Ezra 7:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹzra nana koye ne Babilọn rhe. Osiọbe o ruẹ rọ riẹn kpahe urhi ri Mosis rẹ Ọrovwohwo rẹ Ọghẹnẹ rẹ Izrẹl vwọ kẹ, ovie da vwẹ emu ejobi rọ guọnọre vwọ kẹ, kidie obọ rẹ Ọrovwohwo Ọghẹnẹ rọye vẹ ọye herọ.

Ezra 7:6 ပူးပေါင်းရင်းမြစ်များ

Jẹnẹsis 32:28

Etiyin ọ da ta, E gbi se odẹ wẹn Jekọp ọfaa, ẹkẹvuọvo kẹ Izrẹl, fikiridie wọ vẹ Ọghẹnẹ kugbe ihwo rẹ akpọ muabọ, yi wo sheri-i.

Ezra 5:5

Ẹkẹvuọvo ẹro rẹ Ọghẹnẹ rayen ọ hẹ enu rẹ ekpakọ ri Ju na, ayen gbẹ sa da ayen obọ ji-i, bẹsiẹ rẹ ota na vwo te obọ ri Dariọs kugbe ẹkpahọ ro che nẹ obọ rọye cha.

Ezra 6:22

Ayen da re orẹ rẹ ikara ro jephuo na ẹdẹ ighwrẹn soso vẹ aghọghọ, fikiridie Ọrovwohwo nẹrhẹ ayen ghogho. O de ku ẹnwẹ rẹ ovie rẹ Asiria rhẹriẹ kẹ ayen, rọ da nẹrhẹ ọ cha ayen uko vwo ru iruo rẹ uwevwi rẹ Ọghẹnẹ na, Ọghẹnẹ rẹ Izrẹl na.

Ezra 7:21

Mẹvwẹ, rẹ Artaxserxes rẹ ovie na ri ji urhi vwọ kẹ otu rẹ eyọnrigho vwẹ ubrakpọ rẹ Obovrẹn rẹ Urhie na kemu kemu rẹ Ẹzra rẹ orherẹn na, vẹ osiọbe rẹ urhi rẹ Ọghẹnẹ rẹ odjuvwu guọnọre vwẹ obọ rẹ ovwan, wa nabọ vwẹ oma kpotọ ruo,

Ezra 7:28

Ọ ro djẹ ẹguọnọ ro jẹrhẹriẹ rọye vwọ kẹ vwẹ vwẹ obaro rẹ ovie vẹ ediaguare rọye, kugbe igbuyovwi rọye. Udu mẹ da gan, kidie obọ rẹ Ọrovwohwo rẹ Ọghẹnẹ mẹ vẹ ovwẹ herọ, me da reyọ uvi rẹ ihwo nẹ emọ rẹ Izrẹl rhe nẹ inene uvwe yanran.

Ezra 7:5

ọmọ rẹ Abishua, ọmọ rẹ Finehas, ọmọ rẹ Elezaar, ọmọ rẹ Erọn rẹ olotu rẹ irherẹn–

Ezra 7:9

kidie vwẹ ẹdẹ rẹ ẹsosuọ rẹ emeranvwe rẹ ẹsosuọ ọye o vwo mu oyan nẹ Babilọn rhe, vwẹ ẹdẹ rẹ ẹsosuọ vwẹ emeranvwe riyori o de rhi te Jerusalẹm, kidie obo esiri rẹ Ọghẹnẹ vọye herọ.

Ezra 8:1

Enana keye igbuyovwi rẹ uwevwi rẹ esẹ rayen, ọnana koye uvwiẹ rẹ otu rẹ ihwo ri nene uvwe nẹ Babilọn rhe, vwẹ ọke rẹ ẹriọ rẹ Artaxserxes ovie na:

Ezra 8:18

Fiki rẹ obọ esiri rẹ Ọghẹnẹ rẹ avwanre ro nene avwanre dia na, ayen de ji ọshare ọvo ro vwo eriariẹ vwo rhe avwanre, vwẹ usun rẹ emọ rẹ Mahli rẹ ọmọ ri Livae, ọmọ rẹ Izrẹl, re se Sherebia vẹ emọ rọye, kugbe imoni rọye, ayen ihwe gbẹ ẹrenren,

Ezra 8:22

Fikiridie oma vo vwẹ re me vwọ ta kẹ ovie nẹ ọ vwẹ otuofovwi vẹ otu re gua iyesi ri nene avwanre je chọ avwanre nẹ obọ rẹ ivwighrẹn rẹ avwanre vwẹ idjerhe, kirobo rẹ avwanre ta kẹ ovie jovwo nẹ, Obọ rẹ Ọghẹnẹ rẹ avwanre yovwi kẹ ihwo ejobi re guọnerọ, ogangan rẹ ophu rọye herọ kpahe ihwo ejobi re senrọ.

