Ezra 6:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Vwẹ ukpe rẹ ẹsosuọ ri Sairọs rẹ ovie, Sairọs ovie de ji urhi: Vwọ kpahe uwevwi rẹ Ọghẹnẹ rọ hẹ obi Jerusalẹm na, e jẹn arhoma bọn, asan re de ze izobo na ra ghwẹ izobo rẹ atorhẹre cha na, enu era rọye e jọ dia kubit ujorha ohẹhẹre rọye kubit ujorha,

Ezra 6:3 ပူးပေါင်းရင်းမြစ်များ

2 Ikun rẹ Ivie 2:3

Solomọn da vuẹ ovuẹ rhe Huram ovie ri Taya; Obo wọ vẹ Devid ọsẹ mẹ yeri te ru wo vwo she igẹdu rhe vwo bọn uwevwi kẹ oma rọye rọ dia na, gbe ji nene uvwe yeri ọtiọye.

2 Ikun rẹ Ivie 2:6

Ẹkẹvuọvo kono re sa bọn uwevwi kẹ, yẹ odjuvwu tobọ odjuvwu ro me kpenu na, sa gba-a? Mẹvwẹ ono re me vwọ bọn uwevwi kẹ, jokpa rẹ amasan ra da torhẹ insẹns kẹ?

2 Ikun rẹ Ivie 36:22

Asakiephana vwẹ ukpe rẹsosuo ri Sairọs ovie ri Pẹsha, ota rẹ Ọrovwohwo ro wan unu ri Jẹrimaya ta vwọ sẹ, Ọrovwohwo da kpare erhi ri Sairọs ovie ri Pẹsha vwo ghwoghwo aghwoghwo wan uvie rọye ejobi duvwu o de ji sio phihọ otọ;

Ezra 1:1

Vwẹ evun rẹ ukpe rẹ esosuọ ri Sairọs ovie ri Pẹsha, rere ota rẹ Ọrovwohwo wan unu ri Jerimaya ta vwọ mrẹ asan sẹ, Ọrovwohwo da kpare ẹnwẹ ri Sairọs ovie ri Pẹsha kpenu, ke etiyin O da nẹrhẹ nẹ oghwoghwo wan irere re yariẹ uvie rọye phihọ, O ji ghwe si ayen phihọ evun rẹ ọbe.

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

Ezra 3:7

Ọtiọye ayen da vwẹ igho kẹ otu re ma uwevwi na vẹ otu rẹ ewena, kugbe emuọre, idi, kugbe evwri kẹ ihwo ri Sidọn kugbe ihwo ri Taya, rere ayen ghwa igedu nẹ Lẹbanọn rhe kpo obo abadi, kpo Jọpa, kirobo Sairọs ovie ri Pẹsha rhọvwe kẹ ayen.

Ezra 6:14

Ekpako ri Ju na da bọn, o de yovwi kẹ ayen, vwẹ oma rẹ aruẹmrẹ ri Hegae rẹ ọmraro na kugbe Zakaraya ọmọ rẹ Iddo. Ayen da bọn uwevwi na vwẹ oma rẹ urhi rẹ Ọghẹnẹ rẹ Izrẹl ji kugbe urhi ri Sairọs vẹ Dariọs kugbe Artaxserxes ovie ri Pẹsha.

Une rẹ Ejiro 122:4

rẹ orua na yere ra, orua rẹ Ọrovwohwo na, kirobo re jiro kẹ Izrẹl, ra vwẹ ẹkpẹvwẹ kẹ odẹ rẹ Ọrovwohwo na.

Ẹvwọphia 21:16

Orere na de vwo igogo ẹne abavo, ugrogro rọye vẹ ohẹhẹre rọye abavo; ọ da vwẹ ubiurhe rọye na vwavwe orere na, ọ da dia ichiyi uriori ihwivẹ kugbe ujori ujosan; ugrogro rọye kugbe ohẹhẹre rọye kugbe enuẹra rọye abavo.