Filipae 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọbe ri Pọl kugbe Timoti, idibo ri Kristi Jesu, si rhe ihwo efuanfon ejobi vwẹ evun ri Kristi Jesu re hẹ Filipae, vẹ ibishọpu kugbe idikini:

Filipae 1:1 ပူးပေါင်းရင်းမြစ်များ

Iyẹnrẹ Esiri ri Mak 13:34

Kẹrẹsiẹ rẹ ohwo e de kpo oyan, rọ da yan jẹ uwevwi rọye vwo, ọ da vwẹ ogangan kẹ idibo rọye, dohwo diruo rọye o de jiji kẹ ọrhẹrẹchẹ re ọ rhẹrẹ.

Iyẹnrẹ Esiri ri Jọn 12:26

Ohwo da ga vwẹ, ko nene uvwe; asan re me epha, kẹ etiyin idibo mẹ je dia rhe; ohwo da ga vwẹ, Ọsẹ na kọ vwẹ ọghọ kẹ.

Iruo rẹ Iyinkọn na 1:20

Kidie e siro phihọ Une rẹ Ejiro. E jẹn ẹdia rọye dia ofefe, E jẹn ohwo ọvuọvo dia-a, E jẹn ohwo ọfa reyọ ẹkẹn iruo rọye.

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Iruo rẹ Iyinkọn na 9:13

Ẹkẹvuọvo Ananayas da kpahe, Ọrovwohwo, mi nyo ikun buebu kpahe ọshare nana emu umwemwu ro ru kpahe ihwo efuanfon wẹn vwẹ obi Jerusalẹm.

Ọbe ri Pọl si rhe Ihwo ri Rom 1:1

Pọl, odibo ri Jesu Kristi, re seri nẹ ọ rhe dia ọyinkọn, re vwo mu nẹ o ghwoghwo iyẹnrẹ esiri rẹ Ọghẹnẹ

Ọbe ri Pọl si rhe Ihwo ri Rom 1:7

Re vwo rhe ovwan ejobi rẹ evun rẹ ayen vwerhe Ọghẹnẹ vwi Rom, re seri ne rhe dia irherẹn; Ẹserọphẹ vẹ ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

1 Kọrẹnt 16:10

Ọke ri Timoti da rhe, we ja mrẹ nẹ ọ dia egbomọphẹ vwẹ ohri rẹ ovwan, kidie o ruẹ iruo rẹ Ọrovwohwo na, kirobo re me epha.

2 Kọrẹnt 1:1

Pọl, ọyinkọn ri Kristi Jesu vwẹ ọhọre rẹ Ọghẹnẹ, kugbe Timoti oniọvo rẹ avwanre. Vwo rhe ishọshi rẹ Ọghẹnẹ rọ hẹ Kọrẹnt, vẹ ihwo efuanfon na ejobi re hẹ otọ rẹ Akaya ejobi:

Galesha 1:10

Ugbeyan rẹ ihwo me guọnọ dia vwo, gbenẹ ugbeyan rẹ Ọghẹnẹ? Eyẹ me guọnọ re mi ru obo ri je ihwo? Mi de ru obo ri je ihwo ye me gbe dia odibo ri Kristi-i.

Galesha 3:26

Kidie vwẹ oma ri Jesu Kristi ovwan ejobi kẹ emọ rẹ Ọghẹnẹ, fiki rẹ esegbuyota.

Galesha 3:28

O gbi vwo ohwo ri Ju eyẹ Grik, o gbi vwo ọviẹn eyẹ ọmuvwiẹ-ẹ, o gbi vwo ọshare eyẹ aye-e, ovwan ejobi kẹ ọvuọvo vwi Jesu Kristi.

