Ezra 7:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ ọmọ rẹ Abishua, ọmọ rẹ Finehas, ọmọ rẹ Elezaar, ọmọ rẹ Erọn rẹ olotu rẹ irherẹn–

Ezra 7:5 ပူးပေါင်းရင်းမြစ်များ

1 Ikun rẹ Ivie 6:4

Eleazar ọye ọsẹ ri Finehas, Finehas rẹ Abishua,

2 Ikun rẹ Ivie 19:11

Nighe, Amaria olori rẹ irherẹn na kọye che sun ovwan vwi kota kota rẹ Ọrovwohwo ejobi; kugbe Zebadia ọmọ rẹ Ishmael, osun rẹ uwevwi ri Juda, vwi kota kota ro nẹ oma rẹ ovie rhe; ihwo ri Livae na ke dia inotu rẹ ẹga kẹ ovwan. Yivwaro, Ọrovwohwo gbe nene ọvwata dia.

2 Ikun rẹ Ivie 26:20

Azaraya olori rẹ irherẹn na, kugbe irherẹn na ejobi, ki di no, nighere, arhare rọye ko lo vẹ oti, ayen da djẹ ro otafe kpata kpata, ekpuyovwi rọye de broma ro otafe, kidie Ọrovwohwo ghwiẹrẹ.

Ezra 7:4

ọmọ ri Zera-haya, ọmọ rẹ Uzzi, ọmọ ri Bukki,

Ezra 7:6

Ẹzra nana koye ne Babilọn rhe. Osiọbe o ruẹ rọ riẹn kpahe urhi ri Mosis rẹ Ọrovwohwo rẹ Ọghẹnẹ rẹ Izrẹl vwọ kẹ, ovie da vwẹ emu ejobi rọ guọnọre vwọ kẹ, kidie obọ rẹ Ọrovwohwo Ọghẹnẹ rọye vẹ ọye herọ.

Ẹyano 6:25

Eleazar, ọmọshare rẹ Erọn da rọvwọ ọmọtẹ rẹ Putiẹl; o de vwiẹ Finehas kẹ. Enana keyen igbuyovwi rẹ uwevwi rẹ esẹ rẹ ihwo rẹ Lẹvi vwẹ oruorua rayen.

Livitikọs 10:12

Mosis ke ta kẹ Erọn vẹ Eleazar kugbe Itamar emọ rọye ri chekọ, nẹ Ovwan reyọ izobo rẹ ọka ro chekọ vwẹ oma rẹ izobo ra vwẹ erhanre torhẹ kẹ Ọrovwohwo na, re ovwan riọ vwẹ ijiphuo vwẹ orhoma rẹ agbada na, kidie ọ pha fuanfon gangan;

Livitikọs 10:16

Kọye Mosis da vwẹ oma te otọ nọ ekpẹn rẹ ẹvwe re vwo ze izobo fiki rẹ izobo rẹ umwemwu na, e vwo ni, a torhẹre nure! Ophu de muo kpahe Eleazar vẹ Itamar, emọ re Erọn ri chekọ nẹ,

Livitikọs 10:6

Mosis da ta kẹ Erọn vẹ Eleazar kugbe Itamar, emọ rọye nẹ, Ovwan ru ẹto rẹ ovwan zubuzubu ovwan je bẹrẹ iwun rẹ ovwa-an ovwan de rhe ghwu, ophu da rhe tua kpahe ukoko na ejobi, ẹkẹvuọvo imoni rẹ ovwan, uwevwi rẹ Izrẹl ejobi sa viẹ fiki rẹ erhanre na rẹ Ọrovwohwo koko phihọ na.

Ukeri 27:2

Ayen de mudia vwẹ obaro ri Mosis, kugbe obaro rẹ Ẹlẹazar rẹ orherẹn na, kugbe obaro rẹ isun na kugbe ukoko na ejobi, vwẹ anurhoro rẹ utughẹ ra da vwa oma na, tane,

Ukeri 3:32

Etiyin Eleazar rẹ ọmọ rẹ Erọn rẹ orherẹn na kọye re dia olọri vwẹ enu rẹ isun ri Livae, rere ọ rha vwẹ ẹro te ihwo re vwo mu vwẹ enu rẹ iruo rẹ ẹshẹ na.

Ukeri 31:31

Etiyin Mosis vẹ Ẹlẹazar rẹ orherẹn na de ru kirobo rẹ Ọrovwohwo ji urhi kẹ Mosis.

Ukeri 31:54

Etiyin Mosis kugbe Ẹlẹazar rẹ orherẹn na da reyọ vwọ rhe utughẹ ra da vwa oma na, kerẹ ẹkarohọ vwọ kẹ ihwo rẹ Izrẹl na vwẹ obaro rẹ Ọrovwohwo na.

Ukeri 31:6

Etiyin Mosis de ji ayen kpo ofovwi, uriori nẹ orua ọvuọvo rhe, vwọ ba Finihas rẹ ọmọ rẹ Ẹlẹazar rẹ orherẹn, vẹ ekuakua rẹ ẹshẹ na kugbe owanre vwẹ obọ ra vwọ kọ udje.

Hibru 5:4

Ọnana rha de dia ọghọ rẹ ohwo di muẹ kẹ omobọ rọye-e, ẹkẹvuọvo Ọghẹnẹ sere, kirobo ro se Erọn.

Joshua 14:1

Enana keye uku re Ihwo rẹ izrẹl ghware vwẹ otọ ri Kenan, rẹ Eleazar rẹ orherẹn na, kugbe Joshua rẹ ọmọ ri Nun, vẹ igbuyovwi rẹ uwevwi rẹ esẹ rẹ orua rẹ ihwo rẹ Izrẹl ghare kẹ ayen.

Joshua 22:13

Etiyin ihwo rẹ Izrẹl de ji Finehas ọmọ reẹ Eleazar rẹ orherẹn na bru ihwo ri Rubẹn vi Gad kugbe abọvo rẹ orua ri Manasse, vwẹ obo otọ ri Gilead,

Joshua 22:31

Finehas rẹ ọmọ rẹ Eleazar rẹ orherẹn na da ta kẹ ihwo ri Ruben kugbe ihwo ri Gad kugbe ihwo ri Manasse nẹ, Nonẹ avwanre vwọ riẹn nẹ Ọrovwohwo na uherevie rẹ avwanre, fikiridie ovwan gbe ozighi nana kpahe Ọrovwohwo na-a; asakiephana we sivwi ihwo rẹ Izrẹl nẹ obọ rẹ Ọrovwohwo na.

Joshua 24:33

Eleazar re ọmọ rẹ Erọn de ghwu; ayen de shọ phihọ Gibeah, orho ri Finehas rẹ ọmọ rọye, ra vwọ kẹ vwẹ obo orere rẹ ugbenu rẹ Ifrem.

Iguẹdjọ 20:28

Etiyin Finihas rẹ ọmọ rẹ Eleaza, ọmọ rẹ Erọn ri gbe odibo vwẹ obaro rọye vwẹ ọke yena), ọ da tanẹ, kẹ avwanre rhoma ra họnre ihwo ri Bẹnjamin imoni rẹ avwanre na, gbenẹ avwanre jovwo? Etiyin Ọrovwohwo da tanẹ, Ovwan yanran; kidie Mi phi ayen pliihọ obọ rẹ ovwan vwẹ odẹ rọ cha na.