Ezra 5:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Etiyin Zerubabẹl omọ ri Shealtiẹl kugbe Jeshua ọmọ ri Jozadak de vrẹn, ayen ke rhoma bọn uwevwi rẹ Ọghẹnẹ rọ hẹ obi Jerusalẹm, emraro rẹ Ọghẹnẹ, de mudia kẹrẹ ayen re cha ayen uko.

Ezra 5:2 ပူးပေါင်းရင်းမြစ်များ

Ezra 1:8

Sairọs ovie ri Pẹsha da ghwẹ ena vwọ phia vwo nẹ obọ rẹ Mitredat ọyọnrigho, o de kere ayen vwọ kẹ Sheshbaza ọmọ rẹ ovie ri Juda.

Ezra 10:18

Vwẹ usun rẹ emọ rẹ irherẹn na re rọvwọ eya erhorha vwẹ otọ na, a da mrẹ Maaseya, Eliezer, Jarib vi Gedalaya, vwẹ usun rẹ emọ ri Jeshua rẹ ọmọ ri Jozadak kugbe imoni rọye.

Ezra 3:2

Etiyin Jeshua rẹ ọmọ ri Jozadak de vrẹn, kugbe irivẹ rọye re hẹ irherẹn, kugbe Zerubabẹl rẹ ọmọ rẹ Shealtiẹl vẹ imoni rọye, ayen da tọn agbada rẹ izobo rẹ Ọghẹnẹ rẹ Izrẹl, rere ayen vwo ze izobo rẹ ẹtorhẹ vwẹ enu rọye kirobo re siro phihọ urhi ri Mosis ohwo rẹ Ọghẹnẹ.

Ezra 3:8

Vwẹ ukpe rivẹ rẹ ayen vwọ rhe uwevwi rẹ Ọghẹnẹ vwi Jerusalẹm, vwẹ emeranvwe rivẹ, Zerubabẹl rẹ ọmọ ri Shealtiẹl kugbe Jeshua rẹ ọmọ ri Jozadak da tuẹ ebabọn na phihọ, kugbe imoni rayen ri chekọ, irherẹn na vẹ ihwo ri Livae kugbe ayen ejobi re rhe Jerusalẹm nẹ ighuvwu rhe. Ayen da vwẹ ihwo ri Livae vwo rnu, nẹ ẹgbukpe uje kpenu, rere ayen ni iruo rẹ uwevwi rẹ Ọrovwohwo na.

Ezra 6:14

Ekpako ri Ju na da bọn, o de yovwi kẹ ayen, vwẹ oma rẹ aruẹmrẹ ri Hegae rẹ ọmraro na kugbe Zakaraya ọmọ rẹ Iddo. Ayen da bọn uwevwi na vwẹ oma rẹ urhi rẹ Ọghẹnẹ rẹ Izrẹl ji kugbe urhi ri Sairọs vẹ Dariọs kugbe Artaxserxes ovie ri Pẹsha.

Hegae 2:18

Roro kpahe ẹdẹ ri nonẹ na, nẹ ẹdẹ uje gbẹ ẹne rẹ emeranvwe rirhiri na yanran. Nẹ ẹdẹ ra vwọ vwẹ uchivwo rẹ uwevwi rẹ Ọrovwohwo na vi rhe, roro;

Zekaraya 4:14

Etiyin ọ da ta, Enana ivẹ na ra vwẹ ori ghworo ri mudia kẹre Ọrovwohwo rẹ akpọ soso na.

Zekaraya 4:4

Me da ta kẹ amakashe ro nene uvwe ta ota na, Enana kidie vwo, ọrovwovwe?

Zekaraya 6:11

Wo mie ayen idọnọ ọfuanfọn vẹ oro, vwo ru erhu rẹ ovie ọvo, re wo vwo tughẹ uyovwi ri Joshua, ọmọ ri Jehozadak, orherẹn ro kpenu na,

Zekaraya 8:9

E nẹ Ọrovwohwo rẹ otuofovwi tare: We jẹn abọ rẹ ovwan gan, ovwan ri nyo eta nana ri nẹ unu rẹ emraro rhe na, rhanwe ẹdẹ ra vwọ tọn uchivwo rẹ uwevwi rẹ Ọrovwohwo rẹ otuofovwi phihọ nu na, rere a vwọ bọn uwevwi rẹ Ọghẹnẹ na.

2 Kọrẹnt 1:24

O dianẹ avwanre suẹn esegbuyota rẹ ovwa-an, avwanre nene ovwan ruẹ iruo fiki rẹ aghọghọ rẹ ovwan, kidie we mudia gan vwẹ esegbuyota rẹ ovwan.