Ẹfesọs 1:1

Ọbe ri Pọl, ọyinkọn ri Kristi Jesu vwẹ ọhọre rẹ Ọghẹnẹ, Ro si rhe ihwo efuanfon ri vwo esegbuyota kpahe Kristi Jesu:

Ẹfesọs 1:15

Fiki rẹ ọnana, ri mi vwo nyo usi rẹ esegbuyota rẹ ovwan kpahe Ọrovwavwanre Jesu kugbe ẹguọnọ rẹ ovwan vwo kpahe ihwo efuanfon na,

Ẹfesọs 6:24

Ẹserọphẹ dia kẹ ayen ejobi re guọnọ Ọrovwavwanre Jesu Kristi vẹ ẹguọnọ ro je ghwo.

Filipae 2:19

Mi phiẹrohọ vwẹ evun rẹ Ọrovwohwo Jesu nẹ mi che ji Timoti rhe phẹrẹkpẹ, rere udu mẹ vwo te otọ kpahe ikun rẹ ovwan rọ cha ghwa rhe.

Filipae 2:5

Gbe vwo iroro na vwẹ ohri rẹ ovwan, rẹ ovwan ji vwo vwẹ evun ri Kristi Jesu,

Filipae 3:12

Ọ dianẹ mi vwo ọnana nure-e eyẹ ke me ghwa fon nure-e; ẹkẹvuọvo me pharha kpo obaro rere mi vwo ru ọmẹ, fikiridie Kristi Jesu vwẹ ovwẹ ru ọrọye nure.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Filipae 3:8

Mrẹmrẹ mi kere ayen kirobo ri ghwruru fiki rẹ obo rọ rhonọ emu re me vwọ riẹn Kristi Jesu nẹ ọye hẹ Ọrovwovwe. Fiki rọye mi vwo ku emu na ejobi kufia, mi de ni ayen kerẹ isọn, rere mi se vwo Kristi

1 Tẹsalonaika 1:1

Ọnana ọbe ri Pọl, Silvanọs, kugbe Timoti si rhe ishọshi rẹ Ọghẹnẹ Ọsẹ na kugbe Ọrovwohwo Jesu Kristi rọ hẹ obi Tẹsalonaika; Ẹserọphẹ nene ovwan dia.

1 Tẹsalonaika 2:2

ẹkẹvuọvo kirobo rẹ ovwan riẹnre avwanre reoja rẹ ehwe kugbe ophọphọvwe vwi Filipae, Ọghẹnẹ je kẹ avwanre aroeyivwo rẹ avwanre vwo ghwoghwo iyẹnrẹ esiri rẹ Ọghẹnẹ na vwẹ evun rẹ ukpokpogho rode.

2 Tẹsalonaika 1:1

Ọbe ri Pọl, Silvanọs, kugbe Timoti, si rhe ishọshi rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi, rọ hẹ obi Tẹsalonaika:

2 Tẹsalonaika 1:10

Vwẹ ọke rẹ ihwo efuanfon rọye da cha vwẹ ejiro kẹ vwẹ ẹdẹ yena, ko gbe ayen unu siẹ rẹ ayen da mrẹ otu ri segbuyota na, fikiridie iseri rẹ avwanre se kẹ ovwan na we sere gbuyota.

1 Timoti 1:2

Ro si rhe Timoti, ọmọ mẹ rẹ uyota vwẹ esegbuyota: Ẹserọphe, arodọvwẹ, kugbe ufuoma rọ nẹ obọ rẹ Ọghẹnẹ Ọsẹ na kugbe Kristi Jesu Ọrovwavwante nene uwe dia.