Ezra 8:31

Etiyin avwanre de vrẹn nẹ urhie rẹ Ahava vwẹ ẹdẹ rihwivẹ rẹ emeranvwe rẹ ẹsosuọ na, vwọ kpo Jerusalẹm, obọ rẹ Ọghẹnẹ rẹ avwanre vẹ avwanre herọ, o de sivwi avwanre nẹ obọ rẹ ivwighrẹn rẹ avwanre re hwa hẹrhẹ avwanre vwẹ idjerhe.

Nehemaya 12:26

Enana hẹ ọke ri Jehoyakim ọmọ ri Jeshua ọmọ ri Jozadak, kugbe ọke ri Nehimaya rẹ osun na kugbe Ẹzra rẹ orherẹn na rẹ osiobe.

Nehemaya 12:36

kugbe ihwo rẹ orua rọye, Shemaiya, Azarẹl, Milalai, Gilalai, Maai, Netanẹl, Juda, kugbe Hanani, vẹ ekuakua rẹ ihwehworo ri Devid ohwo re Ọghẹnẹ na; Ẹzra osiọbe na da ka obaro kẹ ayen.

Nehemaya 2:12

Etiyin mi de vrẹn vwẹ ason, mẹvwẹ kugbe imihwo krẹn ri nene uvwe, me vuẹ ohwo ovuọvo obo re Ọghẹnẹ me phihọ udu me ni mi rhi ru vwi Jerusalẹmu-u. Eranvwe ọvuọvo nene uvwe-e jokpa rẹ eranvwe re me guare na ọvo.

Nehemaya 2:18

Etiyin mi de gbẹ ikun re obọ esiri rẹ Ọghẹnẹ mẹ rọ vẹ ovwẹ herọ ke ayen, ji kugbe eta rẹ ovie ta ke vwẹ. Etiyin ayen da ta, E jẹn avwanre vrẹn re a bọn. Ọtiọye na ayen da rhere irien rayen vi ke iruo na.

Nehemaya 2:8

kugbe ọbe mi vwo rhe Asaf, rọ sẹro re egbo rẹ Ovie, rọ kẹ vwẹ igedu mi vwo ru igbere rẹ anurhoro na kugbe uwevwi rẹ ẹga na, kugbe igbẹhẹ re orere na, ji kugbe uwevwi ri mi che wo phihọ. Ovie da rhọvwe phihọ obo re me nọre, kidie obọ esiri rẹ Ọghẹnẹ vo vwẹ herọ.

Nehemaya 4:15

Ọke rẹ ivwighre rẹ avwanre vwọ riẹn nẹ avwanre riẹnre nẹ Ọghẹnẹ gbẹ ozighi phihọ iroro rayen, avwanre ejobi de rhivwi kpo obo igbẹhẹ na, dohwo dako rẹ iruo rọye.

Nehemaya 8:1

Ihwo na ejobi da rhe ghwẹ koko gbidi vwe asan unuada re se Anurhoro rẹ Ame, ayen da ta kẹ Ẹzra osiọbe na nẹ ọ reyọ ọbe rẹ urhi ri Mosis rẹ Ọrovwohwo vwọ kẹ Izrẹl na rhe.

Nehemaya 8:13

Vwe ẹdẹ rivẹ igbuyovwi rẹ iwevwi rẹ esẹ rẹ ihwo na ejobi, vẹ irherẹn kugbe ihwo ri Livae, de koko bru Ẹzra osiọbe na rere ayen nabọ rhi yono eta rẹ urhi na.

Nehemaya 8:4

Ẹzra ọsiobe na de mudia vwe evun rẹ egbogho re ruru fiki rẹ Ọnana; ihwo nana Matitiaya, Shema, Anaiya, Yuraya Hilkaya, kugbe Maseiya de mudia akakọ re egbọghọ na vwe obọrhe, Pedaiya, Mishel, Malkija, Hashum, Hash-haddana, Zekaraya, kugbe Meshullam vwẹ obọhwẹre rọye.

