwan rha reyọ uyono ọfa nọ ọmẹ na-a; ohwo ro kpokpo ovwan na re cha ghwa ekan rọye, kohwo kohwo rọ ephan ejobi.

Ẹfesọs 4:12

Vwọ kẹ omaẹcha rẹ ihwo efuanfon na, vwọ kẹ iruo rẹ odibo egbe, vwọ kẹ ebanbon rẹ ugboma ri Kristi,

Filipae 1:10

rere ovwan vwo vugbe obo ri yovwiri, rere ovwan fon vwo jẹ abe ẹriọ vwẹ ẹdẹ ri Kristi da rhe,

Filipae 1:29

Kidie a rhọvwerọ kẹ ovwan nẹ fiki ri Kristi ọ dia esegbuyota ọvo ovwan vwo-o ẹkẹvuọvo ovwan ke je reoja fiki rọye.

Filipae 2:12

Vwẹ ọtiọye na, imoni mẹ, kirobo rẹ ovwan mu ọghọ jovwo na, ọtiọye asakiephana, ọ dia irharo mẹ ọvo-o ẹkẹvuọvo ji te obuko mẹ rhe, ovwan gba vwẹ oshọ vẹ ophariẹ vwọ wian owian rẹ esivwo rẹ ovwan phia;

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Filipae 2:16

re yọnre ota rẹ arhọ na kokoroko, rere me vwọ yan eyan vwẹ ẹdẹ ri Kristi da rhe nẹ me rha djẹ ugbonẹ mẹ eyẹ wian owian mẹ kufia-a.

Kolose 2:12

e di shi ovwan kugbe vwẹ evun rẹ ame-ereyọ, kọye a vwọ rhoma kpare ovwan vrẹn vwẹ esegbuyota, vwẹ oma rẹ Ọghẹnẹ rọ kpaerọ vrẹn nẹ ughwu na.

1 Tẹsalonaika 1:3

Avwanre karohọ ovwan vwọ kẹ Ọghẹnẹ kugbe Ọsẹ na iruo rẹ eseghuyota rẹ ovwan kugbe owian rẹ ẹguọnọ kugbe emudia gan rẹ iphiẹrohọ rẹ ovwan vwẹ evun rẹ Ọrovwavwanre Jesu Kristi.

2 Tẹsalonaika 1:11

Fiki rẹ ọnana na avwanre vwọ rẹ kẹ ovwan kọke kọke, rere Ọghẹnẹ rẹ avwanre se ru ovwan fo kẹ use rọye, rere o vwo se ru iroro kiroro esiri rọ jẹ kpahe ovwan gba kugbe iruo rẹ esegbuyota vwẹ ogangan rọye,

2 Tẹsalonaika 3:4

Avwanre vwẹ ẹro so ovwan vwẹ evun rẹ Ọrovwohwo, nẹ ovwan ruẹ obo rẹ avwanre dje kẹ ovwan nẹ ovwan je ghwo obo phihọ eriyin rhe.

Filimọn 1:21

Me vwẹ ẹro so nẹ wo se mu ọghọ nana kẹ vwẹ, o mu vwẹ ẹro nẹ wo ru nọ obo re me tare na.

Hibru 10:35

Vwẹ eriyin na we rhe ku aroeyivwo rẹ ovwan kuẹfia-a, ro vwo osa rhuarho.

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

1 Pita 5:10

Ọke rẹ ovwan da reoja nu emerha, Ọghẹnẹ rẹ ẹserọphẹ ejobi, ro se ovwan rhe urinrin rọye ri bẹdẹ na vwi Kristi, okpuyovwi rọye kọ rhoma vọn, kọ vwẹ owọ rẹ ovwan muotọ, kọ kẹ ovwan ogangan.

2 Pita 3:10

Ẹkẹvuọvo ẹdẹ rẹ Ọrovwohwo na cha kerẹ oji, etiyin idjuvwu na ke cha wanvrẹn vẹ edo rode, ekuakua re herọ, ke cha wran vwẹ evun rẹ erhanre, te akpọ na kugbe iruo re herọ ke cha torhẹ kufia.