1 Timoti 3:8

Otu ri dikin me je dia ihwo rẹ use na nabo we, ọ ta ota ivẹ-ẹ, o siọgba rẹ ndi-i, o vwo urhuru rẹ efe rẹ okpakpa-a;

Taitọs 1:1

Pọl, odibo rẹ Ọghẹnẹ kugbe ọyinkọn ri Jesu Kristi, ro ghwoghwo esegbuyota na kẹ ihwo rẹ Ọghẹnẹ sanọ reyọ, rere ayen vwọ riẹn uyota na vẹ uyoyovwi rọye,

Taitọs 1:7

Kidie Ibishọpu, kerẹ odibo rẹ Ọghẹnẹ, o vwo abe-e, o mu oma kpenu-u eyẹ ọ fobọ mu ophu-u eyẹ ọ dia ogbaudi-i eyẹ o gbe ozighi-i eyẹ o vwo urhuru rẹ erere-e,

Filimọn 1:1

Pọl, re mu phihọ uwodi fiki ri Kristi Jesu, kugbe Timoti oniọvo rẹ avwanre, ri si ọbe nana rhe Filimọn rọ ghaghare kugbe ohwo rẹ avwanre vẹ ọye gbe ru iruo kuẹgbe,

Hibru 13:23

Mi jẹ ovwan riẹn nẹ e siobọ nẹ Timoti rẹ oniọvo rẹ avwanre na re, me vẹ ọye cha mrẹ ovwan ọ da dianẹ ọ fobọ rhe.

Jems 1:1

Jems odibo rẹ Ọghẹnẹ kugbe Ọrovwavwanre Jesu Kristi, ri si ọbe nana rhe orua ihwivẹ na re hrabọ ro akpọ na ejobi, mi yere ovwan.

1 Pita 2:25

Kidie ovwan ghwrẹ jovwo kerẹ igegede, ẹkẹvuọvo asakiephana ovwan rhivwi bru Osuigegede kugbe Ọrhẹrotọ rẹ ẹnwẹn rẹ ovwan re.

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

Ọbe ri Jud 1:1

Jud, odibo ri Jesu Kristi, kugbe oniọvo ri Jems ri si ọbe nana rhe ayen otu re seri, re ghare vwẹ obọ Ọghẹnẹ Ọsẹ na ra sẹro hẹrhẹ Jesu Kristi:

Ẹvwọphia 1:1

Ọbe rẹ ẹvwọphia ri Jesu Kristi, rẹ Ọghẹnẹ vwọ kẹ nẹ o vwọ phia kẹ odibo rọye vwọ kpahe obo re cha phia nanana; o de ji amakashe rọye bru Jọn odibo rọye ra rere o re dje imu na ejobi kẹ,

Ẹvwọphia 1:20

Vwọ kẹ igbunu rẹ isio ighwrẹ na ru wọ mrẹre vwẹ obọrhe mẹ na, kugbe igburhukpẹ rẹ oro ighwrẹ na, isio ighwrẹ na aye hẹ emakashe ighwrẹ rẹ ishọshi na kugbe igburhukpe ighwrẹ na kẹ eye hẹ ishọshi ighwrẹ na.

Ẹvwọphia 19:10

Etiyin mi de she diguẹ vwẹ asan awọ rọye me da gọ, ẹkẹvuọvo ọ da ta kẹ vwẹ, Wo ruẹ ọyena-a! Mẹvwẹ je hẹ odibo kugbe omoni kirobo wọ epha rọ yọnrọn iseri ri Jesu. Gọ Ọghẹnẹ. Kidie iseri ri Jesu vwenẹ ọye hẹ ohwo ro vwo erhi rẹ aroẹmrẹ.

Ẹvwọphia 2:12

Kẹ enẹ o si rhe amakashe rẹ ishọshi ri Pẹgamọn. Eta rẹ ohwo ro vwo ọgbọdọ rọ dan prẹprẹ na.

Ẹvwọphia 2:8

Kẹ enẹ o si rhe amakashe rẹ ishọshi ri Simana. Eta rẹ ohwo rẹsosuọ kugbe ọ rọ ka oba, ohwo ro ghwuru rọ da rhoma varhe.

Ẹvwọphia 22:9

ẹkẹvuọvo ọ da ta kẹ vwẹ, Wo ruẹ ọyena-a! mẹvwẹ odibo kirobo wọ epha na kugbe imoni wẹn emraro na, kugbe ayen otu re yọnre eta rẹ ọbe nana. Gọ Ọghẹnẹ.