Ezra 9:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Oke mi vwo nyo ọnana, me da bẹrẹ ewun mẹ vẹ ukpo mẹ, me da sanvwẹ ẹto rẹ uyovwi mẹ vẹ agbotọ mẹ, mi de tidia fọ gbiei.

Ezra 9:3 ပူးပေါင်းရင်းမြစ်များ

2 Samuẹl 1:11

Devid da yọnrọn emwa rọye, ọ da bẹrẹ ayen, etiọye ji te ihwo ri nenire:

Ivie rẹ Ivẹ 18:37

Kọye Elayakim ọmọ ri Hilkaya, rọ vwẹ ẹrọ te uwevwi na kugbe Shebna osiọbe na kugbe Joa ọmọ rẹ Asaf, okeri na, da bẹrẹ emwa djẹ oma bru Hẹzikaya rhe, ayen da nẹ iyẹnrẹn re eta ri Rabshake na tare kẹ.

Nehemaya 1:4

Vwe ọke mi vwo nyo eta nana mi de tidia me da viẹ, mi de muoma phihọ vwe ẹdẹ buebu, mi de chiri owẹvwe me da nẹ ẹrhovwo vwe obaro rẹ Ọghẹnẹ rẹ Odjuvwu.

Nehemaya 13:25

Me ve ayen da ghwọ mi de duvwu iyori ke ayen mi de hwe evọ vwẹ ayen, me da sanvwe ẹto rẹ ẹvo; me da gba ayen vwe odẹ re Ọghẹnẹ duvwu iyori tanẹ, Wa vwe emetẹ re ovwan kẹ emeshare raye-en, eyẹ reyọ emetẹ rayen ke emeshare re ovwa-an eyẹ ke oma re ovwa-an.

ỌBE RẸ JOB 1:20

Etiyin Job de vrẹn ọ da bẹrẹ ewu rọye, ọ da wanre uyovwi rọye, o de she teye otọ, ọ da ga Ọghẹnẹ.

Une rẹ Ejiro 119:53

Ivun kọ dja vwẹ djọghọ djoghọ fiki rẹ ohwo umwemwu, rọ sen urhi wẹn.

Une rẹ Ejiro 143:4

Fiki rẹ ọtiọye na erhi mẹ ko sherua vwẹ evun mẹ, ofu ko dje udu mẹ vwẹ evun mẹ.

Une rẹ Ejiro 66:3

Ta kẹ Ọghẹnẹ, Mavọ iruemu wẹn mu udidi te! ọtiọye ogangan wẹn rho te rọ nẹrhẹ ivwighrẹ wẹn siẹ wunrhẹ vwẹ obaro wẹn

Aizaya 15:2

Ọmọtẹ ri Dibọn yanran kpo obenu ọ yanran kpo enu rẹ igbenu ra viẹ; vwẹ enu ri Nebo vẹ enu ri Medeba Moab re beroma. Kuyovwi kuyovwi gba akpan re, a wanre kẹtuegba kẹtuegba,

Jerimaya 36:24

Yẹ ovie na, vẹ idibo rọye ri nyo eta nana na, djẹ oshọ-ọ, ayen bẹrẹ iwun raye-en.

Jerimaya 7:29

Bru ẹto wẹn wo do kufia, kpare ugoroviẹ vwẹ enu rẹ ugbenu phrẹphrẹphrẹ na, kidie Ọrovwohwo siẹn ọchuko kẹ uvwiẹ nana rẹ ophu rọye muọ na.

Izikiẹl 3:15

mi de rhi bru ihwo na otu re hẹ imu na rhe vwi Telabib, re dia oma rẹ urhie ri Kiba. Mi de tidia etiyin ẹdẹ ighwrẹ ofu de dje vwe hwe.

Izikiẹl 7:18

Ayen vwẹ esiso rhuo oma rayen, uguegue de rhurhu ayen; omavovwẹ vọn opharo rọye, uyovwi rayen gbe akpan.

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Livitikọs 21:5

E jẹn ayen bru ẹto nẹ uherevie raye-en, ayen ji bru asan ọvuọvo vwẹ oma raye-en.

Maika 1:16

Gbe oma wẹn akpan re wo bru ẹton wẹn nu, fiki rẹ emọ re vwerhe owẹ oma; gbe gbe oma wẹn akpan kerẹ ugo, kidie ayen che vrẹn nẹ uwe oma kpo ighuvwu.

Joshua 7:6

Etiyin Joshua da bẹrẹ emwa rọye, o de she bọvwọ opharo rhuotọ vwẹ obaro rẹ ekpeti rẹ Ọrovwohwo na rhiri re te ovwọnvwọn, te ọye te ekpako rẹ Izrẹl ejobi; ayen da ghwẹ ekpẹn ku uyovwi rayen.