Nehemaya 8:9

Te Nehemaya, re osun na, kugbe Ẹzra re orherẹn kugbe osiẹbe na, kugbe Livae ri yono ihwo na da ta ke ihwo na ejobi nẹ, Nonẹ na ẹdẹ ọfuanfon kẹ Ọrovwohwo Ọghẹnẹ wẹn, we muomaho-ọ eyẹ wa viẹ-ẹ. Kidie ihwo na ejobi viẹre rẹ ayen vwo nyo eta rẹ urhi na.

Nehemaya 9:13

Wọwẹ ri ghine wotọ ne Ugbenu ri Sinae rhe, wo de nene ayen ta ota ne obo odjuvwu rhe wo de ji omamọ re Iji kẹ ayen kugbe irhi rẹ uyota, omamọ re ẹgha kugbe irhi,

Une rẹ Ejiro 109:27

Jẹn ayen riẹn nẹ Ọnana obọ wẹn, wọwẹ, E Ọrovwohwo, ri ruro!

Une rẹ Ejiro 147:19

O dje ota rọye kẹ Jekọp, ẹgha vẹ irhi rọye kẹ Izrẹl.

Une rẹ Ejiro 45:1

Udu mẹ mwavwihwẹ vẹ oruru ọvwevwerhe, Me so umune mẹ kẹ ovie na, ẹrẹnvwe mẹ họhọ ubiurhe rẹ osiẹbe.

Une rẹ Ejiro 80:18

Etiyin avwanre gbi se chuko ku we ọfa-a; ke avwanre arhọ, kẹ avwanre se odẹ wẹn!

Isẹ 3:6

Vwẹ idjerhe wẹn ejobi rhọvwọ; kọ cha kpọ idjerhe wẹn ejobi vi.

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Aizaya 59:1

Nighe, obọ rẹ Ọrovwohwo krẹnọ-ọ, ro de je se sivwo-o, eyẹ erhọn rọye diri, ro de je ẹme enyo-o,

Jerimaya 8:8

Komavo wọ vwọ tanẹ, Avwanre ghwanre avware yọnrọn urhi rẹ Ọrovwohwo? Ẹkẹvuọvo, nighe, uhiurhe rẹ efian rẹ isiebe na ru ro phihọ ọvwọrefia.

Matiu 13:52

Ọ da ayen nẹ, kosiọbe kosiọbe re vwọ ru odibo rẹ uvie rẹ odjuvwu, ọ họhọ ohwo ro vwo uwevwi, rọ reyọ emu ọkpokpọ kugbe e rẹ awanre nẹ evun rẹ ighẹn rọye cha.

Matiu 23:2

Otu rẹ isiẹbe kugbe otu ri Farisi na mia tidia umukpe ri Mosis;

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

1 Kọrẹnt 1:20

Tivọ ọvwẹghwanre na he epha? Tivọ osiọbe na epha? Tivọ ọgbaphro rẹ oge na epha? Ọ dianẹ Ọghẹnẹ hirhe aghwanre rẹ akpọ na phihọ ugheghẹ?

1 Kọrẹnt 15:1

Imoni, me guọnọre nẹ me karohọ ovwan, iyẹnrẹ esiri ri mi ghwoghwo kẹ ovwan, rẹ ovwan reyọre, rẹ ovwan mudia phihọ,

Urhi Rivẹ 28:1

Rẹ ọ da dianẹ ovwan nyo urhuru rẹ Ọrovwohwo rẹ Ọghẹnẹ rẹ ovwan na, wa da nabọ yọnrọn irhi rọye ejobi ri mi ji kẹ ovwan nonẹ na, Ọrovwohwo rẹ Ọghẹnẹ rẹ ovwan no kọ kpare ovwan kpenu nọ ẹgborho rẹ akpọ na ejobi.

Urhi Rivẹ 4:5

Nighe, mi yono ovwan irhi kugbe iji nure, kirobo rẹ Ọrovwohwo Ọghẹnẹ mẹ jiji kẹ vwẹ na, rere wa mrasan ru ayen vwẹ evun rẹ otọ re wa ra dia na.