Ezra 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ayen da vwẹ iyẹnrẹn vwo rhe, re siri ọtiọna nẹ: Vwọ kẹ Dariọs ovie na, ufuoma ejobi.

Ezra 5:7 ပူးပေါင်းရင်းမြစ်များ

Ezra 4:17

Kẹ etiyin ovie na da kpahe rhe ayen; Vwo rhe Rehum rẹ olotu kugbe Shimshai rẹ osiẹbe na vẹ irivẹ rayen ri chekọ re dia Sameria kugbe e re hẹ ubrakpọ rẹ Obovrẹn rẹ Urhie na, uyere.

Ezra 5:6

Isiesi rẹ ọbe ri Tattenai osun rẹ ubrakpọ rẹ Obovrẹn rẹ Urhie na vẹ Shetabozenai vẹ otu rọye si vwo rhe Dariọs ovie na.

Ezra 5:8

Jẹn ovie riẹn nẹ avwanre kpo ubrakpọ ri Juda, re te uwevwi rẹ Ọghẹnẹ rode na. A ra vwẹ eragha ride bọn, e mu ighere phihọ igbẹhẹ rọye nure, iruo na rayan ghwraghwra-ghwra. O ji ghwe yovwẹ vwẹ abọ rayen.

Daniẹl 3:9

Ayen da ta kẹ Ovie Nebukadreza, E Ovie, wọ re bẹdẹ.

Daniẹl 4:1

Onana ovuẹ rẹ ovie Nebukadreza vwo rhe ihwo ejobi, ẹgborho ejobi, vẹ ephẹrẹ ejobi, re dia otọ rẹ akpọ na ejobi: ufuoma bu phihọ kẹ ovwan!

Daniẹl 6:21

Etiyin Daniẹl da ta kẹ ovie na, E ovie, wọ re bẹdẹ.

Iyẹnrẹ Esiri ri Jọn 14:27

Ufuoma mi jovwo kẹ ovwan; ufuoma mẹ me vwọ kẹ ovwan; ọ dia obo rẹ akpọ kẹ me kẹ ovwan na-a. We jẹn udu bru ovwa-an, eyẹ we jẹn oshọ mu ovwa-an.

2 Tẹsalonaika 3:16

Asakiephana ekpuyovwi rẹ Ọrovwohwo rẹ ufuoma na ọ kẹ ovwan ufuoma kọke kọke vwẹ idjerhe ejobi. Ọrovwohwo nene ovwan ejobi dia.