Ezra 9:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin ihwo ejobi re phariẹ vwẹ oma rẹ eta rẹ Ọghẹnẹ rẹ Izrẹl na, fiki ri je segbuyota rẹ ihwo ri rhivwi nẹ imu rhe na, ayen da rhe gba yariẹ ovwẹ phihọ vwẹ ọke mi vwo tidia fọ gbiei na rhiri rhi te ọke rẹ izobo rẹ ovwọnvwon.

Ezra 9:4 ပူးပေါင်းရင်းမြစ်များ

2 Ikun rẹ Ivie 34:27

fiki rẹ obo rẹ udu wẹn vwo kurhẹriẹ wọ da vwẹ oma kpotọ kẹ Ọghẹnẹ wo vwo nyo eta ra ta kpahe etinẹ na vẹ ihwo re dia na, wọ da vwẹ oma kpotọ kẹ vwẹ, wọ da bẹrẹ emwa wẹn wọ da viẹ kẹ vwẹ mrẹ na, ki mi nyo we rhe, eriyin Ọrovwohwo tare.

Ezra 10:3

Fiki rẹ ọtiọye na, e gbẹ jẹ avwanre vẹ Ọghẹnẹ rẹ avwanre re ọphọ rere avwanre siobọ nẹ eya nana vẹ emọ rayen kpo, kirobo rẹ ọrovwovwe epha vẹ ihwo re phariẹ kpahe Ọghẹnẹ rẹ avwanre na, e jẹn eruo kirobo rẹ urhi na epha.

Ezra 10:9

Etiyin eshare ri Juda ejobi kugbe Bẹnjamin da rhe ghwẹ koko vwẹ ẹdẹ erha re bruru na vwi Jerusalẹm, ọ da dia emeranvwe rẹ irhiri, vwẹ ẹdẹ uje rẹ emeranvwe na. Ihwo na ejobi de tidia vwẹ uphephẹn rọ hẹ obaro rẹ uwevwi rẹ Ọghẹnẹ, ayen ra phariẹ fiki rẹ ota nana ji kugbe okposio rode rọ rhọ na.

Une rẹ Ejiro 119:136

Ẹro mẹ ra djẹ ọkẹre rẹ oviẹ fikiridie ihwo sa yọnrọn urhi wẹ-ẹn.

Ẹyano 29:39

Wọ me vwẹ upene rẹ ogodẹ ọvo ze vwẹ irhiọke, upene rẹ ogodẹ rivẹ kọye wo rhe vwo ze vwẹ ovwọnvwọn;

Ẹyano 29:41

Omogodẹ rivẹ na kọye wo rhe vwo ze vwẹ ovwọnvwọn, wọ me vwẹ izobo rẹ oka vẹ orẹ udi ra jẹ kuotọ vwọ ba, kerẹ ọ rẹ irhiọke ye, rọ gbo ọnrhe ororo rọ dia izobo rẹ erhanre kẹ Ọrovwohwo.

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Aizaya 66:5

Nyo ota rẹ Ọrovwohwo na, ovwan re phariẹ kẹ ota rọye. Imoni wẹn ri tuoma wẹ re dje wẹ kufia fiki rẹ odẹ Mẹ tare nẹ, E ja vwẹ urinrin kẹ Ọrovwohwo, rere avwanre vwọ mrẹ aghọghọ wẹn, ẹkẹvuọvo ayen ihwo rẹ oma cha vo.

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Daniẹl 10:2

Vwẹ ẹdẹ yena Mẹvwẹ, ri Daniẹl de muomaphihọ kerẹ emu rẹ ẹdidjana erha.

Daniẹl 9:21

Ọke re me vwọ ta ota vwẹ ẹrhovwo re, ọshare na Gabriel, re me mrẹre vwẹ evwerhẹ vwẹ ẹsosuọ na, da rhan bru vwẹ rhe vwẹ ọke rẹ izobo rẹ ovwọnvwọn.

Ukeri 25:6

Nighere, ohwo rẹ Izrẹl ọvo da rhe ọ da reyọ aye rẹ ohwo ri Midian rhe ekru rọye, vwẹ irharo ri Mosis kugbe irharo rẹ ukoko rẹ ihwo rẹ Izrẹl na ejobi, vwẹ ọke rẹ ayen vwo viẹ vwẹ asan anurhoro rẹ utughẹ ra da vwa oma na.

Iruo rẹ Iyinkọn na 3:1

Ọke ọvo ri Pita vẹ Jọn vwọ yanran kpo uwevwi rẹ ẹga na vwẹ ọke rẹ ẹrhovwo, vwẹ unọke rirhiri na.