Ezra 4:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwẹ evun re ọke rẹ Artaxserxes, Bishlam kugbe Mitredat kugbe Tabeel kugbe irivẹ rọye ri chekọ de si ọbe rhe Artaxserxes ovie ri Pẹsha, e de si ọbe na vwẹ ephẹrẹ ri Aramia ayen da fotọ rọye.

Ezra 4:7 ပူးပေါင်းရင်းမြစ်များ

Ivie rẹ Ivẹ 18:26

Kọye Elayakim ọmọ ri Hilkaya, vẹ Shebna kugbe Joa da ta kẹ Rabsheke, Biko, ta kẹ idibo wẹn vwẹ ephẹrẹ rẹ Aramea, kidie avwanre nyo, wọ vwẹ ephẹrẹ ri Juda ta kẹ avwanre-e ihwo rẹ asan igbẹhẹ na de nyo.

Ezra 4:1

Asakiephana ivwighrẹ ri Juda vi Bẹnjamin vwo nyo nẹ ihwo re muru na rhivwi rhe nẹ ayen bọn uwevwi kẹ Ọrovwohwo, Ọghẹnẹ rẹ Izrẹl na,

Ezra 4:17

Kẹ etiyin ovie na da kpahe rhe ayen; Vwo rhe Rehum rẹ olotu kugbe Shimshai rẹ osiẹbe na vẹ irivẹ rayen ri chekọ re dia Sameria kugbe e re hẹ ubrakpọ rẹ Obovrẹn rẹ Urhie na, uyere.

Ezra 4:8

Rehum rẹ ojurhi kugbe Shimshai rẹ osiẹbe de si ọbe kpahe Jerusalẹm vwo rhe Artaxserxes rẹ ovie na ọtiọna–

Ezra 4:9

etiyin Rehum rẹ olotu kugbe Shimshai rẹ osiẹbe, vẹ irivẹ rọye ri chekọ, iguẹdjọ na, isun na, iruiruo na, ihwo ri Pẹsha na, ihwo rẹ Erẹk, ihwo ri Babilọn, ihwo ri Susa, kọye ihwo rẹ Elam de si ọbe,

Ezra 5:6

Isiesi rẹ ọbe ri Tattenai osun rẹ ubrakpọ rẹ Obovrẹn rẹ Urhie na vẹ Shetabozenai vẹ otu rọye si vwo rhe Dariọs ovie na.

Ezra 7:1

Asakiephana rẹ enana vwọ wan nu, vwẹ ẹriọ rẹ Artaxterxes ovie ri Pẹsha, Ẹzra rẹ ọmọ ri Seraya, ọmọ rẹ Azaraya, ọmọ ri Hilkaya,

Ezra 8:36

Ayen da vwẹ urhi vẹ ovuẹ rẹ ovie vwọ kẹ inotu rẹ ovie re hẹ Obovrẹn rẹ Urhie na, ayen da chọ ihwo na, vẹ uwevwi rẹ Ọghẹnẹ uko.

Nehemaya 2:1

Vwẹ evun rẹ emeranvwe ri Nisan, vwẹ ẹgbukpe uje rẹ ẹriọ rẹ Ovie Artaxerxes, vwe ọke re udi vwọ hẹ obaro rọye re, mi de mu udi na vwọ kẹ Ovie na. Asakiephana mi ji muoma phihọ vwe obaro rọye dẹvo-o.

Aizaya 36:11

Etiyin Eliakim, Shebnea, kugbe Joah da ta kẹ Rahshẹkeh nẹ, Biko, ta ota kẹ avwanre vwẹ ephẹrẹ rẹ Aremia, kidie avwanre nyo, wọ ta ota kẹ avwanre vwẹ ephẹrẹ ri Juda-a re ihwo na re he enu rẹ igbẹhẹ na de rhe nyo.

Daniẹl 11:2

Asakiephana ki mi gbe uyota na kẹ wẹ. Nighe, ivie erha efa che mu vwi Pẹsha; ọrẹne ọye che me fe vrẹn ayen ejobi, ọ da rhe wan oma rẹ efe na vwo ogangan re, kọ cha riẹriẹ ihwo vwo mukpahe uvie ri Grik.

Daniẹl 2:4

Etiyin ihwo ri Kaldia na da ta kẹ ovie na, E Ovie wọ dia bẹdẹ! Ta evwerhẹ na kẹ idibo wẹn, kẹ avwanre djẹ otọ rọye vwọ kẹ wẹ.