Ezra 9:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kidie avwanre eviẹn, ẹkẹvuọvo Ọghẹnẹ rẹ avwanre siẹn avwanre vwẹ otọ rẹ eviẹn rẹ avwanre epha na-a, ẹkẹvuọvo ọ da riẹn abọ rẹ eguọnọ ro jẹrhẹriẹ rọye kẹ avwanre vwẹ obaro rẹ ovie ri Pẹsha, re ọ vwọ sasa avwanre oma rere avwanre re mu uwevwi rẹ Ọghẹnẹ vi, ra rhuẹrẹ asan ro miovwiri vwọ ejobi, rere ọ rha vwẹ ugbuko rhurhu avwanre vwi Juda vi Jerusalẹm.

Ezra 9:9 ပူးပေါင်းရင်းမြစ်များ

Ezra 2:68

Evo vwẹ igbuyovwi rẹ erua na, vwo te uwevwi rẹ Ọrovwohwo na rẹ ọ hẹ obi Jerusalẹm, de siobọ nẹ ekẹ ri nẹ udu rhe vwọ kẹ ebabọn rẹ uwevwi rẹ Ọghẹnẹ na, vwo phihọ edia rọye.

Ezra 7:6

Ẹzra nana koye ne Babilọn rhe. Osiọbe o ruẹ rọ riẹn kpahe urhi ri Mosis rẹ Ọrovwohwo rẹ Ọghẹnẹ rẹ Izrẹl vwọ kẹ, ovie da vwẹ emu ejobi rọ guọnọre vwọ kẹ, kidie obọ rẹ Ọrovwohwo Ọghẹnẹ rọye vẹ ọye herọ.

Ezra 7:8

Ọ da rhe Jerusalẹm vwẹ emeranvwe riyori, kọye ukpe righwrẹn rẹ ovie na,

Ezra 9:10

Vwẹ asakiephana, E Ọghẹnẹ rẹ avwanre, kidie avwanre ta vwẹ ọnana? Kidie irhi wẹn chọrọ avwanre ẹro,

Nehemaya 2:17

Etiyin Me da ta kẹ ayen, Wa mrẹ ukpokpogho rẹ avwanre epha na-a, obo ri Jerusalẹm guọghọre tototo ra torhẹ inurhoro rọye ejobi. Wan yanrhe re a ra bọn igbẹhẹ ri Jerusalẹm, rere avwanre vwo nẹ abọ re ehwẹjẹ.

Nehemaya 9:17

ayen sen ọghọ, ayen gbi roro iruo rẹ igbunu ru wo ru vwẹ ohri rẹ aye-en; ẹkẹvuọvo ayen da gan udu ayen da vwẹ osun mu no sun ayen rhivwi kpo ọviẹn vwẹ Ijipt. Ẹkẹvuọvo wẹ Ọghẹnẹ rọ choma ro vwo ghovwo, ro vwo ehrọre vẹ arodọvwẹ, ọ fobọ mu ophu-u rọ vọnre vẹ ẹguọnọ ro jẹrhẹriẹ, wọ gbẹ sen aye-en.

Une rẹ Ejiro 109:12

E ja mrẹ ohwo ro ru ẹse kẹ-ẹ, eyẹ ohwo rọ re ehrọre kẹ emephrorivwi rọye-e!

Une rẹ Ejiro 138:7

Owenẹ me yan vwẹ uherevie rẹ ukpokpogho, wọwẹ re sẹro rẹ arhọ mẹ; wọwẹ rẹ riẹn obọ wẹn hẹrhẹ ivuemiovwo rẹ ivwighrẹ, obọrhe wẹn de sivwi vwe.

Aizaya 14:3

Ọke rẹ Ọrovwohwo da vwẹ omaerovwo vwọ kẹ ovwan nẹ odjadja vẹ edo kugbe owian ọgangan ra vwọ kẹ ovwan wian nure,

Aizaya 5:2

O de brotọ kẹ ọ da sanọ ibiekpẹn nẹ o da vwẹ omamọ rẹ grep vwọ kọn, ọ da bọn uwevwi rẹ ohẹrhẹ phihọ uherevie rọye, ọ da kare okọ re de miẹn vain phihọ, ko rhẹro ne ọ cha mọ otieẹ ẹkẹvuọvo otiẹ rẹ erivwi kọye ọ mọre.

Aizaya 5:5

Gba kerhọn re me ta kẹ wẹn obo ri mi che ru kẹ ogba ri vain mẹ na. Ki mi si ogba na no, ka cha guọghọ, Ki mi tueghe ogba rọye, ke chiyo mu ekpẹn

Aizaya 61:4

Ayen ke cha bọn iwevwi re awanre ri tuegheri, asan re vẹre na ka rhoma mu ayen vi, ayen ke rhuẹrẹ irere re ghwọre na, re vẹre vwe ọke rẹ orua buebu re.

Izikiẹl 11:16

Fiki rẹ ọtiọye na, Enẹ Ọrovwohwo Ọghẹnẹ tare. Dede nẹ mi mu ayen yanran shesheri phihọ ohri rẹ ẹgborho efa, dede nẹ me hra ayen vwẹ ohri rẹ ẹkuotọ efa, ye me je dia ẹshẹ kẹ ayen vwẹ ọmọke vwẹ ẹkuotọ rẹ ayen ra re na.

Daniẹl 9:25

gba mrẹ vughe rọ je ro wẹ nẹ, eyanran rẹ ota na ro phio phihọ edia kugbe erhuẹrẹ phihọ ri Jerusalẹm re te ẹcha rẹ osun na, ọ ra vwẹ ori te na, ẹdidjana ighwrẹn re cha dia. Edidjana ujorha gbe ivẹ ka cha rhuẹrẹ tọn phihọ vẹ irhuvwu rọye ra ka ugbo phihọ, ke dia ọke rẹ ukpokpogho.

Hegae 1:9

Wọ guọnọ emu buebu, gbe nọ, emerha tutuno wọ mrẹre, ọke wọ rha vwọ ghwa te uwevwi nu, mi de djuọ kufia. Die sorọ? eriyin Ọrovwohwo rẹ otuofovwi na tare. Fiki rẹ uwevwi mẹ ro hirhe phihọ erhurhu na, yẹ ovwan dohwo duvwevwi rọye ra bọn.

Zekaraya 2:5

Kidie Me cha dia igbẹhẹ rẹ erhanre riariẹ phihọ, Ọrovwohwo tarọ, me cha dia urinrin vwẹ evun rọye.